skoda octavia A5 2007 or bmw 316i e36 1997 ? مين اداءة احسن مع انى مرتح جدا لى البى ام بس حاسس ان اوكتفيا احسن عشان اوبشن اعلى :11:يا ريت حد يفهمنى وجزاكم الله خيرا :)
عرض للطباعة
skoda octavia A5 2007 or bmw 316i e36 1997 ? مين اداءة احسن مع انى مرتح جدا لى البى ام بس حاسس ان اوكتفيا احسن عشان اوبشن اعلى :11:يا ريت حد يفهمنى وجزاكم الله خيرا :)
اظن ان ال 2 لا يقارنا ببعضهما نظراً لإختلاف الفئتيين ..ممكن تقارن e46 ب a5 وساعتها e46 هاتكسب طبعاَ
صعب جدا تقارن ما بين الأتنين لأنك كدة ظلمت ال e36 بسبب فرق السنين
و لكن دة لا يمنع من ان ركوبة ال bmw حاجة تانية
انت و الى ترتاح لية يعنى لو شايف انك مرتاح للأوكتافيا و محتاج الأوبشنز و نسبة ان حاجة ممكن يحصل فيها عطل اقل يبقى خد الأوكتافيا
اصل انا بحب 316i 97 انا شايف ان اجيبها فى حدود 70-80 الف افضل من اى عربية تانية ولما سألت واحد قلى لا ابعد خاص عن القديم ولو فتحت معاك مش هتسيبك بس لما سألت واحد جوا توكيل bmw قلى هات ال bmw وهى عربية جميلة جدا بس انا فعلن خايف ان العشر سنين دول نزل حاجات اكيد مش موجودة فى موديل 97 ودة يخلى اوكتفيا اعلى بس 316 عربية جامدة وتستحمل مش زى e46 و A5 غير انى برضة مش عايز قطع غيار نار مانتو عارفين الألمانى بس انا نفسى اجربة رايكو اية (انا مبسوط جدا على المشاركة الجميلة خصوصا دى اول مرة اكتب موضوع حاسس انى بتكلم مع اخواتى ربنا يبارك فيكو :)
لو البى ام متسقط فيها موتور محترم وحالتها شديده
تكسب طبعا
ريح دماغك و خليك مع الجديد
bmw 316 e46 model 1998-2003 قطع غيارة غالية ولا زى e36 انا اعرف ان e36 فانوس امامى 400 ورفرف 100 حاجات رخيصة جدا غير ان فى ناس بتقول e36 صاجها اقوى من bmw e46 عشان كدة انا بحب e36 وكمان سهل انك بعد كدة تظبط فيها بس هى لو حالتها كويسة اية عيوبها؟وكمان فى مشكلة بتاعت البطاحات بتشرخ مش فاهم دى بردة :(
انا والله كلو بيقولو الجديد تعيش معاك واول رجل بس انا نفسى فى المانى ويكون فى حدود 70-80 الف عشان كدة لما شوفت e36 قلت اسال اهل الخبرة
ربنا يبارك فيك وجزاك الله خيرا على الرد :)
والله انت مظبطنى آخر حاجة :) ربنا يحفظك
اية الفرق بين e36 and e46 مش هوا نفس الموتور 316i فى الأثنين 1600؟ انا عشان e36 ارخص فى قطع الغيار قولت اظبط فيها واحدة واحدة ولا رأى حضارتكم اية؟
هناك اختلافات كثيره بين ال e46 و ال e36. أولا شكل هيكل ال e36 منذ عام 1991 الى 1997 < المفترض > لكن هنا فى مصر كانت الى عام 1998 < و ملحوظه أنا كلامى متعلق بالسيارات السيدان > لم يتغير, بعكس ال e46 كان للسياره هيكل من عام 1999 - 2001 ثم تم تعديل الشكل منذ عام 2002 - بالنسبه لمصر 2006 < المفترض 2005 >. المحرك الموجود بال e36 منذ أواخر عام 1994 تقريبا, هو ال m43bxx و ال xx = السعه, 18 أو 16, فى عام 1999 زودت ال e46 بمحرك m43tub19, ثم فى عام 2002 - 2003 أو 2004 تقريبا زودت بمحرك n42b20 و n42b18 ثم 2004 - 2006 < المفترض 2005 > زودت بالمحرك n46b20 و n42b18
ال e36 أقوى من ال e46 فى خامات جسم السياره < عظم السياره >, و شكلها يوحى بالقوه عن ال e46, بينما ال e46 شكلها انسيابى اكثر و بها أمكانيات أكثر لكن خامات هيكل السياره ضعيف عن ال e36. هناك العديد من الأشخاص من يقول أن ال e46 مريحه عن ال e36 لكن أنا من وجهة نظرى لا يوجد فرق بين السيارتين فى القياده و لكن عند المقارنه فى حالة المحركات ذات السعه اللتريه الكبير بلا منازع ال e36 تفوق ال e46 و هذا كلام كل من امتلك السيارتين, على سبيل المثال e36 325 تأكل ال e46 325 و تعطيك الأحساس بالقوه و الأحساس بالطريق. أنا عن نفسى أفضل ال E36 عن ال E46 كسياره.
أنا بحترم رأيى الأستاذ Batman372 لكن اختلف معه فى شىء, هل أنت تقصد السياره ولا الأمكانيات؟,اذا كنت بتقارن الأمكانيات الأسكودا هتكسب, لكن بتقارن كسياره ال E36 هتكسب طبعا. اعتقد أنه لا يوجد وجه مقارنه بين سياره دفع خلفى و سياره جر أمامى هذا أولا, ثانيا بين ثبات ال E36 وثبات الأسكودا, ثالثا بين خامات هيكل السياره E36 وخامات الأسكودا, رابعا بين أمكانية تغيير شكل ال E36 الى M3 < الشكل الرياضى للفئه ال 3 > من حيث الشكل, ثم من حيث الجوهر ك E36 M3 والذى لن يقارن أيضا بسيارات البى أم دبليو الجديده < الفئه 3 > لأن ال M3 هى حاله لا تقارن الا ب M3 فقط أو فئه اعلى ك M5 أو M6.
اشكرك جدا اخويا الكبير عمرو على المعلومات الجميلة والجمدة اوى دى وجزاك الله خيرا 3>
معلومات قيمة جداااا شكرا على المعلومات وشكرا لصاحب الموضوع لانى بفكر فى دة فعلا ومقتنع بالبى ام ويارب الاسعار تكون اتعدلت مع الوقت باذن الله