السلام عليكم ممكن الاعضاء يفيدونا عن اسعار وانواع هوندا ريبل 250 وهل هى كويس لانى دخلت على site Honda ,ولقيت منها انتاج 2010 ب 3000 دولار هل قطع غيارها متوفرة وهى طبعا تبريد هوا بس نعرف ايه مميزاتها وعيوبها
عرض للطباعة
السلام عليكم ممكن الاعضاء يفيدونا عن اسعار وانواع هوندا ريبل 250 وهل هى كويس لانى دخلت على site Honda ,ولقيت منها انتاج 2010 ب 3000 دولار هل قطع غيارها متوفرة وهى طبعا تبريد هوا بس نعرف ايه مميزاتها وعيوبها
ممكن صورة للريبل و انا كنت اسمع ان الناس مابتحبش الريبل
ممكن يا خالد تفيدنى اكتر انا ما طلبتش صور لانى عارف الشكل بس مواصفات تقنية واسعار واسعار قطع غيار وتستحمل ولا واخر سرعة فيها كام
محدش هنا ولا ايه وبتقولوا المنتدى نايم ليه ممكن علشان الجو برد
محدش يعرف حاجة عن الريبل ولا ايه
السلام عليكم الاول
هى مكنه ممله شويه بس تتمتع بثبات رهيب والمحرك بتعها بينتج عزم اكتر من سرعه
اما بنسبه للسعر هى مش غاليه واحد صاحبى جيبها من 4 شهور كانت ب9000 جنيه وحالتها ممتازه هو عدا سعرها من 9000 الى 12000 جنيه
واقولك على حاجه كمان كان فى واحد عارض ربيل للبيع 250 cc وبيقول حاله جيده جدا وموتور مش حالل وطالب فيه 7500 جنيه
على مصراوى بس الاعلان قديم من يوم 5/12
يعنى افراج وموديل حديث ممكن تعمل 10000 مثلا ولا ايه
بص هسألك وقولك
هاستنى ردك عليا
لسه مفيش رد
نصيحه بلاش ريبلالا لو جبتها ب 7000 - 8000 وتكون حالتها ممتاااااااااااااازه غير كده بلاش
انت روح اتفرج عليها وشوفها حجمها صغير جدا (يمكن بالنسبالي ) ومفهاش وسيلة تبريد يعني كانها صيني
وشكل الماتور والبايك صيني يعني تروح تجيب بايك صيني احسن وزيرو وعلى الاقل قطع غياره موجوده
خليك في الاستيد 400 وعلى فكره في واحد في مصراوي عارضها ب 11 الف جنيه ديه حلوه بس شوف حالتها
طيب لو هنتكام على ريل 250 ولا استيد 400 من حيث الاداء وقطع الغيار والسعر لو افراج نرشح ايه انا شوفت استيد 400 عندنا فى بورسعيد عاملة 17000 افراج طبعا ده كتير شوية ولا
اكيد قطع الغيار موجوده للأتنين اصل حتحتاج قطع غيار ايه ؟؟؟ فانوس فلاشرات جدون مقابض ؟؟ ممكن تركبه صيني
ورق دبرياج ؟ فلتر زيت ؟ فرامل ؟ سلك دبرياج ؟ جنزير ؟ كله موجود
كهربا؟ دينامو ممكن يتلف ومارش يتصلح ويتلف - ريكتيفير ؟ بوبينه ؟ كل ده تلاقيه بسهوله
هيا المشكله هنا في الحجم والشكل
وبالنسبه للأستيد ال 400 ب 17 افراج ده سعرها فعلا
انا بسأل للمعرفة فقط انا معايا سوبر فور 400 بس هاتتباع علشان زنقة بسيطة وبفكر اجيب حاجة اخرها عشرة
ياراجل معاك cb4 400 وعايز تنزل لمستى قليل قوي كده ههههههههههه حرام عليك ده انت حتكره نفسك
اصدقك تنزل لمستى قليل لاكن مش 250 خالص
بصراحه موتوسيكل تعبان ومنصحش حد بركوبه خالص
الرأى رايكم اجيب ايه على قد فلوسى انصحونى معلش ان اضطررت للبيع علشان الفلوس وسوبر فو مقعدش معايا شهرين وكانت حالته جميلة بس ده ظروف حصلت غصب عنى الوقتى اقدر اجيب 10000 اجيب بيهم ايه معقول لان المبلغ على حد علمى اجيب cbr 250 حالته زفت صح
لو عندك امكانية تقسيط ممكن تشوف اي حد عارض استيد ب 14000 ولا حاجه واديله 10 وقسط ال 4 اغلبهم بيوافق لان السوق نايم بعدين انا مش قلتلك في واحد عارض استيد 400 في مصراوي على 11 كلمه وشوفها حالتها ايه
أنا كان معايا واحده سيستم أمريكي والمكنه دي روعه فوق الوصف ثبات وسرعه ومناوره وتجميع وكنت بأدي بيها عالطريق مع سي بي أر 250 والله وكانت بتقول معاه بس إنت عارف الفرق طبعا بين الإتنين سلندر والأربعه عشان كده السي بي أر كانت بتتفوق على الريبل بس والله كانت مكنه روعه
في واحد يا باشا عنده ريبل سيستم أمريكي إفراج في معرض إسمه إبراهيم أسعد
وده رقمه 0122637197 بعد إذن الإدارة طبعا
طب كمل كمان 2000 وجيبلك حته 250 عادة استعمال نضيف وريح نفسك ومش هتحس بفرق كبير هوا فى فرق بس مش للدرجه
المشكلة يا خالد فى الفلوس وطبعا مقدرش استنى علشان اجيب cbr وانا مقتنع ان الريبل صغيرة وشكلها عجيب شوية بالمقارنةباللى كنت راكبها بس مش احس ما اجيب صينى
على فكره الربيل مش وحشه قوى كده لدرجه دى هى مكنه كويسه وبرده يابانى فى الاخر على فكره الافراج بتعها بيعمل 10000 جنيه بس صعب تلقى افراج دلوقتى عشان السوق نايم شويه وهى مكنه ندره شويه مش اى حد بيشتغل فيها وعلى فكره ممكن تجيب cbr 250 ب10000 جنيه حاله كويسه مش تعبانه زى ما بتقول ان شوفت 250 cbr با10000 جنيه وحالتها كويسه جدا
انا عندنا فى بورسعيد اقل حاجة تجيبها افراج cbr 250 r تعمل 11 تعبانة ملة او 14 حالة العامة كويسة ومش ممكن تلاقى مستعمل الا حالل موتور وانا عارف الميكانيكى اللى بيشتغل فيهم علشان كده بقولك هتبقى تعبانة جدا
لا بقى تعال عندنا وهتلقى حاجه حالتها كويسه انا ولله كانت قدامى مكنه 250 cbr وكان صاحبها عايز 10500 بس كانت عايزه مرايه وتيل فرامل
ياعم إسمع كلامي وروح إتفرج على الريبل دي يمكن تعجبك مطلوب فيها 10 وممكن تنزل معاه 500 ولا 1000 وانت وشطارتك والمكنه إفراج وحالتها ممتازه
وده رقمه بعد إذن الإدارة 0127267387 محمد سعيد
خلاص روح لابراهيم زى ما بقولك الاستاذ نور وشوف المكنه الى هناك وعلى فكره انا اعرف الاستاذ ابرهيم اسعد راجل محترم وجد وملوش فى الحوارات
ازيك يا خالد الاول عشان انا متابع لكل التوبيكس بتاعتك ... بص انا مش سويق انا بقالى شهرين بس بسوق لكن جربت اجرى بية جاب لغاية 130 كم و عدادة 140 كم .. انا اصلا كنت بتنفض من الرعب بس عشان مجنون عربيات ف قلت اجرب بالموتوسيكل اهى موتة ولا اكثر ... و ربنا يحفظنا كلنا ... نهارك لذيذ :)