الموضوع: رابطة الاسكندرانية على نايل موتورز

والله العظيم يا باشاا ،، أخدت الفكرة من على لساني ،، خاصةً فكرة العربيات بصورها دي ،، عظيم أنت والله

الأسم : حسام النبوي

السن : 19 سنة

المهنة: طالب في كلية هندسة جامعة الأسكندرية - قسم الهندسة الكيماوية -الفرقة الثانية ..

نوع العربية :شاهين 2006 ،، 1.4 injection engine

صورة العربية : في التوقيع ،، و لكن حالياً هي من غير أي حاجة ملصقات ،، أو لعب ،، مجرد فابريكة متدغدغة نتيجة الحوادث

و قريب أن شاء الله حنزل صورها ..... ،، في معايا صور دلوقتي ،، مش حتبينها أوي ،، بس أهي نواية تسند الزير





طبعاً عربيتي هي الشاهين مش الشيروكي :))) و أنا اللي ساند على الشيروكي من ناحية اليمين :)

والله يا جماعة كان نفسي أحطلكم صورتها أيام مكانت قابلة للتميز ،، كان صحابي يشاورا عليها ،، و ده كان في الصيف ،، و للأسف ملحقتش أتهنى بيها ،، كلوا طار بعد أول لبسة ،، و أول لبسة كانت بعد الديكورات اللي حطيتها بأسبوع ،، حتى الصور اللي أتصورتها مكنتش باينة فيها أوي :((

ملحقتش أتهنى بيها و ربنا ،، كل ده بسبب المصيفين اللي جايين من الجيزة ،، ربنا يسامحهم ،،

بس أنا حقول اللي كان فيها لعل و عسى حتى يكون شافني ..

العربية كانت الأكصدامات الأصلية متشالة فوق السطوح ،، و متركب أكصدامات شاهين جداد "اللي بيتكسرو المعفنين الرخاص دول" و كانو مدهونين أسود مط "مرشوش مش ملزوق أستيكر "

العتب مرشوش أسود مط / طاسات العجل مرشوشة أسود مط / أستيكر أسود مط من تحت الجرايد بتاعت الأبواب ،، و من ناحية الرافرف ،، بمعنى العربية من تحت كلها كانت أسود مط ،، و من فوق أزرق ميتاليك ،، مقابض الأبواب ملزوق عليهم أستيكر كاربون فيبر ،، و اللمرايات ملزوق عليهم أستيكر أسود مط

و كان فيه على الكبود هواية ملزوق عليها أستيكر كاربون و مرشوشة أزرق ميتاليك "كان منظرها فاجر"

الحواجب اللي قدام على الفوانيس "باد بوي" زي اللي في صورة التوقيع بظبط "بس اللي في التوقيع دي أنا عاملها ،، التانية كان منظرها أفجر من كده
و كانت الرموش دي لازقة في الصدر بتاع العربية اللي مسروم عليها لوجو الشاهين ،، مش لازقة في الكبود ،، و كان لونهم أسود مط بردوا ،،

الفوانيس اللي ورا ،، كان عليهم أستيكر أزرق في خطوط سودا ،، و كان ملزق بميل ،، بظبط كأني محدده بحيث يكون متلزق على قطر المستطيل "بتاع الفوانيس" و مغطي من القطر ده لفوق ،،

و طبعاً الطربوش بتاع الجاكمان،، العيرة أياه اللي بيتباع ب 70 جنيه عند أي بنزينة ،، كان مدهون أسود ،، فيه خطين دهان واحد أزرق و التاني أحمر ،، وده الحمد لله ،، أتسسرق :(((((((((((((

العربية أتنشت عين عجيبة ،، بس أن شاء الله أخلص الفحص و أشدها أجمد من الاول