تجربتى مع philips dimondvision h7

**Amr2004IBM** · 09-12-2010 11:14 PM

اخونى الاعزاء
احب انقل تجربتى مع المبات الفيلبس h7 الزرقاء
اولا تركيب المبات ديه رخم جدا فى الصنى لان المبه تخينه عن اللمبات الاصليه واتطر تعمل تعديل بسيط جوه الكشاف علشان تركبها غير انك لازم تشيل البطاريه من اليمين و القربه من الشمال ( شغلانه يعنى).
المهم انا لما لقيت كده قولت اجرب الناحيه الاسهل وهيه ناحيه البطاريه وركبت اللمبه كانت النتيجه كالتالى
1- النور الازرق جميل وشكله شيك للى شايف العربيه من بره ولكن للاسف النور الازرق اضعف برغم ان نفس الوات بتاع الاصلى (55 وات)
2- النور الازرق بيتلاشا او بيتشتت فى الاماكن المنوره بنور الاصفر زى الى على عمود النور يعنى انته لو ماشى فى طريق منور مش هتحس انك مشغل نور
3-الكشاف الى نوره اصفر طاغى جدا على الكشاف الى نوره ازرق برغم ان اللمبه الصفره اصغر فى الحجم من الزرقاء!!!!
من الاخر يا اخوانى اللمبه philips dimondvision شكل جمالى اكثر منه فاعليه .
انا حبيت انقل تجربتى ليكو اخوانى الاحباب للاستفاده وشكراااا

**SonaSteel** · 10-12-2010 12:47 AM

المشاركة الأصلية كتبت بواسطة Peaceman

فعلا كلامك صح 100% يا استاذ عمرو
انا كمان كنت عملت نفس التجربة علي الكورولا 96 و كان فعلا النور مش بيظهر زي الاصفر بس كانت العربية و هي منورة تحفة لكن مش عملية خالص خالص
بس رأي لحضرتك لو عايز نور حلو و ان شاء الله هعملها قريب بس بعد ما افوق من الموضوع اللي هنزله في خلال يومين هو :
هركب زينون في الفوجات و يكون ليها بعد حلو علي الطريق يعني يكون بيجيب عدد امتار اقوي بحيث ميدايقش اللي جاي من الناحية التانية عشان طبعا هتبقي في الفوجات مش في الكشافات الرئيسية و عشان ينور كويس في الطرق المظلمة

حلوة الفكرة ديه والله ا/ بيشوي .....

ماشاء الله

**Amr2004IBM** · 10-12-2010 08:11 AM

فعلا فكرجميله ياريت تنقلهلنا بالصور وتقولنا لو حسيت بفرق
مع تمنياتى بالتوفيق يا بيشو

**Ahmed.TV** · 11-12-2010 12:09 AM

تسلم يا استاذ عمرو عن نقل تجربتك , ومبروك اللمض يا باشا

وانا قريب بردوا باذن الله حركب زينون فى التوكيل وفى الفوجات عشان انا بسافر كتير والشبورة بتظبطنى

وبعدين حركبها فى الفوجات عشان متتعبش عيون الناس اللى بتيجى قدامى

ولما اركبها على خير حنقلكم تجربتى

**Amr2004IBM** · 11-12-2010 05:43 PM

الشكر ليكو يا استاذ بيشوى ويا استاذ احمد ولكل اعضاء المنتدى الجميل وانا متابع موضوع الزنون وارجو من الله التوفيق ليكو فى التركيب والحصول على نتيجه مرضيه باذن الله

**Ahmed.TV** · 12-12-2010 11:26 AM

السبع مش بيبيع زينون , ممكن يركبلك على عكس مودرن يبيع ويكون عنده لكن مش يركب لحد جايب حاجة من بره

ولو عايز زينون تبع التوكيل حتلاقيه فى مودرن وبيوصل سعره الى 1000 جنيه , وده انا ناوى عليه باذن الله

وبخصوص اللمض انا مجرتش عندى فى عربيتى فى التيدا ,, لو اللمض دى كويسة ونفس والواط وعجباك يبقا توكل على الله وركبها عشان ولو ازيد من اللى راكبة فى الواط يبقا متركبش عشان حتحتاج الى كتاوت ولعب فى الكهرباء وانت وراحتك
والواط اعتقد مفروض 50 او 55 تقريبا

بس ليه وجهة نظر , قبل ما تركب حاجة وانت بتعمل الصيانة بتعتك , خاليهم يكشفوا على اللمض اللى راكبة فى العربية عندى عشان ممكن تكون راكبة غلط عشان كدا انت مش شايف منها

فاتاكد الاول واحكلنا قولنا عملت ايه

وربنا يوفقك