الموضوع: وأخيرا طلع للجنط ال 17 بالونة :))

طب فيه موضوع تانى صاحبه قال انه ركب مقاس 17 بس 235/45 ياترى ده فيه مشكلة وهيفرق ولا ؟

المشاركة الأصلية كتبت بواسطة can_be

يا باشا ربنا يخليك على الشرح الجميل

شكلها كده هترسى على جنط 15 فى الاخر اصلى بفكر اجيب كوب بس شكلها كده مش هتيجى اصلى خبير فى اصطياد النقر والبلعات واللازى منه:10d5c8w1107:

هههههههه ياباشا احب ابشرك انا كان معايا اوبتر والجنط 15 والحمد لله طلعلى بيضه تنين قبل كده فى الكاوتش
ياجماعه البالونه دى بتطلع بسبب شوارعنا الجميله والمطبات اللى الحمد لله بقت جزء لا يتجزأ من جوده الاسفلت
وبالنسبه للبى ام حضرتكم اللى بيركب البى ام بيبقى ماشى زى اللى ماشى فى طريق مليان شوك وهو حافى :)
يعنى بينقى الطريق بتاعه وده عن تجربه والله عشان كده نادر لما تسمع موضوع البلالين على البى ام لكن هوا موجود

المشاركة الأصلية كتبت بواسطة damneder

هههههههه ياباشا احب ابشرك انا كان معايا اوبتر والجنط 15 والحمد لله طلعلى بيضه تنين قبل كده فى الكاوتش
ياجماعه البالونه دى بتطلع بسبب شوارعنا الجميله والمطبات اللى الحمد لله بقت جزء لا يتجزأ من جوده الاسفلت
وبالنسبه للبى ام حضرتكم اللى بيركب البى ام بيبقى ماشى زى اللى ماشى فى طريق مليان شوك وهو حافى :)
يعنى بينقى الطريق بتاعه وده عن تجربه والله عشان كده نادر لما تسمع موضوع البلالين على البى ام لكن هوا موجود

والله انت هتشككنى فى نفسى انا لما هاروح هشوف العربيه فى بلاللين ولا لا بس انت عارف المشكله بالنسبالى خايف قوى من الموضوع ده علشان مش عايز كل شويه اغير فرد كويتش وانا بسمع ان الفرده بى 1000 جنيه فبجد بجد مش عارف اعمل ايه انا بس لو اعرف الحل ايه ولا مثلا فى نوع نضيف حتى ولو غالى اجيبه ونخلص من الموال ده هستريح بجد

اصلى بينى وبينك عجبنى الكوب جدا بس النقطه دى الى واقفه قدامى ومخليانى مش عارف اخد القرار:b4_611:

أمبارح وبناء على نصيحة الكتير من حضراتكم غيرت الفردة وخليتها استبن ويارب ما أحتاجوش فى يوم
المهم وأنا عند بتاع الكاوتش كنت بسأله على فرد كويسة 17قالى على النكسن وقالى ان جنبها أقوى بكتير من الكومهو وبيقول ان الدفعات الجديدة من السيراتو تقريبا هتكون نازلة بيها، وسعر الفردة 690 جنيه
إيه رأى حضراتكم فى الكلام ده؟