-
بحلم بمركز خدمة
السلام عليكم ورحمة الله و بركاته
اخوانى و اغواتى اعضاء و عضوات و مشرفين و اداريين
كل عام و انتم بخير
ارجو مساعدتى من اصحاب الخبرة و ذو المعلومات الصحيحة
من اعضاء و جهابذة المنتدى
املك قطعة ارض بالجيزة
قريبة جداا من المنيب و ميدان الجيزة و البحر الاعظم والدائرى
تحديدا بمدخل مدينة ابو النمرس اول طريق بنى سويف الزراعى
5 دقائق من المنيب و الدائرى -و 10 دقائق من ميدان الجيزة
مساحتها فدان كامل اى 4200 متر
افكر جديا منذ فترة فى استغلالها لانشاء
بنزينة و مركز خدمة سيارات واحلم بان اكون مركزا معتمدا
لاحدى المركات فى المستقبل ان شاء الله
لكنى ليس لى خبرة بهذا المجال و لا لدى خبرة بعمل دراسة جدوى لهذا المشروع
لكنى امل فى الله خير ثم فى معلوماتكم و خبراتكم
فارجو كل من لديه الخبرة او معلومة لا يبخل بها
عسي ان يكون فيها خير للجميع ان شاء الله
و السلام عليكم
فى انتظار مشاركاتكم
اخوكم احمد
-
مبدايا شوف انت ايه الماركات اللي ملهاش في المنطقه بتاعتك او قريبه منك
فيه توكيلات ممكن تعلمها مركز خدمه معتمد من غير مجهود كبير بس خلي بالك فيه فلوس كتير في الموضوع ده لان انا دوست فيه بس حيجيبلك اكتر بكتييييييييييييير لو ناوي بجد اصبر بس لحد شهر واحد و اشوف الموضوع معاك بالنسبه لدراسه الجدوى انت بتختار التوكيل بيجبرك انك تشتري حاجات ملهاش لازمه و حاجات ليها لازمه فالمفروض حتقعد تشوف حتشتري ايه منهم للمركز الخدمه و الميزانيه بتاعتك المركز حيتعمل على مساحه قد ايه و الديزاين بتاعها كل ده في ايدينا اللطمه الكبرى في طلبات التوكيل
شوفلي بس الاول المناطق بتاعتك ناقص قيها ايه مراكز خدمه و ايه اللي تقدر تخدمه كويس اوي
ملحوظه انت ممكن تاخد مركز خدمه معتمد لاكثر من ماركه و ربنا يوفقك
-
طيب سؤال هو مبدئيا عشان تدخل المشروع دا يكون معاك سيوله قد ايه؟؟؟؟؟
-
بتفرق حسب اشتراطات التوكيل في اخذك لتصريح مركز الخدمه لكن لو بتجهز مركز عادي حسب المساحه حتحط كام ونش كهربا لرفع السياره و كام عده بالاضافه للاجهزه المختلفه لتشخيص الاعطال و عدد العمال و الفنيين و المهندسين و مستقبلي الخدمه دا غير السيستم بتاعك تمشيه ازاي
-
مش عارف اشكرك ازاى على مشاركاتك الرائعة
لكن عموما المنطقة اساسا مش فيها غير مركز خدمة الترامكو
بهزر
اصلا مافيهاش مراكز خدة لاى شئ
والمنطقة وسط بين المنيب و المريوطية
وعلى طريق سياحى
بس مش بفكر فمركز خدمة كامل مرة واحدة
انا بحاول ابتدى على قدى
بفكر ببنزينة
و داخلها ممكن اعمل السرفيس المعتاد او صيانة الضمان لماركة او اتنين
زى بنزينة موبيل فى شارع 9 بالمعادى واخدة ميتسوبيشى
و بنزينة شل فى شارع ال 90 بالتجمع الخامس و اخدة شيفرولية
ارجوا انتى اكون وضحت الصورة اكتر
واتمنى مشاركات و معلومات اكتر
وجزاكم الله كل خير
اخوكم احمد
-
بص اهم حاجه حضرتك دراسه الجدوى بس مادام مكنش لحضرتك قبل كده اي خبره في الموضوع فموضوع السرفيس دي كويسه و شويه بشويه بس خلي السيرفس متطور شويه لو ميزانيتك تسمح خلي بعد البنزينه تعمل المركز بشكل كامل و مش لازم يبقى كبير فيه مركز بتبقى صغيره و حاجه في حاجه
او ممكن ميبقاش معتمد بس حاجه كويسه و شويه بشويه تاخد مركز معتمد وربنا يوفقك
بس ان شاء الله لو اتنفذ متنساش تشغلني معاك :d
-
يا باشا دة انت مش تشتغل معايا دة انت تبقى استاذى تم شاء الله
عموما انا اتكلمت مع شركة شل و اويل ليبيا و رحبوا بالفكرة و ان شاء الله خلال 15 يوم حنكون وصلنا لاتفاق و اخدنا خطوة جادة
وربنا يسهل وبرضه مش ممكن استغنى عن خبراتكم
-
العفو حضرتك على فكره انا صغير في السن كلهم 21 سنه مش حاجه :d
وربنا يوفقك حضرتك في موضوع البنزينه و لو تم الاهتمام بنظافتها حتلاقي الناس بتجري عليك لاننا بنعرف البنزينه النضيفه و بنجري عليها علشان تحافظ على العربيات :)
بالتوفيق حضرتك و الف مبروك مقدما
-
خدنى جنبك فى الحلم وهاشتغل معاك بدون مقابل لو عايز :) :)
-
حضرتك إبدأ بالبنزينة
وبعد كده الشغل بيجيب شغل
Content Relevant URLs by
vBSEO 3.6.0 PL2