المشاركة الأصلية كتبت بواسطة أشرف فتحى
المشاركه التانيه....
===شكر واجب وتحيه وتقدير====
شكرا نايل موتورز اللى عرفنى على اكتر ناس محترمه ورجاله فى حياتى بدون مبالغه والله...
شكرا خالد طلعت اللى تعب فى اللف والبحث عشان يشوف أفضل مكان يليق برجاله نايل موتورز....
شكرا لكل من حضر وشارك واخص بالذكر منهم..
الحاج أحمد ابراهيم...
الراجل المتواضع البسيط الأصيل صاحب الواجب....خفيف الظل صاحب الطلقات السريعه...
وعلى رأى صاحبنا البرادعى...
اللى راح راح...يا مرحرح لا ترحرح
واللى لك لك .....يا ملكلك لا تلكلك...
أخويا محمد شنورى....
مش هقول حاجه عشان انت عارف معزتك عندى.....لكن انت يا شنورى بتكون سبب اننا نتجمع كده ونتعرف على ناس كنا نحب نشوفهم ونتعرف عليهم شخصيا...
خميس باشا...نورت القاهره بأدبك وذوقك وأخلاقك...
أحمد بيك مصطفى.. الشهير بأحمد تى فى... حبيبى وصديقى وأخى العزيز والقريب الى قلبى...اللى متعرفوش يا احمد انك نسخه طبق الأصل من أخويا أحمد فتحى....
محمد غازى ..حبيبى وصديقى وأخى العزيز وجارى على مائده الرحمن....قصدى مائده الأكل الهلامى...اللى انا مقصر معاه ..لكن إن شاء ...نعوضها فى مناسبه سعيده ونخدمك فيها...
محمد بيك صلاح ..اللى اهتم وحضر على الرغم من ظروفه ال...... اللى انا عارفها ..ياترى اتصلحت ولا لسه؟؟
واحمد بيك حسن ..صديقى العزيز اللى حضر بالجميله فولكس بيتلز...
د.أمير....المهذب صاحب الاخلاق العاليه....مكنش لايق عليك السمين خالص يا ابو امير...
وليد عادل ...خفيف الظل وصاحب الشخصيه المحببه..
خالد عادل... كبير المقام العزيز على قلبى
محمد بيك قاسم.. سعدت جدا جدا بان المره دى كان لى نصيب اتكلم معاك واتمنى تتكرر قريب إن شاء الله..
محمود بيك عبيد..ملحقتش اتكلم معاك بس ملحوقه فى مرات قادمه لو اسعدنى الحظ..
صبحى بيك.....صاحب الابتسامه المعديه.....سعدت اخيرا بالتعرف عليك وجها لوجه...ولازم اشوفك قريب ..
أحمد بيك فارما ..نورتنا واسعدنا وجودك..بس بصراحه ...عندى كلمه نفسى اقولهالك...انت صغير على الإكتئاب اللى باين عليك ده...إنت حللك انك تتجوز وبكده توفر على نفسك التعب وتلاقى اللى ينكد عليك من بره بدل ما تنكد على نفسك....
أحمد بيك ابراهيم...نمله....إتشرفت بلقائك ويسعدنى اتكلم معاك فى مره قادمه إن شاء الله..
علاء بيك الشناوى.....حبيب قلبى وصديقى ...الراجل ده جدع جدا جدا جدا وراجل جدا جدا جدا يا جماعه...يسعدنى دائما التواجد معك فى اى مكان يا علاء بيك...
أحمد بيك سعد ..قليل الكلام...كبير المقام...عظيم المواقف.....أسعدنا وجودك...
محمد بيك عزت......مش لاقى كلام يوفيك معزتك عندى.....ربنا يديم المعروف يا ابو إياد...
أحمد بيك موجه...الشخصيه الحبوبه صاحب الوجه البشوش والاخلاق العاليه والف سلامه عليك يا ابو حميد....
حسام سيف....غير ما كنت متخيلك خااااااااااااااااالص.....لك مسيرنا نقعد مع بعض ونتعرف أكتر على بعض...
د.محمد ...كفايه ان حضرتك قدرتنا وشرفتنا ..وحاضر هبقى اشترك وابطل اخد وايرليس من الجيران فيقطع كل شويه والماسنجر يقطع واقول النت فصل عندى...هههههههههههه
ولا انسى اخويا محمد مصطفى الغائب الحاضر ولا انسى مواساته فى فقيده...البقاء لله يا محمد...ومتعوضه إن شاء الله....
وأخويا أحمد كفراوى....نشوفك على خير يا باشا...
وكل من لم يستطع الحضور ونتمنى مقابلتهم على خير...
وأعتذر لمن قد نسيت ذكره ولا يقلل ذلك من مقامه....العتب على الذاكره بقى...