المشاركة الأصلية كتبت بواسطة samehabc1
صديقى العزيز مشكلة حرق المكنة للزيت مشكلة متشعبة تبدا من الاحتمال الاسهل الى الاحتمال الاسوء
من الاحتمالات السهله
ممكن يكون فى ادسيه خلفى او امامى بتاع الكرنك ضارب زيت او ممكن جوان طلمبه البنزين او جوان غطاء التكيهات او جوان غطاء الجنب
من الاحتمالات الاسوء ان يكون المكنه خفيفة و عاوزه شنبر او عفارول داخلى و ده اللى يحكمه ليك الدخنه البيضاء فى الشكمان او النفخ اول لما تفتح غطاء التكيهات او انك تلاقى العربية لكن فترة بتضرب بوجيهات
و لما تفكها تلاقى البوجيه جايب على الشعلة زيت
و هناك حاله اخرى و هى سوء القيادة او الاستخدام بمعنى القصرص على السيارة فى المشى او التطويل على غيارات الفتيس بمعنى انا ماشى على الاول و قارص عليه فتره كل ده بيؤدى الى تبخير و حرق زيت الماتور و على فكرة مش زيت الماتور بس لكن زيت الفتيس ايضا فخلى بالك اوى من الموضوع ده