المشاركة الأصلية كتبت بواسطة tamer_a7
معلش مع الاحترام الشخصي للكثير من الاراء اقولك تجربتي بالكامل
انا اول ما اشتريت عربيه دورت علي حاجه سعرها حنين وصجها جامد وتماما وثابته علي الارض لغايه 140 عربيه جامده يعني
وكانت النتيجه رينو داتشيا 1400 موديل 1998
العربيه كانت ممتازه وسحبها كويس (زي ما كنت فاكر)
بس قابل بقي سخونيه وقطع غيار فرنساوي ناااااار وميكانيكيه ما بعرفوش يشتغلو فيها خالص ول حد عارف يظبطها (والله انا كنت باظبطها احسن مليون مره منهم)
والحمد لله ربنا كرم بمبلغ كويس وكان اختيار التغيير موجود
نيجي بقي للخيارات المتاحه في الوقت دا
هيونداي اكسيل 1500 كامله
سوزوكي سويفت
دايو لانوس بس هتكون متبهدله وهتكون علي الاكتر معوقين وفكه حظر يعني موديل 98 -97 (اول موديل دايوو في مصر كان 99)
شاهين
كيا بريد سيدان
واكنت التجارب المتواليه علي كل العربيات دي
السويفت جرايه اوي وناعمه بس ولا ريحه الثبات وكمان تحسها ورق ورق يعني
الاكسيل احسن قطع غيار موجوده في السوق ولا ينافسها غير اللانوس وفرق السعر والموديل ما بينهم كبير يعني حوالي 8 او 9 الاف ناعمه جدا ماتور تحفه في البنزين الحوض بتعها قوي واللي بيشرخ في العربيات دي بيكون الركبه نتيجه بوظان المساعد والتطنيش يعني هيه مش بتفتح حوض زي ال128 دا كلام غير سليم بالمره ويا ريت اللي بيقوله يجيب حاله من العربيات دي ونشوف دا حصل ازاي
السخونيه دي بصراحه نقطه تدل علي ان اللي بيتكلم عمره ما ركب اكسيل الامبير عمره ما يعدي تحت النص يعني ما بيجيبش النص وانا باتكلم علي اشارات الدقي في الصيف اللي فات والله وكمان بالتكييف اللي بالمناسبه بيبرد العربيه مش بيسخنها
http://www.nilemotors.net/nile/150624-a.html
دي اسعار قطع الغيار
http://www.nilemotors.net/nile/21398-a.html
دي رابطه مالكي العربيه هنا
نيجي بقي للاكسنت
كا ما ذكر في الاكسيل ونضيف عليه كمان عظم انشف وثبات اعلي
الشاهين
عربيه ممتازه وعاليه كده عن الارض بس خد عندك شويه ملاحظات بسيطه يعني
ناشفه في المطبات الماتور مش بنعوميه الكوري ابداالصالون جوه فقير جدا كماليات اقل تكييف اضعف(لاننا لازم نعترف بان اقوي تكييفات العربيات هيه في الياباني ثم الكوري) الخلفي طبعا ممتاز بس لما يحصل حاجه في الكرونه ربنا ما يوريك بتفتح فتحه عليك
نصيحه من اخ مر قبلك بالتجربه
انسي عربيه جامده وناشفه وتستحمل الحرب
جرب سواقه الاتنين الشاهين والاكسيل وبعدها اعتقد مش هتكون محتاج تسال حد هنا علي اي حاجه
المفضلات