عندي محل وعاوز مشروع ....ياترى افتحه ايه ؟

**medomaster** · 08-12-2010 09:15 PM

بسم الله الرحمن الرحيم
الموضوع وما فيه اننا شاريين محل في مول عندنا في حلوان في منطقة متوسطة والمول قعد يتشطب سنتين وبعدين تم بحمد الله تعالى فتحه من شهرين على مستوى عال جدا ف احنا اجرنا المحل لواحدة ست كانت هتفتحه محل هدوم حريمي وكدة ..المهم تمام والمول اتفتح والناس كدة فتحت حوالي 99 محل وماشاء الله المول ممتاز ...بس لسة الرجل عليه مش كتير عشان الناس لسة متعرفوش وكدة وادارة المول شغالة في الدعاية .....
المهم انهاردا لقينا الست اللي مؤجرة للمحل جت وقالت انا مش قادرة على الإيجار عشان انا مبكسبش (قولنلها هو انتي لحقتي فتحتي لسة ...دول شهرين ) قالت انا مليش في المحلات و كدة وحاسة اني بخسر قولنالها براحتك
وبكرة ان شاء الله هستلم منها المحل ..المحل مساحته 15 متر وله واجهة على الشارع في الدور الثاني وهو مربع الشكل فكنت عاوز اعرف لو عاوز اعرف فيه مشروع وانا فاهم يعني ايه مشروع واسوقله ازاي ممكن عن طريق النت او دايركت كدة وهستنى المكسب مثلا بعد اول 6 شهور اكون اتعرفت و كدة ..ف إيه رأيكو اعمله ايه ولو حد ذكر مشروع يقول التكلفة هتبقى كام وكدة مع العلم ان المحل مفيهوش مياه وشكرا يا احلى منتدى في الدنيا

**kamatchodj** · 09-12-2010 06:39 AM

اخى العزيز
نصيحه من اخ اذا لم يكن لك خبره فى التجاره اجر المحل احسن لك
التجاره محتاجه صبر وتفرغ ودرايه وكاش وقبل ده كله توفيق من ربنا

**mesaharaty** · 09-12-2010 11:44 AM

لو حتفتحه ممكن الآتى :
1- بيع إكسسوارات حريمى أو الإكسسوارات الخاصة بالعروسة ( فازات - بورتريهات - براويز - ساعات حائط - روائح ومكياجات - زرع بلاستيك ) وأى شيى يخص العروسة ( الموضوع ده ماشى حلاوة ومابينقرضش وعليه طلب من البنات اللى على وش جواز)
2- بيع ملابس لانجيرى وبيجامات وخلافه (برضه الحاجات دى ماشية)
3- خلى السعر عندك دايما أقل من السوق (نصيحة مجربة)

وبالتوفيق