قدامى عربية 200 موديل 83 جاية استيراد بس من غير ورق عاملة 22 بحالتها كاملة مانيوال بفتحة السقف كمان
اية رايكم اشترى اى عربية مستعملة وانقل دى جوة دى
عرض للطباعة
قدامى عربية 200 موديل 83 جاية استيراد بس من غير ورق عاملة 22 بحالتها كاملة مانيوال بفتحة السقف كمان
اية رايكم اشترى اى عربية مستعملة وانقل دى جوة دى
اية الى حصل فى منتدى المرسيدس مفيش حد هنا ولا اية؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟
اغلب الظن ان فيه مشاكل
لان البيجو والمرسيدس بيتعملهم رفع رقم شاسيه محلي او بيطابقوا رقم بصمه محليه ودا بيبقى غلس جدا في العربيات السليمة مابالك بالعربيات ال متجمعة زي اللي انت ناوي بتعمله
هات ودنك من الاخر حتى لو صعب البلد دي كل حاجه ليها سكه وليها ناسها ودور يمكن تلاقي مرادك
متابع باهتمام لو حد عنده فكره
يا جماعة انا هجرى ورا الموضوع دة وهنقل التجربة بس هى بجد تستاهل ان الواحد يضيع وقت فيها تخيل عربية مرسيدس فبريكة برة وجوة abs وفتحة سقف
بس يا ريت لو اى حد عندة فكرة عن الموضوع يفيدنا اهو يقصر المسافات شوية
اعتقد الحكاية دي لو اتقفشت وانت بتعملها يبقى فيها كلبوش هههههههههه
انا بهزر ماحدش ياخد كلامي جد
معرفش حاجه
السلام عليكم و رحمة الله و بركاته
الموضوع ممكن يتعمل بس بطريقة سليمة و آمنه و قانونية جدا, بس ازااااااااااااااى :
أنك تجيب عربية مرسيدس 200 موتور أبيض متهانة و طالع عينها و محتاجة تجديد من كله , يعنى سمكرة و دوكو و عفشة و عمرة و كل حاجة فعلا , بس المهم أن تكون أساسياتها سليمة , يعنى ماتكونش لا مقلوبة قبل كده و مغيرة سقف و لا لابسة فى وشها و مغيرة نص أمامى و لا مغير ربع ورانى و بالتالى لازم تكون مش راشة جوه و عندك مساحة فى الموديلات من 1977-1985.
أنت هتاخد العربية دى بتراب الفلوس طبعا , يعنى حلو عليها أوى 22000 - 25000 جنيه لما يكون اللى بيبيعها واحد تاجر سيارات يهودى و جشع و يقرب لشارون كمان .
هتاخد من العربية ( القطمة ) اللى أنت هتجيبها كووووووووووووول حاجة , من موتور و عفشة و كبوت و 4 أبواب و باب شنطة و تابلوه و كراسى و فرش الأرضيات و كله....................... .
و تركبهم فى العربية الى أنت جايبها.
الموضوع ده عشان يحصل بشكل سليم قانونا , لازم العربية ( القطمة ) اللى أنت هتجيبها , تدخل متخردة , كقطع غيار مستعملة , مش تربتيكت , لأنها تفرق كتييييييييييييير .
قطع غيار مستعملة , يبقى مش مطلوب منك أنك تخرجها بعد فترة من البلد و كمان الموتور هيكون ليه ورق و هتقدر بكل سهولة أنك تسقطه فى العربية اللى أنت شاريها و تروح ترخصه فى المرور بكل أمان , لكن لو جايب عربية تربتكت, مش هتقدر تاخد الموتور بتاعها و تسقطه فى عربيتك اللى هنا و تروح المرور و ترخص لأن الموتور ده مالهوش افراج جمركى لأن العربية كلها أصلا مالهاش افراج جمركى و كمان العربية التريبتكت, هيكون مطلوب منك أنك بعد فترة يا اما تخرجها من البلد أو أنك تسلمها لقرية البضايع فى المطار أو الميناء و أى حاجة غلط من دول , أول حاجة هيعملوها , أنهم هيقبضوا عليك و يلبسوك قضية أمن دولة , و هيقدرولك جمارك خرافية عالعربية ال200 مو 1983 اللى أنت مدخلها, أنا فاكر مرة من كام سنة , كان فيه واحد مسروق منه عربية جمرك مو1982 مرسيدس 200 و كان عامل اعلان فى الجرنال عن جايزة 10000 جنيه للى يلاقيها , لأنه عاوز يطلعها بره البلد تانى , لأنه لو ماطلعهاش , الجمارك هتدفعه جماركها اللى ممكن يطلعوها ساعتها بتاع 180000 جنيه على العربية المرسيدس 200 مو 1982 دى !!!!!
و ماتعملش ناصح و تقول أنك هتجيب العربية تربتكت و بعد شوية تبلغ أنها اتسرقت لأن هما عارفين الحركات دى كويس و هيبقوا عارفين أن أنت اللى مخبيها عشان عاوز تعمل بيها مصلحة بعد كده .
مرة و أنا فى السعودية , واحد سعودى كان شغال معانا فى المستشفى و كان متجوز مصرية و نزل بعربية شبح مرة تربتكت و الشيطان لعب فى راسه و باعها لبتوع الاستيراد عشان يقطعوها و يبيعوها قطع غيار و طبعا هو بعد ماباعها, أخد الفلوس و رجع بلدهم و هو مفكر أنه ضحك عالمصريين, اتحكم عليه غيابى ب 5 سنين سجن:khd: و بالتالى الحكومة السعودية منعته من السفر الى مصر ال5 سنين دول لحسن يتمسك و يتحبس و يدخلوا فى مشاكل بعد كده .
أحسن حاجة أنك تجيبها متخردة .
بلاش يا بشا الكلام دا كله لو في المعاينة حد شك ان حضرتك لاعب في رقم الشاسيه العربية حتتسحب منك و تدخل الحضانة و يتطبق عليها قانون الاحلال و حتضيغ عليك الفلوس
و حضرتك متاكد انها 200 مش 230Eاو 280E لان الABS و الAirbag كان اوبشن بعد 82 و كان فيه W123 بمثبت سرعة و 5 غيار و مساحات فوانيس قدام و دافيه كراسي قدام
بص يا باشا في مصر في عربيات بالاوبشن دا و كامله و ممكن حضرتك تجيب عربيه متبهدله و النضيفة تخدم عليه يعني تغير الصاج كله و لو الموتور فيه حاجة تبدلها و كمان العفشه و الصالون و كل حاجة بس بلاش لعب في رقم الشاسيه دا خالص
ازاي عربية استيراد من غير ورق ولا تربتك وكمان فابريكا
العربيه مسروقه ومتهربه لمصر ياما مسروقه وبتتباع مش هاتلاقي حد يشتريها غيرك حاول تفطس سعرها كدا بالذات المكنه والحاجات اللي عليها ارقام شاسيه وموتور والله يدهملك ببلاش كمان شوف كدا ردت الفعل ؟؟