النترا 2011 ولا نيسان صنى 2011 احسن ؟؟(كورى كامل-ولا يابانى تقفيل مصرى)؟؟

السلا م عليكم ورحمة الله وبركاته

اخوانى الكرام انا محتار بين العربيتين دول ومش عارف انهى فيهم اللى اضمن وصح واعداة بيعه تمام وما اخسرش فيه كتير لو فكرت ابيع ...

الالنترا كورى تقفيل كورى كامل وواسعه انا عارف ان شكلها هيتغير بس يغلى كتير مش هتبقى بنفس سعر ها الحالى او للشكل الحالى .


الصنى فتيس وماتور يابانى كامل لكن تقفيل مصرى .....

انا فعلا عاوز اللى ركب الاتنين وعاوز اللى يعمر لان فيه ناس بتقول ان الكورى مش هيعمر زى اليابانى فهل الموضوع دة مازال متواجد ولا كان زمان فعلا زى ما ناس اخرى بتقول ؟


انا لما دخلت موقع عربيات مستعمل وقارنت اى عربيه يابانى موديل 2000 بعربيه كورى موديل 2000 لاقيت ان اليابناى ماسك نفسه وسعره عن الكورى .......

.

النيسان عربية محترمة جدا تقيلة وثابته وفراملها احسن من الالنترا مليون مرة عيبها ضيقة من الكنبة شوية- التقفيل مصرى معقول
الاتنرا واسعة واشيك من النيسان والتسارع بتعها حلو بس لو انت هاتبهدلها شغل وكيلوهات كتير مش هاتسد معاك عيبها خفيفة جدا وطية اوى وبتحك تحس ان مافيش جودة فى الخامات

Nissan

انا ارشح نيسان للاسباب الاتية
1- معمرة اكثر من الكوري
2- نسب الامان افضل في النيسان
3- توكيل النيسان افضل من هيونداي
4- الثبات افضل علي السرعات العالية

انا شاكر لتفاعلكم يا جماعة ومنتظرين المشاركات من الزملاء الاخرين .

انا اول مرة اعرف ان الانترا واطيه عن النيسان لو 3 قعدوا وراة .....

واول مرة اعرف ان النيسان من ورة ضيقه عن اللانترا.

سحب و شياكه و اداء النترا
ثبات و فرامل و توكيل نيسان

على فكره النيسان عاليه على الرغم من إن شكلها يوحي بإنها واطيه وممكن تحف في المطبات..
انا ركبت إلنترا و كروز..وفيه مطب في شارعنا على طول باخده بالصني من غير أي حركات أو لف..أو تعريض..و مش بيحف ..ووالله بيكون معايا إتنين ورا..
الإتنين التانيين..عادي..و كان فيه طفل ورا..سمعت صوت حف..
ودي شهاده لله..
بس للسفر..بصراحه النيسان ناشفه شويه..ومش مريحه فى السفر خاااالص مقارنة بالإلنترا..
بس دي ضريبة الثبات الممتاز جدااااااااااااااااا اللي في الصني..
ومره تانيه ثبات الصني و عفشتها ممتازه جدا.(موقف حصلي خلاني أحدف الركسيون يمين و بعدها على طول شمال بسرعه وأن على 110 العربيه لمت نفسها ببساطه).بس بتدفع تمنها في الراحه في المشاوير الطويله..
بس بصراحه إنت بتحس إنها ياباني فعلا......
ل

لو امكانياتك تشتري النترا فيها abs و ايرباجز يبقى إلانترا
لو مكنش يبقى هات الصني لأن اقل فئة في النترا مفيهاش

انا معايا الاثنين
بستمتع جدا بالصنى
فعلا سيارة اكثر من ممتازة
الالنترا تتفوق فى الوسع الداخلى فقط

هو اي هالفرق بين ال 3 -النيسان الصنى الاتوماتيك ا
للى ex
والتانيه مش عارف اسمها
والسوبر صالون
لان الاسعار 89 الف -و92 الف - و100 الف ؟؟؟يا ريت اعرف الفرق بينهم ؟

وهل فعلا كلهم فعلا فيتيس وماتور جى من اليابان تقفيل اليابان ولا بيتقفل هنا فى مصر بردة ؟؟

هو النيسان اليابانى الكامل نزلت فى مصر اخر مرة امتى ؟؟؟ يعنى من اول امتى بدا التقفيل المصرى ؟؟؟

اقتباس:

---

المشاركة الأصلية كتبت بواسطة ahmedsamir5edr

سحب و شياكه و اداء النترا
ثبات و فرامل و توكيل نيسان

---

واضيف كمان كرسي السواق في الالنترا مريح اكتر ولازم حضرتك تركب العربيتين وتشوف انت مستريح لمين ولا تنسى الاستخاره.

ممكن تدرس من ضمن الخيارات رينو سكالا اللي هي نيسان صني الشكل الجديد , انا مش متابعها بصراحة بس شفتها في التوكيل مرة و حسب ما اعلم انها موتور وفتيس نيسان وتقفيل كوري واعتقد كده تبقى حققت احسن ما في العربيتين بالاضافة لانها هتكون تبع توكيل سمعته كويسة زي رينو ..
ده اللينك بتاعها من موقع رينو

http://www.renault.com.eg/cars/SCALA/Home.html

انا كنت محتار زيك و لاقيت ان النيسان افضل بكتير و للاسباب الى فوق كلها صحيحة و اضيف:
1- الالنترا واااطية بشكل مستفز. انا و زميلى راكبين لوحدنا و كانت بتحك فى المطبات على العكس الصنى مابتحكش فى مطبات اللادا اللى كانت معايا الاول كانت بتحك فيها.
2-الالنترا تغووووووور من وش غبور. اسوأ توكيل فى مصر على عكس نيسان
3-اللى كان غايظنى اكتر ان الالنترا بتنزل فى الخليج ارخص من الصنى بفرق ملحوظ و برضه ماحدش بيجيبها و طبعا بيكون فيها وسائد هوائيه امامية و جانبيه(ده من على موقع هيونداى كوريا) هنا غبور باشا بيجيبهالنا من غير وسائد هوائيه ولا abs و بيبيعها اغلى من عربيات يابانية احسن منها.
4- نسيت اقول ان الالنترا سعرها مبالغ فيه اوى و يدخلها فى فئة سيارات يابانى و المانى احسن منها

اقتباس:

---

المشاركة الأصلية كتبت بواسطة islam_shady

انا كنت محتار زيك و لاقيت ان النيسان افضل بكتير و للاسباب الى فوق كلها صحيحة و اضيف:
1- الالنترا واااطية بشكل مستفز. انا و زميلى راكبين لوحدنا و كانت بتحك فى المطبات على العكس الصنى مابتحكش فى مطبات اللادا اللى كانت معايا الاول كانت بتحك فيها.
2-الالنترا تغووووووور من وش غبور. اسوأ توكيل فى مصر على عكس نيسان
3-اللى كان غايظنى اكتر ان الالنترا بتنزل فى الخليج ارخص من الصنى بفرق ملحوظ و برضه ماحدش بيجيبها و طبعا بيكون فيها وسائد هوائيه امامية و جانبيه(ده من على موقع هيونداى كوريا) هنا غبور باشا بيجيبهالنا من غير وسائد هوائيه ولا abs و بيبيعها اغلى من عربيات يابانية احسن منها.
4- نسيت اقول ان الالنترا سعرها مبالغ فيه اوى و يدخلها فى فئة سيارات يابانى و المانى احسن منها

---

وصحيح نسيت اقوللك ان قبل كل شىء صلاة الاستخارة لانها هى بفضل الله اللى حسمت الحيرة عندى بينها و بين السيراتو

و الله ولى التوفيق

اقتباس:

---

المشاركة الأصلية كتبت بواسطة islam_shady

وصحيح نسيت اقوللك ان قبل كل شىء صلاة الاستخارة لانها هى بفضل الله اللى حسمت الحيرة عندى بينها و بين السيراتو

و الله ولى التوفيق

---

متشكر جدا لك
بس المشكله انى مش حابب شكل الصنى اللى نزل فى 2010 مخلى شكلها مش قد كدة ...

هنا فى الكويت نازل شكلها اللى هى الاسكالا بتاعه رينو ونازل منها تقفيل كورى وتقفيل يابانى كامل
لو موجودة فى مصر وتكون نيسان صنى بيابانى كامل هجبها بدون تفكير ....

اقتباس:

---

المشاركة الأصلية كتبت بواسطة mohd_adel_amin

ممكن تدرس من ضمن الخيارات رينو سكالا اللي هي نيسان صني الشكل الجديد , انا مش متابعها بصراحة بس شفتها في التوكيل مرة و حسب ما اعلم انها موتور وفتيس نيسان وتقفيل كوري واعتقد كده تبقى حققت احسن ما في العربيتين بالاضافة لانها هتكون تبع توكيل سمعته كويسة زي رينو ..
ده اللينك بتاعها من موقع رينو

Renault - HOME SCALA

---

هى شكلها عاجبنى جدا بس لو تكون نيسان وتكون يابانى كامل ....او كورى لكن هى مش نيسان للاسف عشن اعادة البيع!!!

وانا لا اعيب فى الرينو لكن اعادة بيع الرينو ف ىمصر ضغيف عن النيسان