الموضوع: الي اصحاب البي ام دبليو القديمه

السلام عليكم و رحمه الله و بركاته
عاوز اشتري عربيه و دي اول عربيه ليا و محتار جدا
المبلغ اللي معايا مش كبير في حدو من 20-28 الف
و لقيت اني ممكن اجيب
1-بي ام دبليو 318 موديل 80
2-بي ام دبليو 316موديل 80
3-مازدا 121 موديل 97
انا و الحمد لله بعرف اسوق
بس الناس بيشكروا اوي في ال بي ام دبليو و ناس تانيه يقولوا قطع غيار غاليه زياده عن اللزوم بلاش منها
و المازدا يقال انها قطع غيار البرايد و يقال قطع الغيار مش موجوده
في المجمل و لكل اصحاب انواع السيارات دي
اجيب بي ام قديم موديل 80 كده و لا اجيب مازدا
و الله انا نفسي اعرفه بالتفصيل بما انكم منتدي ال بي ام دبليو
هل عربيه موديل 80 او 82 و حالتها كويسه تستحملني و متفتحش بئها كل شويه
و لا خلاص دي موديل من 30 سنه و راحت عليها
انا بجد محتار جدا
و عاوز ردود من اصحاب السيارات دي يكون افضل
و شكرا لمساعدتكم