محتاج المساعدة ضروري من خبراء اللانوس
أولا أنا بحيي كل الناس اللى موجوده في قسم الدايو أنا جديد يجماعه ولسه شاري العربية الأسبوع اللي فات معايا جوليت 2001 وعملت في العربيه شوية شغل كده غيرت السيور والفلاتر كلها وغيرت سلوك البوجيهات والبوجيهات و التنك كان مخروم غيرته والعربية حسيت ان الموتور خشن اوي المهم الميكانيكي قاللي العربية عايزه رشاشات علشان في دخنه سوده من الجكمان وغيرت الرشاشات بالفعل والعربيه سحبها بقا كويس جدا بس المشكله دلوئتي ان العربية فيها خشانه من الموتور وباينه قوي في الدواره الصبح وبعد ماتسخن بتبقا كويسه غير دلوئتي حسيت انها متلته روحت للميكانيكي تاني قولتلو العربية مش مظبوطه قالي عايزه طقم صبابات وانا بصراحة مش عارف اعمل ايه انا شاكك ان يكون المشكلة من الرشاشات اللى ركبها الميكانيكي فهل ممكن الرشاشات لو مش مظبوطه تعمل كده وأسف على الإطاله