الموضوع: وأخيرا طلع للجنط ال 17 بالونة :))

صحيح برضه يا جماعة أنا نسيت أقول لكم على اقتراح اقترحوه عليا بتوع بريدج ستون انى أحط داخلى لو ماحبتش أغير الفردة

الله ينور ياجماعة انا خلاص كنت قربت اطخ الجنط ال 17 عيارين :))

بس برضه أجيب البديل منين وتكون حاجة كويسة برضه... خدوا بالكم من موضوع النقشة بتاعة الكاوتش

باشا :) عادي انا مغير 2 طقم امامي لحد دلوقتي و ماشي بفرديتين قدام فيهم مش بيضة ديناصور :) لا ديه بيضة تنين :) ههههههههههه والله حبقى اصورهم مخصوص عشان كلمة بيضة الدنياصور الي موتتني من الضحك ديه :)

عادي انا ناوي لما امسك فلوس اغير 4 فرد 225/45 كومهوا برضك عشان السعر بس نقشة التانية ديه و اريح دناغي !

انتا كدة اوفرك نزل الاستبن و امشي بيه و لما ربنا يفتح عليك غير فردة الاستنب و نزلها تاني و يطلع بلونة في الفاردة التانية تروخ مغير و هكذا اصلوا انتا مش حتسلم حتى لو سقت حريص ! هيا نصيب :)

و حمدلله على سلمتك :)

المشاركة الأصلية كتبت بواسطة aaet1

ماهو الموضوع مش بى أم أو غيرها ... الموضوع موضوع جنط، ماهو أنا برضه عمرى ما شفت بالونة من أساسه :))
ولو حبيت أغير أجيب منين وإيه

معلش يا باشا ممكن تفهمنى يعنى ايه الموضوع موضوع جنط قصدك المشكله فى الجنط ال17 عموما ولا فى جنط الكيا اصلى الصراحه مشفتش اى حد اعرفه مركب 17 اتكلم على موضوع البلالين دى دا انا اساسا مكنتش اعرف يعنى ايه بلونه

المشاركة الأصلية كتبت بواسطة can_be

معلش يا باشا ممكن تفهمنى يعنى ايه الموضوع موضوع جنط قصدك المشكله فى الجنط ال17 عموما ولا فى جنط الكيا اصلى الصراحه مشفتش اى حد اعرفه مركب 17 اتكلم على موضوع البلالين دى دا انا اساسا مكنتش اعرف يعنى ايه بلونه

والله ولا أنا لغاية ماجبت العربية دى ولكن يمكن لأننا فى مصر مش متعودين على المقاس ده، وقبل كده وجودة كان منحصر فى عربيات انتشارها مش واسع قوى نتيجة لسعرها العالى ماكناش بنسمع كتير عنه ولكن طبعا المشكلة مش فى كيا ولكن فى حجم الكاوتش والجنط طبعا ... مع الجنط ال 17 ال مسافة اللى محصورة بين الجنط والأرض بتكون صغيرة وبالتالى لو العربية اتهبدت جامد فى حفرة ومع سرعة عالية الجنط نفسه بيقرب من الأرض جدا وبالتالى حرف الجنط بيسبب قطع فى اوتار العجلة من جوه وبالتالى بتتكون حتة ضعيفة فى الكاوتش الهواء بيضغط عليها وبيسبب بروزها لبره وكل ما المسافة بين الجنط وبين الأرض بتوسع كل ما الموضوع ده بيقل
وعلشان كده هتلاقى موضوع البلالين ده برضه فى الجنط ال 16 ويمكن فى ال 15 ولكن بنسب أقل

المشاركة الأصلية كتبت بواسطة aaet1

والله ولا أنا لغاية ماجبت العربية دى ولكن يمكن لأننا فى مصر مش متعودين على المقاس ده، وقبل كده وجودة كان منحصر فى عربيات انتشارها مش واسع قوى نتيجة لسعرها العالى ماكناش بنسمع كتير عنه ولكن طبعا المشكلة مش فى كيا ولكن فى حجم الكاوتش والجنط طبعا ... مع الجنط ال 17 ال مسافة اللى محصورة بين الجنط والأرض بتكون صغيرة وبالتالى لو العربية اتهبدت جامد فى حفرة ومع سرعة عالية الجنط نفسه بيقرب من الأرض جدا وبالتالى حرف الجنط بيسبب قطع فى اوتار العجلة من جوه وبالتالى بتتكون حتة ضعيفة فى الكاوتش الهواء بيضغط عليها وبيسبب بروزها لبره وكل ما المسافة بين الجنط وبين الأرض بتوسع كل ما الموضوع ده بيقل
وعلشان كده هتلاقى موضوع البلالين ده برضه فى الجنط ال 16 ويمكن فى ال 15 ولكن بنسب أقل

يا باشا ربنا يخليك على الشرح الجميل

شكلها كده هترسى على جنط 15 فى الاخر اصلى بفكر اجيب كوب بس شكلها كده مش هتيجى اصلى خبير فى اصطياد النقر والبلعات واللازى منه