عن الصني و الوسيط و التوكيل و ثقافه تحويل البحر الي طحينه

نوع من انواع العاده بفتح الوسيط و اشوف كده الصني موديل 2007 زي بتاعتي مطلوب فيها كام و حالتها ايه

المهم
النهارده بتصل بواحد عارض عربيته
عامله 65 الف كيلو اوتوماتك فابريقه بره و جوه زي ما قال
مش عارف ليه سئلته صيانات التوكيل و الدفتر مختوم ولا
السؤال جه علي بالي فسئلته يمكن علشان رايح اعمل صيانه ال 70 الف
الرد كان ايه؟!!

انا مسكت نفسي عن الضحك بالعافيه

الاجابه كانت:
توكيل ايه يا باشا دي نيسان صني, يعني زيت و تربيط عفشه و شكرا !!!!!!! العربيه دي مش محتاجه صيانه توكيل

و كانت المكالمه دي سبب في رسم ابتسامه عريضه علي وجه العبد لله النهارده :colsmil:

دي جزء من ثقافة الفهلوه والمفتحين وسط الكوراكات الموجوده لدي معظم الناس للأسف...
مش عارف ليه الواحد بيفضل إنه يروح بعربيته عند الميكانيكي ولا إنه يروح التوكيل ليه؟؟؟؟؟
ليه الواحد مصمم إنه يروح يقعد عند الميكانيكي ولا العفشجي تقعد على كرسي مزيت..و في الشمس ..بدل ميروح يوم فى مكان نضيف و مكيف..وناس محترمه بتتعامل معاك؟؟؟
أنا شايف إنها جزء من ثقافتنا و قله الوعي والله..
إن الواحد مش بيقدر الحاجه اللي عنده..
مثل ممكن تلاقيه متوافق معك يا دوك..
بره الواحد عنده ميعاد دوري للكشف على أسنانه بإستمرار..و ليه طبيب الأسنان الخاص بيه..
هنا للأسف..
لما تحس بالوجع تروح...و تطلب المستحيل..
العربيه من دول لو عطلت و خلاص بقى مش حتقوملها قوومه..يقولك روح بيها التوكيل..وطبعا العربيه من دول عمرها ما شافت توكيل و ألف إيد تانيه إتمدت فيها..و غيرت من معالمها..
فأكيد التوكيل مش حيكون بعصا سحريه عشان تعدل الأمور..
و من هنا يتقال إنهم مبيفهموش والكلام ده...

امال لو عرف ان فيه ناس بتودي الفيرنا التوكيل هيعمل اية!

للاسف في ناس بتفكر بالطريقة ديه هنعمل ايه بقي

د/ أمير ......... والله ليك وحشة وبسأل عليك ابو حميد
انت ليك عندي خبر جديد بدل الخبر اللي قولتهولك ........ وكنت هاكلمك بس قلت ان شاء الله اخلص واكلمك علي خير
دعواااااااااااااااتك بس ...... الله يباركلك
والكلمة ديه تحفة بغض النظر عن التوكيل او غيره ........ ماشاء الله "قصدي ياباشا ديه نيسان صني ............. "
وانت بتفكر تبيعها ........ لالالا خليها ربنا يباركلك فيها ياااااااااارب
وان شاء الله مستني اول مقابلة علشلن اشوفك واشوف ا/محمد فوزي وا/بيشوي
ان شاء الله ........ متنسوش ادعووووووووولي :)

ما انت قولت اهو يا امير , ده بيغرق نفسه فى الطحينة فعلا

افضل شى انك تعمل صياناتك فى التوكيل وتحافظ على العربية , وده حيفرق معاك فى يوم من الايام فى حالة البيع وحالة اطمئنان للمشترى اللى بيشترى العربية ,

وده حصل معايا لما اشتريت عربيتى مستعملة ولقيت صاحبها اللى قبل منى عامل كل صياناته فى التوكيل وحتى الكماليات شريها من التوكيل وكل الفواتير معاه

فى ناس كتير فكرة العملية كدا زى ما قالك فى التليفون تربيط وتغير زيت وخلاص , وده فكر خاطئ طبعا

المهم يا باشا كنت تغمز منه طحينة , ولا زهقت من الطحينة بعد وجبة بحة والمومبار ولحمة الراس امبارح هههههههههههههههه

اقتباس:

---

المشاركة الأصلية كتبت بواسطة sonasteel

د/ أمير ......... والله ليك وحشة وبسأل عليك ابو حميد
انت ليك عندي خبر جديد بدل الخبر اللي قولتهولك ........ وكنت هاكلمك بس قلت ان شاء الله اخلص واكلمك علي خير
دعواااااااااااااااتك بس ...... الله يباركلك
والكلمة ديه تحفة بغض النظر عن التوكيل او غيره ........ ماشاء الله "قصدي ياباشا ديه نيسان صني ............. "
وانت بتفكر تبيعها ........ لالالا خليها ربنا يباركلك فيها ياااااااااارب
وان شاء الله مستني اول مقابلة علشلن اشوفك واشوف ا/محمد فوزي وا/بيشوي
ان شاء الله ........ متنسوش ادعووووووووولي :)

---

ان شاء الله ربنا يكرمك و يوفقك في اختيارك, و يارب نسمع منك قريب كل خير بس انا مش بفكر ابيع انا بس كنت بشوف العربيه تسوي كام في السوق و مين عارف يمكن بس يمكن دي بعيده شويه دلوقتي

اقتباس:

---

المشاركة الأصلية كتبت بواسطة ahmed.tv

ما انت قولت اهو يا امير , ده بيغرق نفسه فى الطحينة فعلا

افضل شى انك تعمل صياناتك فى التوكيل وتحافظ على العربية , وده حيفرق معاك فى يوم من الايام فى حالة البيع وحالة اطمئنان للمشترى اللى بيشترى العربية ,

وده حصل معايا لما اشتريت عربيتى مستعملة ولقيت صاحبها اللى قبل منى عامل كل صياناته فى التوكيل وحتى الكماليات شريها من التوكيل وكل الفواتير معاه

فى ناس كتير فكرة العملية كدا زى ما قالك فى التليفون تربيط وتغير زيت وخلاص , وده فكر خاطئ طبعا

المهم يا باشا كنت تغمز منه طحينة , ولا زهقت من الطحينة بعد وجبة بحة والمومبار ولحمة الراس امبارح هههههههههههههههه

---

مش مسأله انه بيغرق نفسه لا الفكره في انه بيبيع سلعه و السلعه دي فيها عيب و هو بيقنعك بالعيب انه ميزه

زي بالظبط النهارده كنت مع واحد صاحبي و بنتفرج علي جواكت, زميلي بيسأل علي جاكيت اسود و الراجل مش عنده يقوم يقوله ايه؟
جابله رمادي و يقوله بص ده كده قام زميلي قاله انا مش بحب الرمادي انا عايز الاسود منه
يرد و يقوله ايه
و ايه عيب الرمادي مهو زي الفل اهو (و الموضوع اتحول بقدره قادر من اننا عايزين اللون الاسود الي معركه حربيه مطلوب مننا نعترف و نقر و نقول مين اللي وزنا علي اللون الرمادي بالشكل ده)

طبعا الراجل ده لو مكنش كبير في السن كان خد من الكلام ما لذ و طاب بس الفكره عموما ادي فهلوه المصريين

و لو علي اكله امبارح فانا مش هتكلم خالص علي الموضوع ده و نصيحه محدش يتكلم علي الموضوع ده ولا كأنه حصل و خلونا نحاول ننسي اللي حصل :36_1_35[2]:

بس المره الجايه مقابله نيسان او اي حاجه انا و انت اللي هنقوم بالواجب

هههههههههههههههههههههههه
هيا صراحه اجابه تحسسك ان العربيه دي جامده يمكن هو كان قصده كده ليبرر عدم عمل الصيانه في التوكيل راجل فكاهي يعني بيضحك معاك يأمير هاترد تقول ايه يعني بس كويس خالك تضحك انهارده شويه بردوا و يشكر والله

عادى، ناس تقول ان الصنى مش محتاجة التوكيل لانها صنى، وناس تقول على كلام غيرها انه غلط فى غلط لمجرد ان شكل الكلام مش داخل مزاجهم دون اثبات او دليل
ابتسم فانت فى مصر، أو بالأصح فى الشرق الأوسط

اقتباس:

---

المشاركة الأصلية كتبت بواسطة sab3aawy

عادى، ناس تقول ان الصنى مش محتاجة التوكيل لانها صنى، وناس تقول على كلام غيرها انه غلط فى غلط لمجرد ان شكل الكلام مش داخل مزاجهم دون اثبات او دليل
ابتسم فانت فى مصر، أو بالأصح فى الشرق الأوسط

---

بشوف مشاركات حضرتك..
بتفاءل..
على العموم..
انا حاسس إن رابطة نيسان معظمهم تواجدوا في الموضوع ده..

طب ماهي لو العربيه سليمه التوكيل بيعمل ايه غير تغيير الزيت و تربيط العفشه انا شايف ان الراجل عنده حق وبعدين الناس بتلجا لميكانيكيه علشان اسعار التوكيل المبالغ فيها وخصوصا في المصنعيات