سؤال صغير
مين ميشيل احد
عرض للطباعة
سؤال صغير
مين ميشيل احد
انا شوفت واحده حمرا برضه من اسبوعين او تلاته متشاله على ونش على الدائري ولسه مركبتش نمر
عربيه على اد حالها برضه :)
هو بيجيبها من غير مايدفع ترخيص وبالتالي عربيه زي دي ال x5 مثلا اغلي منها وبعد كام سنه ولا لما يحب يغيرها هيبعها بره بسعر كويس ويجيب غيرها يعني مش قصه
احنا بس اللي مش متعودين علي الحاجات دي
سؤال بقي
لو حد فيكم بقي معاه فلوس ومش هيدفعلها جمارك كتيير هيجيبها برده؟ ولا هيقول ملهاش لازمه عندي؟
يا باشا ميشيل احد مش بيركن في جراج دي تحت البيت بتاعه عادي كده و بيسب الناس تتفرج عليها عادي خالص و كمان يتصوروا عليها و هوا مش كل عربياته جمرك اصلن في منهم مش بتاعه و في بتاعه و كده يعني
بس هوا راجل عصامي كان كهربائي في الاول و دلوقتي ماشاء الله معاه توكيلات بوتشيني بتاع الادوات الكهرباية و حصص من ذخرية المصانع الحربية و مصانع ازاز و حاجات كتير
انا اتكلمت مع الراجل دا مره هوا فعلا منتهي التواضع غير الناس اللي في نفس وضعه و لو شافك بتتفرج علي العربية مثلا يقولك ايه رايك و يتكلم معاك و يهزر كمان و لو هوا ماشي و عايز تشد معه يشد معاك عادي و طبعا زي معظم الاثرياء بيحبوا الهلس اوووووووي و سمعته مش اد كده
بس هوا ركيب بمعني الكلمة كل العربيات قلي تحلم بيها من اول المكلارين و الفيراري بورش لامبرجيني هامفي رولز رويس كل الكلام دا عدي عليها و في كمان له جراج في جنب البيت في شويه عربيات تحف كلاسيك علي لاندروفر علي مرسيدس بس دا مقفول
السلام عليكم و رحمة الله و بركاته
يا باشا , ألف شكر على الرد الجميل الموجز ده.
الراجل ده أنا عمرى ماشوفته, بس كنت أسمع عنه من زمايلنا فى الكلية اللى من اسكندرية.
ربنا يباركله و يوسعها عليه , أنا فعلا أعرف أنه بتاع مزاج و هلس, ربنا يهديه و يرزقه ببنت الحلال عشان يكمل نص دينه :10D5C8w1107:.
معلش بس أول مرة أسمع إن مفاتيح التيتشينو بتعمل فلوس كدة أومال عامر بتاع بورتو عندو إيه ولا بتاع جولدي معه إيه لما التيتشينو بتعمل كل الفلوس ديه هههههة
هوا يا جماعة كونى من اسكندرية وفى نفس الوقت شغال فى مجال الكهرباء ولينا تعامل مع بتشينو احب اوضح
اولا علشان تبقوا عارفين حجم التعامل بتاع بتشينو هو اكبر مصنع للادوات الكهربائية فى مصر باستثناء مجال الكابلات لدرجة انهم عاملين مصنع كرتون مخصوص علشان يلاحق على العلب اللى بيحتاجوها !!
ثانيا ده كان وكيل شرق اوسط يعنى يقوم كده عالريق يلاقى تحويل ب 5 ولا 6 مليون نسبته فى بيعة اشتراها واحد سعودى من ايطاليا مثلا
احب اضحككم انا اول مرة روحت الشركة دى مع ابويا لقيت المسافة بين البوابتين بتوع المخزن بدون مبالغة من محطة ترام لحد اللى بعدها !! ولما استغربت قاللى ده المخزن الصغير بتاع التسليم وانى لو شفت مخزن المصنع ممكن يجرالى حاجة
موضوع الهلس وبتاع فعلا الراجل بتاع هلس ومنظرة وبيجيب العبيات دى علشان يتعوج بيها يعنى بيتدلع بفلوسه من الاخر بس برضه مش بيتكبر على حد فى الهزار والتعامل
اخيرا احب اقول ان فيه كلام كتير بانه باع حصته فى المصنع وركز فى تجارة الالماظ اللى بيشتغل فيها من زمان الى جانب باقى الانشطة وفيه ناس بتقول انه باع علشان الباشا الصغير كان عايز يشاركه عافية وكلنا عارفين الباشا الصغير جابر مبروك بتاع شركة الخديوى للتجارة العامة والتوكيلات بس والله اعلم دى برضه اقاويل وربنا يكرمه ويكرمنا جميعا