مشكلة فى الرينو لوجان

**abdelgawadprof** · 10-12-2010 11:22 PM

الفرامل عندى خفت خالص وانا فى 7500 كيلو .... هل معقول ان تيل الفرامل اتاكل بالسرعة دية...انا لا ادرى ما هى الاسباب تؤدى الى هذه المشكلة...هل ممكن اروح لميكانيكى يشوفلى الفرامل والتيل بتاعها... انا حاليا قللت خالص من الدوس على الفرامل وبقيت امشى بسرعة قليلة.

ثانيا: العربية اتخبطت من فترة فى الرفرفر الخلفى اليمين واتبقطت ...بفكر اروح لميكانيكى يشوفها ويردها..محتاج نصايحكم فى المشاكل دية

**Egyzizo** · 10-12-2010 11:30 PM

مش معقول يكون تيل الفرامل اتاكل بالسرعة ديه ..
وأنا لو مكانك أروح التوكيل فى أقرب فرصة وأستفيد بالضمان لأن ده عيب لا يستهان بيه فى عربية زى اللوجان المعروفة بقوة فراملها.

**Ahmed A Rahman** · 10-12-2010 11:59 PM

ممكن محتاجه رجلاش بسيط وبيتعمل كل صيانة 5 او 10 آلاف

السبب الاوقع وساعات بيحصل لي : حضرتك عدلت من وضع الكرسي وبقيت بعيد عن الدركسيون

كل ما بعمل كده بحس ان الفرامل خفيفة والبنزين خفييييييييييييييييييف والدبرياج تقيل

**jericho** · 11-12-2010 06:24 PM

حصلت معايا مرتين المرة الاولانية كان في هوا دخل في الفرامل والمرة التناية كانت خفت حاجة بسيطة خالص واتعملها رجلاش واتظبطط الحمدلله روح التوكيل علي طول ودي حاجة بسيطة وخليهم يعملوا رجلاش ولو دخل هوا يشده وهتتظبط معاك انشاء الله ومش هتدفع حاجة علشان العربية في الضمان