بعد عناء وطول انتظار... أخيراً اشتريت تليفون

**kamalsalem** · 10-12-2010 09:54 AM

أولاً احب اشكر كل الشباب اللي ساعدوني في الاختيار عشان انا كنت محتار فعلاً

وقد وقع الاختيار على الجثة دي... وبقول جثة لأنه تليفون ضخم فعلاً

ليه الاختيار؟ انا من الاول مش عايز اي فون عشان غالي... فكان الحل التاني هو الاندرويد بسلطاته وبابا غنوجه

طب التليفون ده ويندوز موبايل... هو الحقيقة هايل زي ما هو بس انا ان شاء الله هنزل اشتريله كارت ميموري 32 جيجا وارزعله اندرويد (واحد زميلي في الشغل عامله وماشاء الله عليه شغال معاه كويس جداً) وممكن يتعمل مالتي بوت.. يعني ويندوز مع اندرويد

الجهاز ماشاء الله باين عليه نعمة البروسيسور ال1 جيجا ومريحني جداً

لسه ملعبتش فيه جامد ومش عارف حتى اقرا سايتات بالعربي عليه عشان لما نزلت العربي الدنيا كلها قلبت عربي ف مستني اشوف الحوار ده تاني عشان المرة الاولانية اضطريت اعمله هارد ريسيت عشان يرجع انجليزي

**wael ahmed** · 10-12-2010 10:06 AM

الف مبروك يا باشا .. وجبته على كام .؟

**kamalsalem** · 10-12-2010 10:16 AM

هو في التوكيل ب4 بس انا جبته من راية ب 2999.... واديتهم 3000 مادونيش الجنيه ولاد الــ.....

**M.Yahia** · 10-12-2010 12:01 PM

الف مبروك يا باشا وان شاء الله حيعجبك جدا لانه كويس و فيه امكانيات محترمة

**kamalsalem** · 10-12-2010 01:03 PM

انا دلوقتي محتار مش لاقي برنامج gps محترم اعرف انزل عليه خرايط مصر عشان مش ناقصة جوجل مابس وادفع دم قلبي كل أول شهر

**ahmad--ezzat** · 10-12-2010 01:13 PM

هو دة الكلاممممممممم ياباشا

وايه اخبار التتش بتاعه؟

وصوته حلو ولا سرسعه زى النوكيا اللى معايا :( (n86)

وضمانه قد ايه

وياترا ايه الاكسسوارات اللى معاه

**kamalsalem** · 10-12-2010 01:28 PM

مش هقولك غير لو قلتلي انزل ايه على الجي بي اس

بهزر طبعاً

التاتش اكتر من رائع.. الشاشة capacitive وحساسة و multitouch وكل الحركات... جميلة فعلاً ما شاء الله.. غير طبعاً انها 4 انش وشوية.. يعني تنفع يافطة اعلانات على كوبري اكتوبر

صوته جميل... انا مطلعتش السماعات من العلبة حتى لسه... وان شاء الله بالليل هوصله في العربية واسمعه شويه... بس وهو كده انا شايف صوته جميل جداً جداً

الضمان سنة كما هو الحال دائماً

الاكسسوارات... شاحن زي بتاع الاي فون اللي هو عبارة عن فيشة في اخرها وصلة يو اس بي... يعني الشحن مبدأياً يو اس بي... معاه سماعة ستريو... وكارت 2 جيجا... وجراب جلد... وطبعاً كابل اليو اس بي

**ahmad--ezzat** · 10-12-2010 01:55 PM

والله ياباشا مواضبع الجى بى اس دى مش من اختصاصى وبعدين انا بالنسبالى شايف انها ملهاش لازمه :).....هو حضرتك ليه مفكرتش فى الاومنيا 2
http://latestpriceindia.com/wp-........sung-omnia.bmp

**د.محمود صلاح** · 10-12-2010 02:13 PM

ادخل على المنتدى الكفي الشهير فيه كل ما تريده بالنسبة لجهازك

برامج الجي بي اس كثيرة جدا جدا وأحلاهم ال I go ( خريطة القاهرة واسكن\رية فقط عربي وبتوجيه عربي ) والجارمن ( خريطة مصر تفصيلية للمحافظات والمراكز الكبرى ولكن انجليزي بتوجيه صوتي انجليزي )

-

الموضوع: بعد عناء وطول انتظار... أخيراً اشتريت تليفون

LinkBack

أدوات الموضوع

عرض

بعد عناء وطول انتظار... أخيراً اشتريت تليفون - انشر الموضوع فى :

-

-

-

-

-

-

المواضيع المتشابهه

اخيرااا و بعد عناء دام اكتر من 14 يوم ,, اشتريت ميجان !!

الحمد لله اشتريت ميجان بعد عناء لمده 3 شهور

باركولي يا جماعة اخيرا وبعد عناء اشتريت الفيكترا !!

أخيراً وبعد طول انتظار: استلمت سيريونتي

باركولي يا جماعه......بعد عناء التردد في الاختيار...اشتريت ياريس..

الكلمات الدلالية لهذا الموضوع

المفضلات

المفضلات

ضوابط المشاركة