ساعدوني يا وحوش حاجة حصلت لي غريبه في ميجي النهارده

**midohits** · 09-12-2010 07:38 AM

ازيكو يا وحوش عاملين ايه
انا النهرده حصلت لي حاجة غريبه مش عارف داه من ايه

المهم بشغل الولاعه بتاعت العربيه ، لقيتا مش شغاله قولت يمكن باظت مش مشكله

شوية ولقيت الكاسيت بعد ربع ساعة بيقفل لوحده ، بالظبط لو انته مبطل العربيه قولت مش مشكله

بعد شوية بشغل التكييف الزرار بتاع التكيف مش بينور والتكيف مش شغال
يا ترى داه ايه فيوزات ولا حاجة اكبر

ربنا يستر

لو حد عنده خلفيه ياريت يساعدني

**Elsarrawy** · 09-12-2010 08:42 AM

واضح ان في فيوز مهم ضرب
او في حاجة ملمسة بشكل غير صحيح

عموماً لو ليك في مبادئ الكهرباء بص على الكتالوج وشوف الجزء الخاص بالفيوزات وشوف مكان فيوز الولاعة وفيوز التكييف فين

وبعدين افتح علبة الفيوزات وبص عليهم وشوف ان كان في فيوز منهم محروق ولا لأ لو لاقيت غيره وجرب ولو مالاقتش او الفيوز الي ركبته جديد برده اتحرق

يبقى لازم تروح لكهربائي ميجان متخصص ولحد ماتروحله لازم ماتشغلش لا انوار ولا تكييف ولا اي حاجة غير تدوير العربية من باب الحرص لحد ما يشوف ايه المشكلة وان شاء الله تطلع بسيطة

**mmoneim** · 09-12-2010 10:06 AM

فعلا فى فيوز بايظ وده موجود فى علبه الفيوزات اللى موجوده فى جنب التابلوه ناحيه السواق افتح الغطاء واكشف عليهم وحتلاقى فيوزات احتياطى ممكن تغيره وانت واقف

**Ahmed Selim** · 09-12-2010 01:21 PM

بص على الفيوزات و روح لأى كهربائى خليه يشيل قواطيش البطارية و يصنفر مكانهم كويس قوى سواء فى الكابلات أو البطارية نفسها.

و أبقى طمنا عليك.

**Hany Saad** · 09-12-2010 07:24 PM

لا أعتقد إن الموضوع فيوزات.....و من الصعب جدا إن كل الفيوزات دى تضرب فى وقت واحد و بدون سبب....و خصوصا إنها فيوزات أصلية....
لاحظ إن الكاسيت دخل فى الprotection mode يعنى طفى علشان يحمى البطارية بعد 20 دقيقة شغل و كأن الكاسيت مش شايف إن العربية دايرة...كأن العربية شغالة على البطارية فقط....كل الحاجات دى مش حاسة إن العربية دايرة و إن الداينامو بيخرج كهرباء و شايفة البطارية فقط علشان كده مش بتشتغل.....

أنا بفتح مواضيع لكن للأسف مش أقادر أساعدك.....فعلا عيب غريب لأنه فى كذا مكان مع بعض.......إن شاء الله نطمن عليك.....