ايه هي افضل وسيلة لاندماج المتعليمن السواقة حديثا في الشوارع الزحمة ده من غير مالعربية تتبهدل ؟
عرض للطباعة
ايه هي افضل وسيلة لاندماج المتعليمن السواقة حديثا في الشوارع الزحمة ده من غير مالعربية تتبهدل ؟
اقولك الصراحة
انك تمشى عادى فى الشوارع و فى الزحمة بدون خوف على العربية و تكون واثق فى نفسك
دة هوة احسن حل و انا عملت كدة
حرام عليك يا فهد ....كدة احسن لية بس هاضيعنا احنا هههه :d
احسن حل تمشى فى شوارع ضيقة متعرجة و فاضية ..مفيهاش عربيات راكنة
يعنى حارات متعرجة ضيقة ..ذى الباركنج كدة
ان تكتب لافته تحذيريه " احذر تعليم " عشان اللي حوله يراعو انه في فترة تعليم ويتوقعو الاخطاء اللي ممكن يقع فيها
انا ناوي اعمل كدة مع زوجتي
على فكره .. انا عملت كده وانا لسه باتعلم .. كتبت يافطه ووضعتها بالخلف في السياره وفعلا كل اللي حولي كانوا بيستنوا وبيبعدوا عني .. بس بعد يومين لقيت اني المفروض امشي وسط السيارات بثقه واعتمدت على الله .. ومشى الحال .. على العموم جربي وقولي لنا ردود الأفعال ايه ..
انا وانا صغير في بداية تعليمي ،بالصف الخامس الابتدائي تقريباً،
كنت بلزق ورقة على الزجاج الخلفي للـ133 مكتوب عليها:
"احذر السيارة في التليين والفرامل في التليين"
انا اكتر حاجه علمتنى السواقه و خلتنى جرىء فيها الشوارع الجانبيه لأن المواقف اللى بتتعرضلها فى الشوارع الجانبيه اكتر بكتير من الشوارع الرئيسيه بس خد بالك برضه انها محتاجه تركيز اكتر و هدوء اعصاب
انا اول ما اتعلمت السواقه من 10 سنين بالتحديد كان معايا عربيه ريتمو واخدتها من المهندسين واخدت اصحابي فيها ال ايه بفسحهم :d ورحت
طالع بيهم على شارع فيصل اكتر شارع زحمه في مصر المهم الاقي ميكروباص جاي من اليمين اروح حادف انا شمال الاقي عربيه في الشمال اروح
راجع تاني يمين كنت عامل زي السكرانين بالظبط لغايه الحمدلله ما اخدت الثقه الحمدلله وبقيت انزل واسوق لوحدي