الموضوع: عقارات اسكان الشباب التجمع الثالث

أولا المساحات الموجودة هي 70م و 100 م و 135 م و يوجد من كل مساحة نظام مثل شباب و استثماري قديم و جديد و بالأضافة إلى تصميم الشقة.
بمعنى اخر أنا هكلمك في 70 م علشان انا بدور فيها و حاليا مؤاجر هناك
الشباب 150-160 ألف جنيه والباقي حوالي 60-70 جنيه لمدة 10-15 سنة.
استثماري قديم 120-130 ألف والباقي 300-500 جنيه لمدة 10-15 سنة.
استثماري جديد 90-110 ألف جنيه و الباقي 700-800 لمدة 20-25 سنة.
و عموما مافيش لا رابط ولا نيلة من الاخر انت و شطارتك و حظك مع السمسار.
و لو حضرتك شوفت حاجة خللي بالك من التصميم و المنطقة و ما تدفعشي فلوس إلا في الشهر العقاري و يعملك تنازل في البنك

المشاركة الأصلية كتبت بواسطة ehab_mansour

شكرا علي ردك مهندس أحمد
طيب وهو مافيش شقق خالصة هناك يعني مافيش عليها أقساط لأن القسط دي علي قد معرفتي حرام لأنها ربا وتبع بنك ربوي
وسمعت ان فيه شقق أقل في المساحة كمان أرجو الافادة وان شاء الله لو لقيت حاجه مناسبة هحاول أقابلك لو مافيش عندك مانع وتشوفها معايا وتنصحني بالاجراءات اللي المفروض تتعمل لأني معنديش فكرة عن القصة دي خالص
وجزاك الله خيرا علي المساعده

لو كنت مش عايز القسط عشان الفوائد يا فندم

ممكن بعد ما تشترى تخلص أنت اللى عليها فى البنك و تدفعه مرة واحدة طبعا من غير فوائد

المشاركة الأصلية كتبت بواسطة ehab_mansour

ان شاء الله
بس انا سمعت ان حتي لو هتدفعهم مرة واحده لن تعفي من قيمة الفوائد .... والله أعلم

يا هندسة ما حضرتك لو دفعتهم (كيشتها) في البنك يبقى كده خلاص تقريبا بتاخد مخالصة من البنك و تبقى الشقة باسمك لان الشقة اللي عليها أقساط بيبقى عليها حاجة كدة زي حظر البيع للعربية اللي تبع البنك
بخصوص المساحات اللي اقل اكيد موجودة بس في اماكن غير إسكان مبارك زي مساكن سوزان مبارك وفي القطامية و مساكن الزلزال و بعض مناطق في التجمع الخامس
وانا تحت امرك يوميا بعد الشغل (6 مساءا ما عدا الجمعة و السبت) ادينا ينتعلم و بنشوف
والله الواحد من كتر ما بيدور على شقة حاسس إني بقيت سمسار و متخصص كمان
لما باجي اكلم اي حد منهم ما بيصدقش اني زبون عادي بقيت خبرة

أمين يا رب العالمين
أنا رقمي 0124620629 أو 0119882045 أيهما تفضل اتصل بي في أي وقت ما عدا الجمعة و السبت (علشان ما بيبقاش في شبكة إلا نادرا.