استخدامي للعربية قليل...وخايف معملش صيانة لفترة طويلة

**mhmdsfwt** · 10-12-2010 09:39 PM

السلام عليكم
دلوقتي يا جماعة انا شاري عربية جديدة من شهر 5/2009 وعامل بيها لغايت دلوقتي 8000 كيلو بس
فهل في مشكلة ؟؟؟
وبالنسبة للصيانة الدورية مواعدها ببتاخر لاني استخدامي للعربية مش كبير؟؟
اعمل ايه؟؟؟افيدوني.......
عشان انا قرات في الكتالوج انه في حاجات المفروض تتغير كل عدد كيلوهات او فترة زمنية محددة.....

**M.Osman** · 10-12-2010 09:43 PM

عادي
انا كنت كده اول ما جبت العربية ... لأني مكنش بستخدمها على طول

اهم حاجة متخليش الزيت اكتر من 6 شهور في العربية... يعني لو بتستخدم زيت 10 الاف كم (تخليقي) .. يبقى حوال تغير لنوع معدني احسن ..طالما مشاويرك قليلة

**kamalsalem** · 10-12-2010 09:52 PM

عشان العربية تفضل في الضمان... كل صيانة ليها معاد... يعني مثلاً لو العربية معملتش 5000 كيلو في 4 شهور، لازم برضه تعمل الصيانة... وهكذا... كل ده مكتوب في كتيب ضمان وصيانات العربية

**M.Osman** · 10-12-2010 10:00 PM

وبالنسبة للصيانة الدورية مواعدها ببتاخر لاني استخدامي للعربية مش كبير؟؟

تقصد اية بأن الصيانة بتتأخر عن معادها ؟

**mhmdsfwt** · 10-12-2010 10:18 PM

المشاركة الأصلية كتبت بواسطة m.osman

تقصد اية بأن الصيانة بتتأخر عن معادها ؟

انا قصدي مثلا اني عملت 5000 كلم بعد مرور سنة تقريبا من شراء العربية فعملت صيانة ال5000
عشان كده فترات الصيانة متباعدة لقلة استخدامي

**beeboo2005** · 11-12-2010 09:24 AM

المفروض ليك (على حسب توكيل العربية و كتاب الضمان من الشركة المنتجة) عدد من الكيلومترات أو فترة زمنية محددة تعمل فيها الصيانة (مثلا كل 10000 كيلو أو سنة للميتسوبشى اليابانى، أو 5000 كيلو أو ستة شهور للفولكس الألمانى على سبيل المثال).
فلو أنت ماعملتش غير 1000 كيلو فقط و عدت فترة الستة شهور أو سنة لازم تعمل الصيانة الدورية و ألا يبقى غلط على الموتور بالذات.

**mmans** · 11-12-2010 09:56 AM

المفروض ال 5 الاولى يتعملو فى 3 او 5 شهور اصلا يا باشا اقولك على حاجه هاتلى العربيه وانا اقفلك ال10 الاف فى اسبوع اسبوعين بس اصلى بسافر كتيييير هههههه