سماعات من السعوديه - مساعده لو سمحتوا !!

**jemono** · 11-12-2010 02:55 PM

السلام عليكم و رحمة الله و بركاته
كل سنه و انتوا بخير يارب دايما
انا مش هطول عليكم بس باختصار شديد انا عاوز اجيب سماعات من السعوديه واحد قريبى هيبعتها
بس ان اعاوز اعرف ايه افضل ماركة سماعات هناك و اسعار تقريبيه لو ممكن
انا عارف حوار الr.m.s و ال nominal watt
شكرا على وقتكم

**jemono** · 12-12-2010 04:58 PM

مفيش حد يقدر يساعدنى؟

**beetleMOSH** · 12-12-2010 05:22 PM

شوف jbl او pioneer

**ecybrarian** · 12-12-2010 07:24 PM

من السعودية يبقى Alpine

**m7mda7md** · 12-12-2010 07:33 PM

هتدفع كام يا باشا؟

**MBhead** · 12-12-2010 08:05 PM

انا ممكن اقول لحضرتك فكرة بسيطة اعرف ناس كتير بتعملها
في حتت هناك في السعودية اسمها التشليح دي زي جراج كهنة بتتركن فيه العربيات لما تعمل حوادث جديد و قديم
ممكن حضرتك تخلي قريبك يروح حته من دولو يجيب سماعات بتاعت عربيه محترمة مثلا مرسيدس بي ام كاديلاك
لانها حتكون انضف ميه مره و ارخص و غالبا العربيات المحترمة اووي بتبقي سماعتها BOSE امريكي نضيفة جدا جدا و لو عاير كاسيت BOSE او Becker بال amplifier لان الماركات غاليه جدا جدا جدا في مصر
او ممكن تجيب جديد Alpine او pioneer او Sony بس يكونوا اصلي ياباني

**jemono** · 12-12-2010 09:11 PM

اولا شكرا بجد على اهتمامكم و سرعة الرد و المساعده

و على فكره انا رديت على كل رد بس فوجئت انه مش موجود

هو فعلا انضف سماعات اكيد ال jpl و alpine و بايونير انا مش بحبها صراحه

بس قولت اكيد فى مراكه فى السعوديه مشهوره بجودتها

اما موضوع المبلغ انا هجيب سماعتين او اربعه
يعنى الموضوع مش هيتعدى 1000 و برضه مش هتكلم فى حدود

اماكن التشليح دى مش هينفع لان قرايبى شغلهم تقيل جدا و مش فاضيين يعنى هينزلوا يسألو و يشتروا ف نفس اليوم ا ش ا

بس هكلمهم فى الموضوع ده ان شاء الله

و السماعات ال alpine انا اعرف انها امريكى مش يابانى لان عندى 2 بس صغيرين امريكى

متوسط سعر ال alpine ممكن يكون كام ؟ او ال jpl ?

**ahms10** · 12-12-2010 11:59 PM

بص انا مجرب الجى بى ال والالباين والكينود والسونى والبايونير
انضف سماعة كنقاء وقوة rms الجى بى ال
الباين غالية وصوتها كنت متوقعة احسن من كدة كتير لاكن للاسف متفرقش عن السونى
كينود سماعة غير متوازنة يا اما بيز عالى ومكتومة يا اما تريبل عالى ومسرسعة
بايونير سماعة محترمة احسن من فابريكة عربية كويسة حاجة بسيطة
سونى سماعة محترمة جدا وانا محترمها اوى اوى بس الناس بتتعامل معاها غلط للاسف فا بالتالى بتضرب بسرعة

الخلاصة خليك فى جى بى ال محترمة جدا جدا جدا

طبعا كل السماعات الى بكلمك فيها دى فئة الهاى اند لانى الجى بى ال نفسها اللو اند بتعها تعبان جدا وسنى افضل منها

لو مش مستعجل انا ان شاء اللة كمان اسبوع او حاجة هجيب سماعات جى بى ال gto938 وهتبقة سعرها كويس افضل من الاسعار الى بعت بيها قبل كدة
والافضل منها جى بى ال الباور سيريس بس غالية شوية

**jemono** · 13-12-2010 09:53 PM

المشاركة الأصلية كتبت بواسطة ahms10

بص انا مجرب الجى بى ال والالباين والكينود والسونى والبايونير
انضف سماعة كنقاء وقوة rms الجى بى ال
الباين غالية وصوتها كنت متوقعة احسن من كدة كتير لاكن للاسف متفرقش عن السونى
كينود سماعة غير متوازنة يا اما بيز عالى ومكتومة يا اما تريبل عالى ومسرسعة
بايونير سماعة محترمة احسن من فابريكة عربية كويسة حاجة بسيطة
سونى سماعة محترمة جدا وانا محترمها اوى اوى بس الناس بتتعامل معاها غلط للاسف فا بالتالى بتضرب بسرعة

الخلاصة خليك فى جى بى ال محترمة جدا جدا جدا

طبعا كل السماعات الى بكلمك فيها دى فئة الهاى اند لانى الجى بى ال نفسها اللو اند بتعها تعبان جدا وسنى افضل منها

لو مش مستعجل انا ان شاء الله كمان اسبوع او حاجة هجيب سماعات جى بى ال gto938 وهتبقة سعرها كويس افضل من الاسعار الى بعت بيها قبل كدة
والافضل منها جى بى ال الباور سيريس بس غالية شوية

اولا شكرا على السرد الجميل الملخص و المجمل :)
انا عندى سونى بس مشغلها على كاسيت سونى ده فى العربيه بتاعت والدى و الصوت لو و هاى روعه بس على كاسيت سونى يابانى
الخلاصه ان الألباين زيها زى الكين وود
و الجى بى ال جامده فى التفاصيل بس ال لو اند مش قوى فيها يعنى ممكن احتاج صب مثلا او 4 سماعات

طيب هى الرينج بتاع السهر كام لو سمحت؟

**ahms10** · 13-12-2010 10:44 PM

انت تامر يا باشا
السونى انا مجرب السماعات الكمبونانت بتاعتها وهيا 260 وات 60 نومينال وكويسة جدا وغيرتها وجبت الباين type r 100rms وعايز اقولك انى الاتنين واحد
كينود انا مش بحبها خالص ولا سماعات ولا حتة هيد يونت وشايف انى السونى احسن كتير وهنجرى فور باور ودا للاسف الى بيخليها تبوظ وبيخدع الناس
الجى بى ال اوا اى سماعة فى ال لو اند طبيعى انها تكون مش كويسة انا عندى جى بى ال كمبونانت اقل فئة والسونى احسن بمراحل وعندى jbl :
gto937:ودى هيا هيا gto938 ولاكن اتوقف انتاجها وال38 غيروا فيها التويترات لانى ال37 كانت تميل التويترات بتاعهتها للسرسعة شوية
gto938: سماعة محترمة ومتوازنة جدا وغيروا شكلها عن ال37 لانى ال37 كان شكلها غبى شوية ال38 بقا شكلها محترم اوى
p963:طبعا دا اعلى فئة فى الجى بى ال واعلى سماعة وهيا السماعة الوحيدة ال110rms والفركونسى بتاعها واسع جدا عن اى سماعة وفرق سعر كبير طبعا لمجرد انها اعلى سماعة فى جى بى ال ولاكن عايز اقولك انى الفرق مش مستاهل ودلوقتى تويترات الباور وال38 بقوا واحد الفرق فى الباور انى البيز احسن طبعا عشان رق السماعة معمول من شبكة عنكبوتية من الالومنيوم ودا بيدى رنة بيز حلوة والكروس اوفر خارجى ودا بيدى رينج اوسع انما لو مركب صب فا المضوع دا مش هيفرق معاك خالص.