طيب اية رايكوا يا جماعة لما الميزانية توصل 100 الف و بصوا مفيش مليم زيادة الواحد يجيب اتو باكدج 1 و لا مانيول باكدج 2
عرض للطباعة
طيب اية رايكوا يا جماعة لما الميزانية توصل 100 الف و بصوا مفيش مليم زيادة الواحد يجيب اتو باكدج 1 و لا مانيول باكدج 2
حسب انت يفرق معاك ايه.. انت عايز الاوتو و مش بتحب المانيوال ولا انت ميفرقش معاك الاوتو و عايز الكماليات التانية، اللى تقريبا اهمهم blue and me و ممكن يكون فى حاجات تانية.. تقريبا cruise control و ممكن يكون فى كام حاجة كمان صغيرين مش فاكرهم
العربية بداية سعرها 90 الف...تجيب بيهم مانيوال باكيدج 1
لو زودت 9 الاف قدامك تختار بين حاجتين
A- اوتوماتيك
أو
B- كماليات زيادة تشمل الاتي
1-نظام بلو اند مي و ده انا شرحت امكانياته في التقرير بس احب ازود انه في كمان Eco Drive و ده برنامج بينزل علي الفلاشة من موقع فيات و اول ماتوصل الفلاشة بالعربية تبدأ تسجل معلومات عن اسلوب قيادتك زي مثلا بتنقل بدري ولا متاخر...بتستخدم الفرامل كتير ولا لأ...و بعد ما تسجل المعلومات دي...بتوصل الفلاشة بالكومبيوتر و تشوف تحليل لاسلوب قيادتك و تاخد Score و يقولك ازاي تحسنه لتقليل استهلاك البنزين و تعيد الحكاية تاني و تشوف ال score هايتحسن ولا لأ
و من وجهة نظري اهم حاجة في البلو اند مي هي امكانية التحكم الصوتي في المكالمات...يعني لما اكون سايق علي 120 و ماسك الدركسيون بايدي كويس و مركز في الطريق...مش مطلوب مني عشان اتصل بحد غير اني أدوس علي زرار في الدركسيون و اقول اسمه فقط و يتم الاتصال...و دي مش رفاهية علي قد مانا شايفها أمان و اكيد اي واحد فينا حصل قبل انه كان هايلبس (او لبس) بسبب مكالمة موبايل
2- مثبت سرعة و ده مفيد جدا في السفر و لا يتم تثبيت السرعة فقط بل يمكن ايضا زيادة السرعة و تقليلها من ذراع مثبت السرعة بدون استخدام دواسة البنزين و طبعا استخدامه الوحيد في سكة سفر طويلة و طريق مفتوح مفيهوش عربيات كتير (بس اوعي تثبت السرعة و تنام)
3- فاميه خلفي و ده مفيد جدا لخصوصية الركاب في الكنبة الخلفية
4 - جنوط سبور
5- فرش داخلي اسود او رمادي مطعم بلون السيارة من الخارج
---------------------------------------
لو تقدر توصل ل 109 الف هتاخد A+B
لو اخرك 100 الف يبقي لازم تختار A أو B
بالنسبة لي انا متعود علي المانيوال و عمري ما سوقت اوتوماتيك قبل كده فاخترت الكماليات الزيادة....لو انت متعود علي الاوتوماتيك و هتتعب من غيره يبقي ضحي بالكماليات الزيادة و هات اوتو...لو مش فارقة معاك...يبقي خد الكماليات لان فعلا تستاهل كل جنيه ادفع فيها
ملحوظة: أنا باكرر معلومات ممكن اكون قلتها قبل كده عشان لو في حد دخل من نص الموضوع يقدر يفهم احنا بنتكلم عن ايه
الله يعزك يااستاذ وائل والله حضرتك من اكتر الناس اللى حببتنى فالعربية جدااااااا
مبروك تقرير رائع و متابعه جيده ... و ربنا يباركلك ،،،و عقبال ماشوف تقرير عن اللينيا الجديده ،،،
ربنا يخليك يا استاذ وائل و ربنا يكرمك على اهتمامك و زى منتا شايف انا متعود على الاوتو بتاع ال 128 مش عارف هينفع اركب مانويل ولا لأ هههههههههه
بس سؤال اللى انا فاهمة ان سواء باكدج 1 او 2 الجنوط سبور هى بس بتفرق فى الشكل طبعا باكدج 2 الشكل تحفة اصلا بس الاتنين سبور و لا انا فاهم غلط؟