الحمد لله عرفت سبب استهلاك البنزين (نوبيرا وان)
السلام عليكم ورحمة الله وبركاته
حمدا لله على رجوع المنتدى مرة اخرى..والله افتقدتكم كلكم بلا استثناء
كعادة يوم الجمعة لازم اقضيه فى تظبيط وتفكيك وتمحيص العربية
وبالصدفة لما فتحت الكبوت سمعت صوت الهوا البسيط اوى اللى طول عمرى باسمعه بس المرة دى كان زايد شوية وحلفت لاعرف الصوت دا جاى منين
اكتر من ربع ساعة ذل عشان اجيب مصدر الصوت ومش لاقيه وفى الاخر لاقيت خرطوم لاتخين ولا رفيع طوله يجى 10 سم جاى من تحت غطا الموتور ورايح لتحت أخر سلك البنزين(تقريبا اسمها البوابة)...اعذرونى لجهلى فى المسميات
لونه اللى شايفه ابيض ناصع البياض بس بعد النضافة اكتشفت انه اسود كحل(يعنى لونه على حسب نضافة العربية:E_braces[1]:)
طبعا مش باين عليه اى حاجة لما بتبصوا من فوق...بس طلع من تحت مشقوق حتة تيجى 3 سم وبتسرب هوا
وتقريبا مشقوق بسبب الحرارة لانه كان مشقوق والشق داخل لجوة ..قام سادد مجرى الخرطوم
وتقريبا هو ده سر الاستهلاك الزايد للبنزين فى الفترة الاخيرة(200 كيلو فى التانك كله)
ظبطته مؤقتا اى كلام لغاية ما ابقى اشترى واحد
لاحظت ان العربية صوتها بقى هادى جدا و السحب بقى جميل جدا وناعمة
وغير كدة لما باشيل رجلى من على الدبرياج وانا عالغيار الاول او التانى العربية بتمشى لوحدها بنعومة ومن غير تسقيف حتى فى الحمولة الزايدة (كانت الاول بتسقف خفيف ونورها يضعف شوية )
والجديد ان صوت الهوا الخفيف اللى كنت باسمعه من 3 سنين اختفى خالص:wink:
واول امبارح مونت العربية 15 لتر وعملت 130 كيلو من غير ما لمبة البنزين تنور (على غير العادة)
يارب اكون عرفت افيدكم باى حاجة ..و ارد ولو جزء من جمايلكم عليا
