الموضوع: استهلاك البنزين عالى فى 128

المشاركة الأصلية كتبت بواسطة lada2010

كدا الكرباريتر احتمال كبير يباق فية اكس وباب ودا بيخلى السحب فى البنزين عالى اوى روح لبتاع كرباريترات

يعنى هو الكربراتير هو الاحتمال الوحيد ؟ والاكس والباب دول حاجه جامده يعنى ولا يتغيروا عادى ؟ وشكرا على اهتمامك

المشاركة الأصلية كتبت بواسطة lastfirst

الاخوه الاعضاء عندى عربيه 128 هى 1300 سى سى هى صفيحه البنزين بتعمل معايا بالكتير 140 كيلو يعنى اللتر يعمل 7 كيلو واعتقد ان ده كتير شويه وصوت الماتور عالى شويه وبحس بحراره شويه وانا سايق مع ان مؤشر الحراره مش بيعلى والمروحه بتشتغل .. لو حد عنده فكره عن سبب استهلاك البنزين والحراره يفيدنى .. وشكرا

بص هو ده مش كتير شويه...لأ دا كتير أوي.....المفروض الصفيحة(20لتر) تعمل معاك في السفر الطوالي 200كيلو أو 210 في الحدود دي ....أنما جوه البلد طبعا علي حسب الزحمه وعمرك ماهتقدر ابدا تحسب معدل أستهلاك واحد أو متقارب جوه البلد ....عارف ليه؟؟؟عشان مش كل مشوار زحمته وقرفه واحد .....أنا رأيي أول حاجه تخلع الكاربيراتير تغسله غسله محترمه عند الميكانيكي (مش لازم بتاع كاربيراتيرات) وتغيرله طقم جوان ب10 جنيه ولازم لازم بيك السرعه تغيره ببيك رقمه 115 ده كويس أوي عليها.....وع العموم لو طلع أكس وباب الميكانيكي هيقولك وديه لبتاع كاربيراتيرات(ولو أنهم ولا بيصلحوا ولا بيتنيلوا) وبعدين يا سيدي لو بعد ماغسلت الكاربيراتير ماطلعش العيب منه...أهي نظافه وراحه للماتور .....تبتدي باه ساعتها تبص ع الابلاتين والكوندنسر والبوجيهات ....أما بأه التاكيهات فلو ميكانيكي شاطر وعنده ضمير هيقولك مضبوطه ولا لأ من صوت العربيه ومن غير مايخلع حتي وش التاكيهات......حاجه أخيره بأه حاول تخلي الميكانيكي يرفع العربيه ويشوف العجل ناعم في الحركه ولا في تيل قافش ولا حاجه

والله عندى نفس المشكلة عربيتى 128 1300 سى سى وبتعمل فى الصفيحة 140 بس بعد ما ظبط التاكيهات بقت تعمل 160 كيلو فى الصفيحة

ممكن يكون بك السلانسيه عندك عالي و بالتالي استهلاك البنزين عالي

بالنسبه لحراره العربيه عندي ده شيء عادي

ملحوظه : في محطات بنزين بتحط سبرتو و بالتالي لما تفول مثلا و تمشي شويه تلاقي ربع التانك فضي

الكلام ده كان موجود من فتره في اكثر من محطه بنزين فولت منها

المشاركة الأصلية كتبت بواسطة volk

ممكن يكون بك السلانسيه عندك عالي و بالتالي استهلاك البنزين عالي

بالنسبه لحراره العربيه عندي ده شيء عادي

ملحوظه : في محطات بنزين بتحط سبرتو و بالتالي لما تفول مثلا و تمشي شويه تلاقي ربع التانك فضي

الكلام ده كان موجود من فتره في اكثر من محطه بنزين فولت منها

بعد اذن صاحب الموضوع ،
يعنى ايه بك السلانسيه عالى ؟
اعرفها ازاى ؟
علما بأنى مغيره قريب وكان تقريبا بـ 25 جنيه والعربية بيجو

اهلا بيك

بك السلانسيه عالي يعني بيدي بنزين كتير للعربيه و هي واقفه علي السلانسيه ( مموره ) و بالتالي صوت العربيه عالي

تعرفها ازاي لما تكون ممور و تحس ان المكنه صوتها عالي