واحد كان بيدهن شقته وقع نقط كتييير دهان بلاستيك عالعربية اتشال بصعوبه جدابفوطه زفره بس في بطع مكان النقط حد قال ادهن بوليش ايه رأيكو؟
عرض للطباعة
واحد كان بيدهن شقته وقع نقط كتييير دهان بلاستيك عالعربية اتشال بصعوبه جدابفوطه زفره بس في بطع مكان النقط حد قال ادهن بوليش ايه رأيكو؟
قطنة بالسبرتو للبوية البلاستيك
وبالتوفيق
الدهاب البلاستيك سهل جدا يطلع بشوية مية فقط لو العربية اتغسلت كويس البلاستيك حا يطلع لان دهان البلاستيك بيحل بأستجدام المياة و التلميع ب البولش و الكومباوند ممكن بس حد بيفهم الى يعملة علشام الدوكو ما يلطش و سعرهم الاتنين 10 جنية فقط http://img43.imageshack.us/img43/2469/280920102055.jpg
قطنة ببنزين او تنر و بعدين اعمل بوليش للحتة اللي كان واقع عليها
طب في حته عامله زي مايكون الصاج باين هو في حاجه ممكن تكون وقعت منه شالت دهان العربية كمان!حسبي الله ونعم الوكيل انا قلقي تعمل حاجه مع المطر ده حصل ازاي حاجه تخنق!
المفروض التنر هو إللي يطلع البويه..لو ماطلعتش يبقى تتسحق بكومباوند..حصلت معي وروحت للعقيد خالد والحمد لله اتشالت
ومش ممكن يكون هو وقع نقط تنر عشان كده الصاج باين؟
انا عندى نفس المشكلة بس اللى كان بيدهن عامود نور وبوية فضى اللى وقعت على السقف فى الحالة دى اشيلها بتنر بردو ؟؟
طيب واضح انه وقع نقط تنر والناس بتقول مينفعش تتمعجن لأنها نقط وهو هيعمعجن حته كبيرة ويبوظ الدنيا بس بالنسبة للمطر على الصاج دلوقتى لو عملت واكس يحل المشكلة؟
الحمد لله يا باشا كلة بخير و تمام الحمد لله و بالمرة بقى طالما حا توسخ أيدك ب الجاز ما تنساش تعمل فوطة زفرة علشان تنظف العربية رش شوية جاز على فوطة قديمة مش كتير بسيط يعنى و أدعكها فى بعضها و حطها فى شنطة بلاستيك و سيبها و لما تيجى تنظف العربية أقلب الكيس و أمسك بالفوطة و نظف العربية و بعدين أقلب الكيس تانى علشان الفوطة ما توسخش ايديك
بلاش التنر على الصاج خالص ... جربته قبل كده فى رفرف قديم و طفى لون البوية خالص و مبقاش يلمع ... لكن عالإكصدام و الأجزاء الفيبرجلاس و البلاستيك كويس مفهوش مشكلة.
أنا عندى بقى مشكلة تانية ... لما العربية كانت بتتصلح فى التوكيل خليت الراجل يحط دهان بنفس لون العربية فى حتة فى الباب كانت مخبوطة .. المشكلة إن الدهان بقى باين أكتر من التجريح نفسه فى الأول لأنه رغم إنه نفس اللون لكن مطفى كده شوية
محدش عنده طريقة أخلى الحتة دى تلمع شوية و متبقاش خشنة كده؟
صراحة لأ .. بس عاوز أبقى أجيبهم عندى احتياطى للزمن و هما أكيد أحسن حل.
اللى جربته و نفع تمام .. البنزين
كنت راكن و حد كحتلى العربية من الجنب فساب اللون بتاعه عالصاج بس مجرحش الدهان بتاع العربية (طبقة زيادة يعنى) ... رحت عديت على بنزينه و قلت للعامل يملالى منديل بنزين و هاتك يا شغل .. قعدت بتاع ربع ساعة أنضف ... بس فى الأخر مفيش أى أثر و لا تأثير عالدهان خالص.