الموضوع: التهاب مزمن - يتحول الى حاد بشكل متكرر - في الحلق

السلام عليكم يا أطباء المنتدى

أعاني من التهاب مزمن في الحلق

و من حين لاخر - يعني كل شهر و لا شهرين بالكتير - بيتحول لحاد

المشكلة الاكبر ان ال frequency بتاعة حدوث الالتهاب الحاد زادت مؤخرا

و المشكلة الازفت كمان اني عندي حساسية مفرطة لعائلة Penicillins (حصل لي anaphylaxis مرتين ..... مش هزار يعني)

و اتعاطى حاليا دواء بشكل مستمر ..... الدواء ده متعارض مع عائلة ال Fluoroquinolone كلها ..... بيسبب مشاكل خطيرة و قد تكون مميتة في القلب في حالة تعاطيهم مع بعض ...... (يعني برضه دي خارج النقاش زي اللي قبلها !)

يعني من الاخر الدكتور يتبقى معاه اختيارات محدودة للغاية في التعامل مع العدوى البكتيرية (ده لو كانت بكتيرية أصلا !!!) ..... زي ال Cephalosporins مثلا

اخر دور اخدت Meiacton (Cefditoren Pivoxil) و ما عملش حاجة و قبل ما يخلص الدكتور زود لي جنبه Cefdinir و برضه مفيش حاجة ..... بقالي اكتر من اسبوع المضاد الحيوي التاني خلصان و مفيش فايدة


من باب العلم انا عندي Chronic sinusitis و برضه بيقلب acute كتير جدا و غالبا هو السبب

مش عارف بقى ايه الحل

بافكر اعمل مزرعة لمسحة حلق يوم الحد ان شاء الله ...... اعتقد بعد 10 ايام من انتهاء المضاد الحيوي هيبقى البكتيريا - اذا كانت بكتيريا - واضحة نوعها ايه و ممكن القضاء عليها ازاي ...... النكتة بقى لو طلعت susceptible لل Penicillins او ال Fluroquinolones بس ..... هاهاهاهاهاهاهاها

بجد زهقت .... بقالي شهر زوري واجعني ..... جربت كل العلاجات ..... استحلاب و مشروبات دافية و كل الحوارات دي ..... بتشتغل مؤقتا ..... اه صحيح جدير بالذكر اني ساعات باتحسن ..... اخش انام .... اصحى زي الزفت :( مش عارف ليه :(.....