السبع اوتوسيرفيس بعتلي الرسالة ديه النهارده للي هيعمل صيانة

**AbuHusam** · 11-12-2010 08:48 PM

[mark=#ffffb0]شكرا على ذوقك أستاذ بيشوي.. بس للأسف ما أمكنش الحصول على التكاليف بعد التخفيض.. مع اني لاحقتهم بالتليفنوات أكتر من مرة على مدار اليوم لكن كانوا مشغولين بالحجوزات..
عموماً المسألة بسيطة لمن يريد أن يحسبها.. طبعاً التكاليف الأصلية كلها موجودة في الموضوعات المثبتة..
فقط العضو يخصم ثمن فلتر الزيت حوالي 50 جنيه (للصني أو التيدا)
ويخصم 10 % من بقية المبلغ الإجمالي..

فيه حاجة تانية جديدة لاحظتها.. إنهم دلوقتي من البداية ومع الحجز ببعطوك اسم المهندس اللي هايستلم منك العربية.. مش عارف المسألة دي بدأت امتى لكن ما كانتش موجودة وأنا باعمل صيانة الـ 5000 من 5 شهور.. وده يمكن مش تغيير مهم لكن حاجة ظريفة وبتعكس الاهتمام والنظام اللي عندهم..[/mark]

**ygamgoum** · 12-12-2010 12:31 AM

انا بعتولي بردو الرسالة وانا بصراحة عاوز اركب بارك سينسور. مش عارف حيكون في تخفيض وتكلفتة ايه واعملو في البع ولا ابو رواش ولا فين.لأني وانا بركن بالليل بحس اني مش شايف قوي. او حجم العربية كبيرة وباخد وقت في الركن وببقى مركز جدا ولقيت العتب اللي على اليمين داخل لجوة وهية طولها حوالي 10 سم يمكن وانا بركن . مش عارف ازاي والحمد لله

**Bishoy.Girgis** · 12-12-2010 12:35 AM

حساسات الركن و اي اكسسوارات للعربية هتلاقيها في مودرن ابورواش و انا كنت مركبهم هناك و ركبت كمان وحدات رفع و كانت التكلفة 660 جنيه و اعتقد انها نزلت عن كده حوالي 100 جنيه و معاهم طبعا ضمان سنة

**ygamgoum** · 12-12-2010 12:41 AM

جزاك الله كل خير يا باشا

**Ahmed.TV** · 12-12-2010 10:04 AM

المشاركة الأصلية كتبت بواسطة ygamgoum

انا بعتولي بردو الرسالة وانا بصراحة عاوز اركب بارك سينسور. مش عارف حيكون في تخفيض وتكلفتة ايه واعملو في البع ولا ابو رواش ولا فين.لأني وانا بركن بالليل بحس اني مش شايف قوي. او حجم العربية كبيرة وباخد وقت في الركن وببقى مركز جدا ولقيت العتب اللي على اليمين داخل لجوة وهية طولها حوالي 10 سم يمكن وانا بركن . مش عارف ازاي والحمد لله

شوف الموضوع ده حيفيدك جدااا

للعضوjust_meroo:
وتحت امرك فى اى خدمة