a113 الباور استيرينج باظظظظظظظظظ

انا من اسكندريه عربيتى عامله 600 كيلو استلمتها كانت تمام بس شويه مشاكل بسيطه و حلو بعضها فى توكيل كليه الطب و البعض الاخر و عدونى بحله فى صيانه الالف

دلوقتى واجهتنى مشكله جديده ان الدريكسيون تقل جدا روحت توكيل الصفوه فو القبارى علشان هو الى فاتح يوم الجمعه بعد ما قبل يكشف على العربيه بالعافيه و اتلطعت ساعتين فالى للا العربيه تمام و مفيش اى حاجه

ماشى يعنى انا مش بفهم

المهم سالت اكثر من 14 واحد على درجه كبيره من ثقافه السيارات قالولى و بعد التجربه لا طبعا الباور بايظ ولازم ترجعلهم

تنصحونى اعمل ايه يا اسبرانزاويه

ارجعلهم و طلع عنيهم ياباشا ..

ممكن يكون زيت الباور ناقص

عندك صوت وأنت بتلف الدركسيون ؟؟

السلام عليكم
إرجع طبعا و متمشيش إلا لما توصل لنتيجة

روحت و اقنعونى ان هو كده و جربولى كذا عربيه لقيتها كده فعلا لدرجه ان مدير التوكيل بنفسه نزل بيها الشارع و جربها و قالى ده العادى
بس ارجع و اقول هى مكنتش كده اول ماجبتها دى عامله 600 كيلو
و الزيت مش ناقص فى العلبه بس فيه صوت لما بكسر يمين و شمال

بص يا مولانا



البور يا شغال يا ضعيف يا متوقف


شغال هتلاقي العربية و هية دايرة ملبن .... و هية مبطلة حجر
ضعيف هتلاقي العربية و هية شغال في تقل... و هية مبطلة حجر
بايظ هتبقي حجر علي طول الا لو متحرك بالعربية


طالاما انت حاسس ان هية اخف و هية دايرة يبقي نبدأ نشوف واحدة واحدة مع بعض


1. في صوت زنة او ورة و انت بتلف الدريكسيون و العربية دايرة بس ثابتة في مكانها؟؟؟؟؟

لو في صوت عالي مع الفات يبقي نبص علي زيت الباور لو مفيش يبقي الباور فلة و نشوف اللي بعده

2. هل في صوت خشونة او طقطقة وانت بتعمل نفس الحركة؟؟؟؟

لو فيه نشوف علبة الدريكسيون "الاسكترا" او البارات و البيض.....لو مفيش يبقي الي بعده

3. ممكن بعد اذنك تنزل تزبط ضغط العجل علشان الدنيا بردو الهوا بيكش و بيتقل الدريكسيون و ده طبيعي و بعدين تقولينا لقيت ايه؟؟؟؟؟؟


نصيحة اظبط هوا في بنزينة اوتوماتيك "مكنة هوا بمقاس ضغط مسبق" بلاش شغل الصنايعية الي اي كلام بتاع المقاس البايظ و نصيحة اظبط بالليل علي 31

و ان شاء الله مفيش حاجة

انت بس ممكن يكون متهيألك انا حصل معايا كده في الاول اول ما جيبتها واعمل الكلام اللي قالك عليه Hemaa 32

اقتباس:

---

المشاركة الأصلية كتبت بواسطة mero2008

انت بس ممكن يكون متهيألك انا حصل معايا كده في الاول اول ما جيبتها واعمل الكلام اللي قالك عليه hemaa 32

---

زودتني 50 سنة مرة واحدة يا ظالم

82 بس مش 32

شكرا للاهتمام يا جماعه و ربنا يجعله عامر
انا روحت كشفت عند كذا ميكانيكى قالى طرمبه الباور ضعيفه روحت رايح على التوكيل و عملت فضيحه لاداعى لذكر تفاصيلها و بناء عليه حددولى ميعاد اخر للكشف
و روحت الميعاد الاخر و تم الكشف و استغرق حوالى 3 ساعات و كانت النتيجه الاسكتره بايظه و محتاجه تغيير ة عملو طلب للشركه بس ربنا ينفخ فى صورتهم و تتغير قبل سنه 2222
و بالنسبه لضغط الهوا انا ظابت نيتروجين 32 و بظبط على البار بتاعى جايبه للعربيه