لو قصدك ع ملف جليم بتاع لاتينو و ميراج و قهوة حاجة باشا دى اللى ع اليمين يبقى عندك حق ... السنة اللى فاتت مرسيدس طارت ذيك كدة تمام
يالا الف حمدالله ع سلامتك ... وقدر الله وماشاء فعل
عرض للطباعة
لو قصدك ع ملف جليم بتاع لاتينو و ميراج و قهوة حاجة باشا دى اللى ع اليمين يبقى عندك حق ... السنة اللى فاتت مرسيدس طارت ذيك كدة تمام
يالا الف حمدالله ع سلامتك ... وقدر الله وماشاء فعل
اولا الف الف الف شكر لكل اللى كتب رد عالموضوع وربنا يسلمكو جميعا ويحفظكم لاهاليكم واسركم
وانا شديد الاسف انى مردتش عشان النت مكنش واص عندى ولما وصل اتلخمت فى شغلى اللى غبت عنة فترة بسبب الكسر واخدت وقت على ما ظبط شغلى تانى.....
اولا اسف مرة تانية لو كنت اتحاملك على العربية فدا كان بعد الحادثة بفترة قريبة وكنت فى حالة وحشة خالص ..لكن دلوقتى بقول الحمد لله انى طلعت سليم ..ودا قضاء الله وقدرة ..فاعذرونى دى اول حادثة من نوعها او اول قلبة ليا بمعنى تانى وضاعت فيها العربية اللى بحبها فمعلش بقى التمسولى العذر
بالنسبة للكاوتش انا كنت لسة مغير طقم كاوتشات جوديير الواحدة ب 420 ج ومشيت ععليها اقل من 3000 يعنى حوالى 2500 كم دا ردا على المفتش كيرم بو
بالنسبة للسرعة فهى كانت 80 فعلا بس هو الدوران اللى غبى شوية وقدرى بردو انى مسيبتش الفرامل بس دا كان غصب عنى مش قلة خبرة الحمد لله والعربية اتقلبت لما طلعت عالرصيف ودا قدر تانى ..واكرر انى انا مخطأ بنسبة 80% لانى مهديتش قبلها ....
اما بالنسبة للاخ اللى بيقول انة الحادثة مبالغ فيها ومحتاج صور فانا للاسف مجاش على بالى اصلا انى اصورها لانة مجاش على بالى بردو حكاية انى احطها عالمنتدى بس انا مش محتاج انى ابررلك حاجة من دى ولو كنت ببالغ فالحمد لله انها جت على قد كدة
المهم انى تقريبا خلصت فالعربية حاجات كتير المساعدين االلى قدام ولاكصدام وفوانيس الشابورة والكبوت وحاجة فى العفشة كتيرة منها القربة وضفاير الفوانيس بالاضافة انةا لعربية اشتدت .اما الجانبين فالبيبان اتردو وغيرت زجاج امامى وخلفى والعتب والرفارف اتردو وبيترشو وفى شغل ميكيا نيكا لسة معملتوش لانة فى مشاكل فى الاسكترا وعلبة الدريكسيون ...كل دة ردا بردو على الاخ اللى محتاج الصور
والف الف ليكو يا شباب ربنا يباركلكم يارب ويحفظكم من شر الطريق وانا فعلا تحاملت عالعربية كتير بس دا والله من حبى مش اكتر
قدر الله وماشاء فعل .
الحمد لله على سلامتك وقدر الله وما شاء فعل
ربنا يعوض عليك
متنساش تقول : اللهم أجرنى فى مصيبتى وأخلفنى خيرا منها
بسم الله الرحمن الرحيم
وبشر الصابرين ، الذين إذا أصابتهم مصيبة قالوا إنا لله وإنا إليه راجعون ، أولئك عليهم صلوات من ربهم ورحمة وأولئك هم المهتدون "
صدق الله العظيم
لا كلمات بعد كلمات سبحانه عز وجل
الف حمدالله علي السلامة وان شاء الله جينا ترجع احسن من الاول
ربنا يعوضك خير
ربنا يعوضك ويجيرك فى مصيبتك وترجع احسن من الاول
ربنا يسترها
ربنا يعوضك خير ويجيرك فى مصيبتك
اولا حمدا لله على سلامتك
اعتقد وااله اعلم ان العيب مش من العربيه
انا متابع التلفزيون الالمانى وكل يوم فيه حوادث كتير وكبيره وطبعا معظمهم اما مرسيدس او بى ام او اى عربيه تانى المانى
والحوادث بتكون نتيجه عدم سيطره قائده السياره عليها وده نتيجه ان الطريق زلج بسبب الامطار
تخيل كل الحوادث دى بتحصل والناس دى بتستعمل الكاوتش الخاص بالشتاء
احنا منعرفش ان فيه كوتش مخصوص للشتاء وبننسا ان فيه شتاء
الخلاصه كل يوم فيه بى ام ومرسيدس بيتقلبو فى المانيا وده مش عيب صناعه ولا مشاكل فرامل
الشتاء لازم كلنا نعملها الف حساب
قدر الله وما شاء فعل
بخصوص حكاية الثبات اللى فى الجين تو هاحكيلكم تجربتى فى الموضوع ده كان معايا عربية بيتلز قديمة وقابلت واحد صاحبى معاه الجين2 لسه جايبها زيرو وعزم عليا انى أجربها المهم خدت العربية وطلعت بيها على وجريت بيها لحد ما وصلت لسرعة 130
كان انطباعى عن العربية ديه انها حلوة فى المطبات يمكن علشان الفولكس اللى كنت راكبها قبلها كانت على دنجل يعنى ناشفة شوية فى المطبات تانى حاجة العربية ديه جراية ماشاء الله سحبها جيد جدا تالت حاجة الثبات والله العربية ديه مش عارف ليه خفت وانا سايقها حسيت ان العربية خفيفة وقلقت منها جدا ثباتها أقل من البيتلز القديمة لان البيتلز انا جريت بيها على نفس السرعة ديه وده كان اخرها وعمرى ماقلقت منها زى ماحصلى مع الجين 2 انا كان معايا مع الفولكس جولف 2 وكنت باجيب بيها 160 وباخد بيها غرز على 140 وعمرها ما قلقتنى وبعدها جبت اوكتافيا نفس الشىء فنصيحة للى راكبين الجين 2 قلتها لصاحبى اللى بحكيلكو عليه لانه كان بيقول لى انه بيجيب بيها 170 واكتر العربية ديه مقلقة ياجماعة وخلوا بالكم وانتم بتجروا بيها والله الموفق
متشكرين ياسيدي على النصيحه
وانت بردو بلاش تجري بالبيتلز القديمه 170 كم كتير بردو !
على مهلك شويه !!!!!!!!!!!!!!!!!!!!!!!!
ماحدش يجري يارجالة الجن 2 ولا حتى تمشوا على 100 كم
ها
سمعتوا عشان البتلز القديمه ثابته اكتر منهااااااااااا
اياك اشوف حد بيجري عن 80 بالجن 2
مشهور إن البيتلز القديمة من أثبت السيارات وعادي إنها تكون أكثر ثباتاً من الجين 2
انا مش عارف هل ده فهم خاطىء ولا تريقة من صاحب الاشتراك لو فهم خاطىء احب اصحح لصاحب الاشتراك معلوماته ان البيتلز اخرها 160 عمرها ما هتجيب 170 وانا كنت بأقول انى جريت بيها على 130 نفس سرعة الجين
اللى انا جربت الجين عليها
اما لوكان صاحب الاشتراك قصده التريقة فمش من اللائق ابدا ان ده يكون اسلوب حوار بين ناس المفروض انهم كبار على الاقل سناً واحنا هنا فى المنتدى بنتبادل الخبرات اللى مرت علينا جميعاً وغرضنا المصلحة المشتركة
وما نزعلشى لو حد قال رايه فى اى عربية نمتلكها لان العربية ديه فى الاخر وسيلة وليست هدفاً والنهارده ممكن تكون معايا وبكره مع غيرى بالنسبة لعدم الجرى بصراحة حكاية السرعة ديه لازم نبطلها والكلام ده انا بأقوله لنفسى لان اى عربية حتى لو مرسيدس ليها معامل امان ممكن يختل فى اى لحظة وتحت اى ظرف يعنى لونجرى يكون بالكتير 120 كم وخاصة فى الطرق بتاعتنا السريعه اللى كلها نقر ومطبات والله الموفق
نهدي شويه ياجماعه وبلاش ناخد نصايح الناس بتريقه
العربيات اللي عندنا دي كلها عربيات اقتصاديه الغرض منها اننها توصلك من نقطه للتانيه مش اللي احنا بنعمله ده
والله الناس اللي بره لوتشوفا للي بيحصل ده هيضحكو
امال العربيات الجامده تمشي كام لما العربيات بتاعتنا دي تمشي 170
تقبلو مروري
بجد
كل دة تهريج ولا تعليق فعلا
جين 2 اية الى مش ثابتة بلاش حد يجيب سيرة التسارع والثبات لان الى هيقول حاجة عنهم غلط يبقا والله مش بيفهم ابدا ابدا ابدا
السلام عليكم
الى صاحب الحادث
سيارات بروتون الافضل فى مصر او من الافضل عشان محدش يزعل
الحمد لله ان حضرتك بخير . انا بعرض على حضرتك انك تجيب العربيه اى مركز خدمه معتمد ويتعمل مقايسة اصلاح وانا اضمن لحضرتك عمل خصم خيالى على الاصلاح وبعد اذن السادة اعضاء واسود وفرسان بروتون ان لو عاوز نفتح باب التبرع ليك كمان ياسيدى . الكلام دة بجد مش هزار والدليل على صحة كلامى ان بسم الله ماشاء الله اكبر تجمع للمنتدى وافيد معلومات واكثر تواصل سوف تجدة فقط لدى فرسان بروتون ............
بسم الله ماشاء الله اللهم لا حسد ((((((((((((((الله اكبر)))))))))))))))))
اشكرك على شعورك وتعاطفك واضم صوتى ليك فى ان بروتون من افضل السيارات فى مصر ..وانا عارف انة فرسان بروتون هم الافضل هنا فى المنتدى ...وعمرى ما كتبت على مشكلة ألا وردو عليا بسرعة ونصحونى ...ربنا يجازيكم خير ويباركلكم فيما اعطاكم ....اما بالنسبة للتبرع فهى مستورة الحمد للة
الجين 2 الكل عارف ان ثباتها كويس لكن سيتك انت علي مطر فهي زي ما حضرتك بتقول بالظبط مش مرسيدس عشان تلحق نفسها و من الاخطاء الكبيره الي بيقع فيها اغلب الناس انهم لما بيسمعو اي بي اس او اي بي دي بيحسبو ان كدا العربيه دي جامده!
طب ما الصيني فيه اي بي اس و المكلرن فورميلا ون مفهاش اي بي اس يا جماعه دي صناعات الabs في الملزي غير الكوري غير اليباني غير الالمريكي غير الالمان الي لما تركب عربيه اي بي اس منهم تحس فعلا ان في حاجه مختلفه
عموما الف سلامه عليك و احمد ربنه انك محصلشي لك حاجه صعبه و قول الحمد لله علي كل شئ
الف سلامة يا كبير وفى داهية العربية المهم انك كويس
ال abs والوسائد الهوائية بلدنا مصر بتعتبرها وسائل ترفيه وكماليات زايدة ملهاش عازة وعايز يا حلو عربية كويسة ادفع وكع دم قلبك
واللى يغيظ ويخنق طول ما انت ماشى تلاقى كذا يافطة مصر بلدك خايفة عليك يا عم ربنا يخرجنا منها على خير
انا مش عارف ايه النصب ده بجد ده اى عربية تنزل مصر مش بس تتسك جمارك وبتاع لا ده كمان مبتنزلش بنفس مواصفاتها
مثال الرينو اللوجان مغيرين موتورها وشايلين ال abs وفى الاخر يقولك اتفاقية عم برقوق خفضت سعر العربية هى فين العربية دى يا اخوانا
فيه دول كتير فى اوروبا ان مكنش كل دول اوروبا بتمنع دخول العربيات من غير abs والسبب بسيط لانها بتحترم البشر
الف سلامة عليك يا باشا وربنا يعوضك باحسن منها ان شاء الله
على فكرة نظام الـ ABS واحد فى معظم العربيات واللى بتعمله شركة bosch
زي ما قلت لك يا باشا دي صناعات يعني لما واحد بفنتزيا يحصل له الموقف ده و العربيه تلم نفسها هتقول مش معنا هو!!
سيتك الفلوس الي بتدفع دي مش بتدفع علي الارض لو كانت عربيتك من غير abs ممكن كان يحصل لها اكثر من كدا يعني هو عمل الي عليه
عموما انا سقت الجين مره واحده بس 2007 كان حكمي علي الفرامل بتعتها ملهاش لزمه لكن ممكن تكون عوزه تيل ولا حاجه والله اعلم
استعوض ربنا و عن الاير باج فمش عارف ليه مطلعشي لكن الي بسمعه ان في عربيات كتير في السوق سينسور الاير باج عند الموتور عشان ميطلعشي في الحوادث العاديه
سؤال واحد يا ياسر باشا هل جهاز الabs الي في ال318 زيه زي الي في الفنتزيا زي الي في السيراتو هل هما اخوات؟
هو تقريبا النظام والـ Controller بيكون واحد لكن طبعا بيختلف مكونات الفرامل نفسها من عربية للتانية زى الطنابير مثلا او pump بتاعت الـ abs والـ valves عددهم كام و ممكن تعمل كام cycle فى الثانية
بس فى طبعا انظمة تانية بتساعد الـ abs انه يطلع اداء احسن زى مثلا الـ CBC او Cornering Brake Control فى الـ 318 دا بيكون متوصل بسينسور فى الدريكسيون عشان يعرف الزاوية بتاعتها ايه عشان لما تدوس فرامل فى ملف ولا حاجة العربية متعومش و نظام الـ CBC دا بيبعت للـ abs معلومات تقوله ان مثلا العجل اللى جوا الـ curve بتاع الملف لازل تفرمل اكتر من اللى برا الـ curve ونسبة الفرملة تكون قد ايه عشان العربية متفقد التوازن بتاعها .. فى عندك كمان نظام الـ TCS او ASR اللى هو مانع الانزلاق ودا بيعتمد على السينسورز بتاعت الـ abs عشان يعرف ان فى عجلة بتفرك او بتتزحلق وباردوا بيبعت معلومات لنظام الـ abs يقوله يعمل ايه زى نظام الـ CBC .. وعلى فكرة حتى نظام الـ ESP دا نظام مطور من الـ ABS ودا بيشمل كل اللى فوق دا يكون موجود مع بعض زائد كمان حاجة اسمها gyroscopic sensor والسينسور دا دايما بيقرا تحركات العربية ولو وجد ان العربية بتتحرك فى اتجاه غير او مش زى عجلة القيادة يقوم باعت المعلومة دى للـ ESP ويقوم الـ ESP بقول لنظام الـ abs انه يتدخل عشان يفرمل انهى عجلة بالظبط وبقوة قد ايه عشان يرجع التوازن بتاع العربية والكلام دا طبعا مش بياخد اى حاجة وانا مجرب الكلام دا على سرعة 230 والحمد لله انقذ حياتى وان شاء الله ربنا يحفظنا والموضوع دا ميتكررش تانى
الموضوع كبير جدا زي ما انت شايف يا مان عشان كدا من نظرت واحد بيركب بس بيقول ان الabs في الباني و الكوري ملهوش لزمه بالنسبه للألماني و حضرتك وضحت له دلوقتي بس بردو علي حد نظري جهاز الabs يختلف و انا هشوف الموضوع ده ان شاء الله هشوف اي a5 و اشوف ال abs الي فيها نوعه ايه و اصداره ايه و اشوف الي عندي نوعه و اصداره ان شاء الله و هقول لك في اختلاف ولا لا
انا معترضتش على انه anti -lock brake system بس من فوايده منع انزلاق العربية بردو وتقليل مسافة الفرملة
شوف الكليب ده وانت تعرف اقصد ايه :36_1_31: