معلومات مهمه عن الفتيس الجديد 6 سرعات والفرق بينه وبين القديم
السلام عليكم ورحمة الله وبركاته
صباح الفل على الكياويه
بالاحظ ان فى ناس كتير عايزه تعرف معلومات عن الفتيس الجديد والفرق بينه وبين الموجود حاليا
وبما ان الفتيس قرب ينزل عند الوكيل ونزل خلاص فى الهاتش باك , قولت اجيب الموضوع دا لعل وعسى يكون مفيد
اولا عايز أأكد على حاجه عشان فى ناس مختلط عليها الأمر
الفتيس الجديد 6 سرعات اماميه وواحده خلفيه , عشان فى بعض الاعضاء فاكره ان ال 6 سرعات دول عباره عن 5 سرعات اماميه وواحده خلفيه
ثانيا من المعروف ان الفتيس الجديد وظيفته انه بيحسن استهلاك البنزين والاداء والتسارع
لكن بالأرقام بقى مقارنة بالفتيس ال 4 سرعات
تحسن فى الوقود بنسبة 8 %
0 - 100 اسرع بنسبة 15 %
60 - 100 اسرع بنسبة 17 %
نسب الفتيس فى النقله الأولى زادت 11 % ودا اللى هايحسن طلعة العربيه خصوصا لو على مطلع , والنقله السادسه قلت بنسبة 2.5 % ودا اللى بيعمل على تقليل استهلاك البنزين
الفتيس أخف ب 5 كجم من اللى قبله
الأرقام دى كلها معموله فى موضوع محترم نزلته كيا فى البلوج بتاعها ودا اللينك
Compact 6-speed automatic transmission
هاتلاقوا فى اللينك تفاصيل اكتر
