اختيار موفق.... وانا لو مكانك اختار برده الالماني مادام سعره مش مبالغ فيه بالنسبة للاختيارات التانية
العفو يا باشا و حضرتك موسوعة في عالم السيارات و ياما قرأت تقاريرك
عرض للطباعة
يمكن فى النعومة لكن فى الثبات ماعتقدش..... البرافو بتاخد الملفات اسرع بكتييير (يمكن علشان هاتش)
و بالنسبة لموضوع انها فورد لم يضيف لها الكثير, كانوا قدروا هم الأثنين ينافسوا ال GTI
دى بال Mazda 3 Speed ودى بالFord Focus ST عالرغم من انهم 230/250 حصان و الجولف 200/210
على رأى VW:
"Right amount of power+right amount of handling"
مش علشان فشل فى السيراتو يبقى فشل فى رينو و فيات و اوبل و بيجو و ستروين
ده بس نقص الخبرة وسوء الصناعة الكورية متواضعة التكنولوجيا
والدليل: شوفه فى السيراتو (موضوع قديم مصور) والعربيات دى هتلاقى ال setup مختلف
الكلام ده مش صحيح الفتيس سهل التعامل سريع الأستجابة علشان السوفت-وير العبقرى
عايز تشوف السىء بجد شوف MMT بتاع تويوتا (مالهمش فيه للأسف هما مانيوال او اوتو بس)
دى بقى جديدة الصراحة......كل الريفيوهات الأوروبية شكرت جدا فى الخامات و الأنتيريور (ده غير الناس هنا فى المنتدى) ومش هتكلم على انتيريور الليون المتواضع
انت بتقارنها بأيه؟؟؟؟!!!!!
لو باخواتها الأيطاليات (اللى ارتفاعهم اقل من 120 سم وسرعتهم فوق 325 كم) كده ممكن
ياراجل حرام عليك: انا أخدت بيها ملف على 180 (دون قصد على طريق الكريمات) والله ولا سنتيمتر understeering ولا الهوا
للأسف حضرتك ماركبتش العربية خالص (طيب ولا حتى شفتها معدية طلقة من جنبك فى straight او ملف..؟؟؟؟!!!!!!) مش ممكن
فى الكنبة (وعند رجوع الكراسى زيادة فقط) ماشى لكن فى الأمام ؟؟؟!!!!! مستحيل
اعتقد نتيجة التصويت لحد دلوقتى بتأيد الكلام ده
وياريت يا جماعة نقارن بحيادية و نقول المميزات و العيوب و صاحب الموضوع ربنا يوفقه للأختيار بعد كده
أنا رأيي الشخص ولو مكانك هاجيب برافو ودا ترتيبي ليهم من وجهة نظري ولو اني شايف لو تقدر تزود شويه وتجيب الـ 150 حصان يبقى مافيش اي مقارنة أصلاً بس حاول تدور شوية عند المعارض يمكن تلاقيها
1- برافو
2- ليون
3- مازدا
والصراحة الثلاث عربيات محترمين فعلاً لكن البرافو تتفوق في حاجات كتير جداً عن الباقي يكفي الموتور والتصميم
أنا بس حابب اعلق على نقطة واحدة بس هي الأداء. رغم إن البرافو موتور 120 حصان 2 كامة والليون كامة واحدة و يادوب 102 حصان. الليون بتعمل من 0 ل100 في 11.3 ثانية والبرافو بتعملهم في 9.6 ثانية. كمان عشان توصل للأداء ده أنت عايز تكون سواق محترف وتكون ظابط gear ratios مع حركة النقل بتاعتك وتنقل بسرعة في حالة المانيوال. انما في حالة الDSG أو الDual Logic كل اللي عليك تكبس بنزين. وبرده فرق الأداء مش محسوس قوي دول يادوب 1.7 ثانية تسارع في أحسن حالات التربو ( بنزين 95, هوا ساقع من غير تراب) الleon تأثير العوامل ديه عليها مش هيكون زي الBravo. أنا مرة طلعت من Bravo 120 ماواتير. أنا بس قصدي إنا مش بنتكلم عن عربية بتعمل من 0 ل100 في 13 ثانية و واحدة بتعملهم في 10. لأ ده فرق مش محسوس وفي معظم الحالات في بلدنا في الجو بتاعنا مش هيبان قوي.
فرق 1.7 ثانية مش كبير؟؟؟؟!!!!!
ممكن حضرتك تحسبها بالورقة و القلم كده وتشوفها هتطلع كام متر على سرعة 80 او 100 مثلا
وفرضا انهم حتى هيتساوا فى الطلعة من الثبات (ولو انه صعب جدا حتى لو البرافو مش سواق)
البرافو هتفرق من 80-120 و من 120-160 ولحد ال Top-Speed وبفروق كبيرة كمان علشان التربو وال DOHC
لأ معلش يا جماعة!!!! ما تحاولوش فى السرعة خالص لو الليون هتتفوق فى حاجة يبقى مش السرعة و التسارع خالص....
علي فكرة 1.7 ثانية دول كتير مش قليلين انت كدة سايبة و شارخ
دة غير ان الفرق دة من 0-100 بس بعد كدة الفرق عمال بيكبر!!!!!!!!
و ال9.6 ثانية دول سهل اي حد يجيبهم و لو حريف في 9 ثواني
الفرق بين الموتورين كبير(الt-jet عزم ما شاء الله كبير 206 )
حتة هواء ساقع من غير تراب, اكيد انت عارف ان في فلتر هوا و انتركولر في العربية!!!!!
كان في هنا فيديو لسيريون 1300 طلع من ايبيزا 1600 dsg و سابه و مشي
علي فكرة انا بحب جدا السيات ليون و مقتنع بكل حاجة فيها حتي الموتور, بس انا كنت بوضح بعض النقط.
تحياتي
علي سرعة 100 ال 1.7 ثانية تعمل 47.2 متر بالظبط.....طبعا لما اشد مع عربية و علي ما نوصل ل 100 تكون قدامي ب 50 متر ده فرق كبير بصراحة...و المسافة هاتفضل تكبر لان فرق التسارع بيزيد علي السرعة العالية اكتر...يعني بعد 160 و لحد top speed غالبا الليون مش هايشوف البرافو
في ال1.7 ثانية لو البرافو فضلت ماشياهم على 100 هتقطع 27.2 متر والليون فضلت مشياهم علي 80 هتقطع 22 متر.:dzey: الحسبة ديه مش دقيقة بس تقريبية يعني هايفرقوا عن بعض
5 متر :Oc_sun1[1]: يعني عربيتين.
وده بالكتير.
ماخدناش فالحساب تأثير ظروف البنزين والتراب والحرارة علي التربو. حضرتك احنا كده بنقول لصاحب الموضوع لو عايز تفرق 5 متر هات البرافو اصلها أداء أحلى.
ديه بس النقطة اللي كنت بحاول اوضحها. معلش اسف للاطالة.
على فكرة الراجل هيشتري عربية مش عربية سبق
وأكيد مش هيمشي يشد مع الناس بالطريقة دي
ممكن بس اوضح تأثير العوامل اللى حضرتك بتكررها:
الحرارة: اكيد ال intercooler بيتحسن اداؤه بالهوا البارد بس على السرعات العالية مجرد اصطدام الهواء بيه بالسرعة دى بيولد تبريد اكثر من كافى للعادم قبل دخوله على ال Turbo-compressor
انا مشيت بيها 200 كم/س على طريق السخنة وكنا خمسة غير الشنط و الأطفال و التكييف شغال على 3 والحرارة الخارجية 52 (على ترمومتر العربية)
بس طبعا مقدرتش استحمل السرعة و خفت على اللى معايا و نزلت بالسرعة تانى بعد دقيقتين او اقل
التراب: حضرتك لو شفت حجم الفلتر بتاعها هتتصدم...!!!! اكبر من بتاع التويوتا ميكروباص وعامل زى بتاع النقل كده, كبير جدا على عربية 1400 بس علشان التربو بيخليها تتنفس هوا أضعاف أضعاف ال normal aspirated
عايز كمان اضيف ان العربية بتhandle البنزين 92 كويس جدا (مع انه مش صح و المفروض 95) وكده كده بتجرى بطريقة مستفزة..!!!!
+11111111
السرعة كثيرا ما تكون مقياس لقوة العربية وقدرة الفتيس على استغلالها, بس كلامك معقول:
العزم الكبير المتولد على rpm صغيرة جدا هيفيدك فى ايه؟؟؟؟
محمل وزن كبير, طالع كوبرى او مطلع, غرزت فى رمل او طينة,.....وكده
هنقول تانى و بحيادية شديدة:
الليون تتفوق فى:
- الفتيس: طبعا DSG افضل لكن تأديته كانت هتبقى احسن لو مع TSI مش 1.6 كامة واحدة
مع اعتبار ان فتيس Dualogic رائع الأداء لكن يعيبه احساس النقلات علشان كده فيات عملت TCT او DDCT ونزل فى الألفا و اللانشيا و جاى على الفيات بالتبعية
- التعليق الخلفى: اكيد multi-link انعم واحسن بس بردو لTorsion-Beam شركات كتير لسه بتعتمده فى السيارات الصغيرة و بكفاءة عالية فى الثبات و الأداء
يا جماعة ال Golf mk4 كانت تورشن-بيم و كانت مغناطيس على الأرض و كان ده النظام الأساسى فى ال european best handling GTIs
الستروين C4 مع سباستيان لوب و غيره مقطعة الفورد فوكس ام تعليق مستقل فى الراليات الأوروبية
غير كده البرافو تتفوق فى كل حاجة وده واضح جدا للى هيقارن و يكون fair
واضح ان المازدا خرجت برا المنافسة الي اقتصرت فقط على الليون والبرافو
كده صاحب الموضوع ينزل المعارض ويتفرج على العربيتين والي هاتشده ويلاقي نفسه فيها هي الي يتوكل على الله ويشتريها وربنا يباركله فيها
العربيتين كويسين جداً وإن كان في شوية فروق بتميز كل عربيه عن الأخرى فا دا مايمنعش انهم ممتازين ويستحقوا قيمتهم
انا اسف...حسبتها غلط...هي فعلا 5 متر بصورة تقريبية
مبدئيا لازم نتفق ان احنا بنعمل حسابات تقريبية لان الواقع يختلف و من الصعب قياسه الا بالتجربة العملية...يعني تجيب عربيتين في نفس الظروف و نفس السواق و تثبت كل الظروف و العوامل الخارجية و بعدين تشوف من 0-100 هيفرقوا قد ايه عن بعض...غير كده الحسابات بتبقي تقديرية...يعني مثلا هل التسارع من 0-100 بيتم بصورة تدريجية منتظمة ام لا
لو افترضنا العربيتين بيتسارعوا من 0-100 بصورة منتظمة يبقي ممكن نحسبها كده
هافترض الاول ان البرافو 10 ثواني و الليون 12 ثانية لتسهيل الحساب
البرافو من 0 الي 100 خلال 10 ثوان هتكون متوسط السرعة 50 كم في الساعة يعني
13 متر في الثانية يعني في 10 ثواني تكون مشيت 130 متر
الليون خلال 10 ثوان هتكون سرعتها 90 تقريبا يعني متوسط 45 كم في الساعة يعني
12.5 متر في الثانية يعني في 10 ثواني تكون مشيت 125 متر
يا فندم العفو, و اخجلتم تواضعنا... شكراا على ذوقك و مجاملتك
تقبل خــالص تحيــاتي...
ايه علاقة السيراتو بالموضوع..؟!!!! حد جاب سيرة السيراتو لا سمح الله؟؟؟
و ليه بتقارن بين نظام التعليق فيها و بين اللي في البرافو او اي عربيه تانيه..!!!
حتى لو كان الـSetup مختلف, ده مايمنعش ان النظام غير مستقل, و قديم كتكنولوجي, و رخيص
و بردو فاشل تماماً في مصر... و اظن احنا عايشين في مصر مش في بلد تانيه.. ولا ايه..؟؟؟
باشا... ممكن تقول ان الكلام ده انت بتختلف معايا فيه, لكن مش من حقك تكدبني و تقوللي مش صحيح
لان انا جربت العربيه, مش اتفرجت عليها في معرض, و العربيه اللي جربتها كانت بتاعة زميل
و عضو معانا هنا في المنتدى, يعني مش هنروح بعيد, و بالمناسبه دي احب اقولك انه باع العربيه
و من الناس اللي كانت موجوده اليوم ده و بردو جربت عربيته اللينيا هو احمد يوكو...
رجوعاً لموضوع الفتيس... الفتيس سئ جدااا مش بس متعب, و مش مريح بالمره (ده الوصف الشيك)
مش عارف بردو ايه اللي دخل الكورولا في الموضوع...!!!!!!!
هو عموماً زي ما في ريفيوهات ايجابيه عن الخامات, زي بردو ما في ريفيوهات سلبيه عنها...
و الريفيوهات اللي حضرتك بتقراها دي انا ماليش ادنى علاقه بيها, و اللي اعرفه هو حكمي الشخصي
على الخامات, لان انا مش همشي بشكل اعمى ورا ريفيو ممكن جداا يكون مدفوع الاجر مثلاً,
و اهمل تقيمي الشخصي لشئ انا بس اللي المفروض احكم عليه (من وجهة نظري) لان انا
اللي هركب العربيه لما اشتريها, مش اللي عمل الريفيو, و رأي اللي عمل الريفيو ده خاص بيه هو
و بيعبر عن وجهة نظره هو, مش انا اكيد, و هو حر تماماً طبعاً, و رأيه يحترم, بس مايأثرش
اطلاقاً و بأي حال من الاحوال على رأي انا لان دي في نظري ( عدم ثقه بالنفس )...
و خامات الليون اللي انت شايفها متواضعه, انا شايفها افضل من البرافو بكتييييير...
و عموماً ده رأيك الشخصي اللي انا احترمته و مش معترض عليه, فبالتابعيه لازم تحترم رأي...
الجزء ده كوميدي جدااا, و واضح من كلامك انك اكيد قاصد تخليه كوميدي...
سعادتك بردو مش من حقك تكدبني و تقول اني ماركبتش العربيه... اظن انه مايصحش
و صدقني لو عدت من جنبي طلقه في Straight أو ملف, مش هتلفت نظري اطلاقاً,
و الظاهر ان سبب انبهارك بالعربيه هو الموتور التربو و بتقفل عداد ولا لأ و الكلام ده,
و ده طبيعي جداا على فكره في مرحله معينه...
نتيجة التصويت مش معناها تأييد لأي كلام في صالح اي عربيه, و لو دخلت على اسماء الاعضاء
اللي صوتوا لاي عربيه فيهم هتلاقيهم ماشاركوش في الموضوع برأيهم اصلا, و ده معناه ان العربيه
اللي عجباه (و خلاص) بدون ذكر اسباب هي اللي اختارها في التصويت... و ممكن جداا يكون
سبب اعجابه غير منطقي, او مبني على معلومات غلط مثلا, و بالنقاش رأيه ممكن يختلف...
عموماً هي وجهات نظر... قد نتفق, و قد نختلف... و في الاخر كل الآراء تحترم, و مش من حق
اي حد انه يتهم التاني بالكدب مهما حصل, لان كده النقاش بيخرج عن كونه نقاش مهذب و محترم و مفيد...
تحياتي...
عندي وجهة نظر في الموضوع ده يا وائل باشا, و طبعاً ممكن تكون صح و ممكن تكون غلط,
لكن الاكيد ان فيها جزء صح 100%... و هو موضوع الـDelay اللي في فتيس البرافو...
تجميع البرافو من 0-100 ممتاز فعلا, بس فوق الـ100-120 مش بنفس الشكل,
و تجميع الليون من 0-100 اقل من البرافو فعلاً, لكن فوق الـ120 مع الـDSG حاجه تانيه
خااااالص و الفرق هيجي من الـDelay اللي في فتيس البرافو, و اللي مش موجود اطلاقاً في
فتيس الليون الـDSG, و فرق الـ5 متر دول هيتلاشى تماماً و هيبقوا زي بعض, و ماقدرش
اقول ان الليون هتعدي البرافو لان في عوامل كتيير هتأثر زي السواق مثلاً...
و زي ما قلت, كلامي جزء منه اكييد في رأي و هو الـDelay, و الجزء التاني
بتاع التجميع ممكن يكون صح, و ممكن يكون غلط لان السواق هيفرق اكيييد...
لكن الـDelay اللي في فتيس البرافو ماظنش انه يختلف عليه اتنين...
تحياتي...
الأخ غازى ياريت حضرتك ماتخدش الموضوع كده دى مناقشة عادية وانا مش قصدى اكدبك لاسمح الله
- اللى جاب السيراتو انها افشل نظام تعليق غير مستقل (علشان مش اى حد يعمل اى حاجة)
- ماعتقدش ان فيات واوبل و بيجو و رينو فشلت فى مصر ولا برا مصر!!!!
- الفتيس ممتاز برأى ملاك العربيتين (جراند, ايفو او برافو) و انا واحد منهم.....؟؟!!!
- اللى دخل الكورولا فى الموضوع انها حبت تعمل الفتيس ده وفشلت و التوكيل رجع لقديمه (برده مش اى حد يعمل اى حاجة...ولا ايه؟؟؟)
- انا ما مشيتش ورا ريفيوهات عمياء انا اتفرجت عليها كويس قبل ما اشترى وحضرتك مش هتعرف تجيب تقييم واحد بيقول ان الخامات سيئة او التقفيل سىء
كل اللى هتلاقيه على المواقع المحترمة:
"it is Fiat best offering long time ago"
- حضرتك انا مش مبهور بالعربية ولا حاجة: أهى بقت مرمية تحت البيت او الشغل زيها زى اى عربية جبتها قبل كده
وللعلم انا ركبت احسن منها 100 مرة (الألفا 156 و البى ام 318 e46) و كانت عربيات البيت عندنا
هى دى بس تانى عربية أجيبها من فلوسى بعد الجولف 4 فمفيش اى انبهار خالص سعادتك (مش دى العربيات اللى تبهرنى!!!!!!!!!!!!!!)
انا بس حبيت اوضح بطريقة عادلة المقارنة بين عربيتين و مش عايز حد يزعل منى...
انا معاك بشدة في حكاية الاستطلاع دي
انا مثلا عملت استطلاع عن عربية للمشاوير الصغيرة بجانب سيارة اخري كبيرة في حدود 100-120 الف
http://www.nilemotors.net/Nile/149412-100-125-a.html
و كانت نتيجة الاستطلاع
بيجو 207 http://www.nilemotors.net/Nile/images/polls/bar2-r.gifhttp://www.nilemotors.net/Nile/images/polls/bar2.gifhttp://www.nilemotors.net/Nile/images/polls/bar2-l.gifhttp://www.nilemotors.net/Nile/clear.gif 13 10.32% فيات جراند بونتو http://www.nilemotors.net/Nile/images/polls/bar3-r.gifhttp://www.nilemotors.net/Nile/images/polls/bar3.gifhttp://www.nilemotors.net/Nile/images/polls/bar3-l.gifhttp://www.nilemotors.net/Nile/clear.gif 36 28.57% سكودا فابيا http://www.nilemotors.net/Nile/images/polls/bar4-r.gifhttp://www.nilemotors.net/Nile/images/polls/bar4.gifhttp://www.nilemotors.net/Nile/images/polls/bar4-l.gifhttp://www.nilemotors.net/Nile/clear.gif 7 5.56% نيسان تيدا هاتشباك http://www.nilemotors.net/Nile/images/polls/bar5-r.gifhttp://www.nilemotors.net/Nile/images/polls/bar5.gifhttp://www.nilemotors.net/Nile/images/polls/bar5-l.gifhttp://www.nilemotors.net/Nile/clear.gif 34 26.98% دايهاتسو تريوس http://www.nilemotors.net/Nile/images/polls/bar6-r.gifhttp://www.nilemotors.net/Nile/images/polls/bar6.gifhttp://www.nilemotors.net/Nile/images/polls/bar6-l.gifhttp://www.nilemotors.net/Nile/clear.gif 17 13.49% رينو ميجان هاتشباك http://www.nilemotors.net/Nile/images/polls/bar1-r.gifhttp://www.nilemotors.net/Nile/images/polls/bar1.gifhttp://www.nilemotors.net/Nile/images/polls/bar1-l.gifhttp://www.nilemotors.net/Nile/clear.gif 43 34.13%
الغريب ان الميجان اللي خدت اعلي تصويت مش موجودة خالص في الشارع و ماشفتهاش غير مرتين بس...يعني الناس بتصوت علي حاجة و ساعة الجد بتشتري لنفسها حاجة تانية..و في ناس بتصوت مجاملة...يعني اللي معاه ابيزا يصوت لليون و اللي معاه بونتو او حتي 128 يصوت للبرافو
بالمناسبة الاستاذ غازي كان أول واحد يشرفني بالرد علي الاستطلاع و نصحني الاتي
1- بيجو 207
2- رينو ميجان
3- فيات جراند بونتو
و الحمدلله خلصت في بونتو ايفو من شهر بعد استبعاد البيجو و الرينو لعدم انتشارهم...و بغض النظر عن نتيجة الاستطلاع...انا استفدت معلومات كتير جدا عن كل الموديلات من حيث المميزات و العيوب....في بداية الاستطلاع كنت مقتنع جدا بالبيجو و الرينو و بعدهم التريوس و بعد شهور رسيت علي حاجة تانية خالص و مقتنع انها انسب اختيار لي.
نصيحة لمن يرغب في الشراء...عدم التسرع و قراءة التعليقات بعناية و هتوصل لمعلومات كتير...و في الاخر القرار ليك و لازم تشتري العربية اللي تناسبك انت مش اللي تناسب غيرك
استاذ rosso...
شكراا للتوضيح, و بردو وجهة نظرك تحترم سواء اتفقنا او اختلفنا...
تحياتي...
مش بأقول لحضرتك.....!!!؟؟؟؟ انت اكيد بتتكلم على عربية تانى غير البرافو؟؟؟؟!!!
اسمحلى أفصصلك طريقة عمل ال Selespeed مع ال Clutch عن تجربة مع سيارتين بنفس الفتيس (مع مراعات ان Dualogic اتطور كتير من 2003 لحد 2010)
- الفتيس على السرعات الصغيرة و ال rpm القليلة و التروس الأولى بينقل بال Normal Shift-mode
علشان كده لازم تضغط جامد من الثبات لتحصل على التسارع المطلوب (عكس كلام حضرتك)
- الفتيس على السرعات و ال rpm العالية و التروس الأعلى 4, 5 & 6th بينتقل للوضع ultra-fast shift mode
وبردو حسب دوسة البنزين الدواسة الكهرباء بتفهم الآتى:
ضغطه 60% الفتيس ينقل بوضع fast shift-mode
ضغطة 75% الفتيس ينقل على ultra-quick shift-mode
ولو حضرتك فهمت الكلام ده وسوقت العربية هتعرف:
الطلعة من 0-100 هتحتاج دوسة جامدة علشان تحقق 9.6 ثانية
لكن من 80-120 و من 120-160 باقل مجهود العربية بتنط بسرعة غريبة
دايما الأيطالى تسارعه من الحركة افضل بكتييير من الثبات
عرفت ليه انا قولتلك انك ماسوقتش العربية....؟؟؟؟؟؟؟؟؟؟!!!!!!!!!
العفو يا غازى باشا
و ممكن حضرتك تكون مالحتقش تقيم العربية كويس لما سوقتها
على العموم حصل خير و انا بستفيد من مشاركاتك كتير (مع اختلافى معاك فى بعض الحاجات):satelite:
استاذ ROSSO...
طبعاً شكراا على الشرح, لكن خلينا نفترض ان انا ماجربتش البرافو قبل كده...
صاحب العربيه نفسه اللي العربيه كان بقالها معاه اكتر من سنه تقريباً كان بيقول نفس الموضوع,
و مش كده و بس, ده كان في حوار و موضوع كامل في قسم فيات عن نتشة الفتيس الغير مريحه
للبعض, و الممتعه للبعض الآخر, و الـDelay المحسوس اللي بين النقلات, و تقريباً الكل اتفقوا
على نفس الرأي, و اكتر من مالك للبرافو قال نفس الكلام سواء في المنتدى او بره المنتدى...
هل من المنطقي ان كل دول مش عارفين يتعاملوا مع الفتيس, و بعيداً عن تجاربي السابقه لاي عربيه
او طبيعة سواقتي او اي حاجه من دي, لكن اقدر اقولك اني كنت مدرك تماماً ازاي اتعامل مع الفتيس,
و اقدر اقولك من واقع تجربتي ان فتيس البرافو مش مريح و فيه Delay ملحوظ...
بعيداً عن كل الشرح النظري, لكن التجربه العمليه خير دليل...
و بعيداً عن كون فتيس البرافو فيه الـDelay ده او لأ, لكن لازم نكون متفقين ان الـDSG بيتفوق
و بجداره على الـDualogic, و الـDSG اسرع و يكاد يكون مافيش فقد في العزم اصلاً...
و بردو الاختلاف في الرأي لا يفسد للود قضيه, و في الآخر هي وجهات نظر مبنيه على تجارب...
تحيـــاتي...
لو حضرتك شفت مشاركاتى فى اول الموضوع هتلاقى انى قلت ال DSG افضل من ال Dualogic ....!!!!!
وكمان قلت ان فيات طورت نسخها الخاصة من Dual-Clutch وهى لTwin-Clutch Transmission او Dual-Dry Clutch Transmission
TCT و DDCT بينزلوا دلوقتى فى الألفا Mito-159 و الفيرارى 458
ولكن ال Dualogic مابيهدرش العزم زى ما حضرتك بتقول
و زمن النقلة فى Ultra-Quick Shift mode ممكن يوصل ل 60 مللى ثانية!!!!! ايه بقى ال Delay ده
يعيبه فقط انه محتاج شوية training للتعامل معاه فى التروس الأولى (كعادة الطلاينة فى التعقيد) لكن فى التروس الأعلى no-way كأنه auto عادى او CVT
ويقدر ملاك الأيفو و الجراند و البرافو يفيدونا فى الحته دى
الDualogic مافيهوش أي Torque Losses و فرضا انه فيه Delay على السرعات....طب و بالنسبة للmaximum torque ال 206N.m اللي بيطلعوا عند 2250 لفة و الكبس بتاع الTurbo.
و بعدين ما ينفعش نقارن الDSG بال Dualogic عشان ال DSG ده أحسن جيربوكس من فولكس فاجن و الDualogic أقل حاجة في فيات جروب حاليا...
الصراحه انا عندي في الايفو مش بحس بالنتشه الا بين الاول و التاني بعد كده العربيه بتنقل من غير ما احس اصلا .... و ده طبقا لدوسه البنزين اعتقد من تجربتي ...و كمان النتشه بحص فيها لما اكون على الخامس على سرعه 50 مثلا " علشان بشغل eco" و بعد كده اكبس جامد الاقي العربيه سقطت للتالت و هنا بحس بالنتشه اويي ... لكن لو مثلا العربيه كانت على الخامس و السرعه 80 و بكبس ... بنزل للرابع و النتشه تكاد تكون ملحوظه ... على فكره انا عامل بالعربيه 850 كيلو فقط فأكيد مع الاستخدام هفهم الفتيس اكتر و اكتر ان شاء الله :)
تقبلو تحياتي :)
+111
ده علشان فرق الGear Ratio بين الترسين دول يكاد يكون الضعف
+1
مع الوقت انت هتبدأ تعرف ازاى ماتخليهاش تنتش (دوسه مضبوطة عند rpm معين الجير بينقل بسهولة جدا)
وكمان ال ECU مع GCU هيتعرفوا على طريقة سواقتك علشان يضبطوا الClutch والوصول لأفضل استهلاك للبنزين
مشكلة المازدا 3 الوحيدة هي الموتور والفتيس..
تحس الموتور مش بيطلع كل اللي عنده بسبب الفتيس ال4 نقلات (107 حصان)
اعتقد لو كانت 120 حصان كانت هتكون احسن كتييير...
ارشحلك:
سيفيك (رغم انها مش في الاختيارات)
برافو
ليون
مازدا 3
ملحوظة لو سعر المازدا هاي لاين نزل ل140,000 تكسب...
لو تقدر تقرص على نفسك و تدفع 175000 و تجيب اوبل استرا الجديده
يبقى انت كده جبت من الااااااخر
رأي لصاحب الموضوع لو كان لسه مهتم بالموضوع اصلا:
الليون....ليه؟
قطع الغيار: هي هي بتاعت الجيتا و الجولف و الاوكتافيا (كلها عربيات منتشره و بنشفها) و في مكانيكيا كتييير بره بيصلحوه عربيات مجموعه فولكس و اسال و اطمن في الحكايه دي
الكماليات: تقريبا نقصها زينون و حساسات رجوع و كاسيت تاتش و معتقدش انك هتبقى محتاج اي حاجه تانيه
صناعه و خامات:القطع اوروبي (الموتور مثلا المانيا) تجميع اسبانيا و مكسره الدنيا في التقريرات في اوروبا
التوكيل: مش وحش و لكن ممكن نقول 7 من 10 و هتلاقي مواضيع حركات جدعنه كتير في قسم سيات
عيوب: اعاده البيع طبعا مش زي الكوري و الياباني بس لو مش ناوي تبيع اقبل 5 سنين او اكتر معتقدتش انها هتفرق.....القطع الغير الاستهلاكيه (المرايه و الفانوس) تقريبا تلاقيها ندره (زي البرافو هنا) بعكس قطع الماكنيكا (تيل فرامل, مساعد....)الهتلاقيها في كل مكان للسبب الفوق
اتمنى اكون افدتك
اه السم؟ قطع الغيار ولا المصنعيه ولا المعامله؟
كل حاجة....خش على قسم فيات و شوف...
بسم الله الرحمن الرحيم , والله الراجل دة بيقول كلام ذى الفل ومقارنة جامدة انا افضل الفيات مافيش كلام
مين لسة موجود يرد عليا عربيتى i10
:majd(4):فين الرد فين فين