بخصوص البلونه الى فى الكويتش

**NoRmAl** · 13-12-2010 05:49 PM

المشاركة الأصلية كتبت بواسطة can_be

طيب معلش انا كنت عايز اسال سؤال هوا البلونه دى ملقتاهاش فى البى ام او المرسيدس وحتا الجيتا فكنت عايز اعرف دى مشكله الجنط مثلا نقشته وحشه ولا الكوتش رديء ولا ايه بالظبط
معلش يا شباب اصلى عايز افهم

وجزاكم الله خير

هى بتظهر فى الجيتا
وأكيد ممكن تظهر فى البي إم والميرسيدس لكن كاوتشهم طبعا كويس جدا
بس
فهى مش للسيراتو بس ولا حاجه :)

**ghazy12** · 14-12-2010 04:07 PM

الموضوع عام على اي جنط لوبروفايل مهما كان مقاسه و مهما كانت
جودة الكاوتش, او جودة العربيه اللي مالهاش علاقه بالكاوتش اكييد...

جودة الكاوتش مش هتمنع حدوث البلالين تماماً, لكن هتقلل شويه منها...

تقدر تقول ابتداء من نسبة (55) فاقل, الكاوتش معرض للبلالين,
و النسبه دي هي نسبة ارتفاع الكاوتش من عرضه...

لان مقاس الكاوتش او الجنط مش هو السبب او المقياس, و بمعنى...

في جنوط 19-20 لكن 4X4 و بالتالي نسبة ارتفاع الكاوتش من عرضه
بتكون كبيره, و بالتابعيه المشكله دي مش موجوده اطلاقاً...

و في جنوط 19-20 بردو لكن سبور, و دي بتكون لوبروفايل,
و هي دي اللي بيكون نسبة ارتفاع الكاوتش فيها قليل و دي المشكله...

الفكره كلها ان في الجنوط اللوبروفايل حجم الهواء داخل الكاوتش
بيكون قليل نظراً لنسبة ارتفاعه القليله, و بالتالي امتصاص الصدمات اقل,
و بالتالي النقره اللي الكاوتش بياخدها بتأثر عليه مباشرة و بتزيد من
ضغط الهواء على جزء معين في الكاوتش فجأه (الجزء اللي نزل في النقره)
و الضغط ده من الداخل الى الخارج (من جوه لبره), و نتيجة الصدمه
و زيادة الضغط على الجزء ده فجأه, الانسجه الداخليه بتتقطع, و بيتملي
مكانها هواء بتظهر على شكل (بالونه) على جانب الكاوتش من الخارج...

و آدي صوره لعربيه BMW و الكاوتش اللي راكب فيها ميشلان و عامل بالونه...

يا رب اكون قدرت اشرح الموضوع بشكل بسيط...

تقبل تحياتي...

**yoko** · 14-12-2010 06:57 PM

فعلا يا غازي باشا بس جوده الكاوتش أو بالأصح هو طري ولا ﻷ بتفرق يعني الأول كان عندي بريدجستون وغيرت إتنين بسبب البلالين لكن دلوقتي مركب ميشلان طري ولبست بيه حاجات غريبة أخرهم النهارده لبس نقرة قلت لو المقص متكسرش الجنط هيتكسر (تخيل نقرة عملة إزاي) والحمد لله ولا أي حاجة وكده كده أصلا ال4 جنوط عندي عايزين يستعدلوا بس محصلش حاجة فأعتقد إن خامة الكاوتش بتفرق جدا