مهـــــــــــزله المرور......... مستمره لشهر اغسطس..!!!

مش عارفه اقووول ايه غير حسبى الله ونعمه الوكيل فى كل مسئولين المرور وووومديرى الوحدات وكل الوسطه وكل الرشاوى باختصار منهم لله

قمه السخافه والاستهزاء بالناس

اللى يروح يرخص عربيته نصيحه لو مش معاه وووووواسطه جامده وداااافع كويس ميتعبش نفسه ولا يشترى عربيه ولا يروح يدور على نمر قبل شهر اغسطس

من تجربتى مدير الوحده اللى انا برخص فيها بيبيع النمر بالجمله لناس يعرفهم واللى بيشتريهم بيبعهم قطاعى وكله بثمنه يعنى كل ما نحاول نقول لسا فيه خير فى البلد يكرهونا فيها بالغصب

مش مصدقه ان الحياه وصلت لحد كده والفساد بئه بالشكل ده ناس مخلصين فحص سياراتهم من شهر يناير لسا مستلموش لوحات ..........

ويعنى يادموع هو المرور بس اللى بيعمل كدة مهى منظومه فساد متكامله على اعلى مستوى
ياجدعان قنلا قبل كدة المواطن المثالى لهذة الفترة بلطجى ومعاة سلاح ومستود او مسنود او معاة فلوس
دة مواطن مثالى
ويبقى باشا لو مثلث الزمن الجميل اكتمل بلطجه مسنود معاة فلوس
وبيحلو يخلونا معندناش ضمير الرشوة بقت امر مسلم بيه وبعد مكانت بتتاخد فى السر واحتياطات لحد يشوفهم دلوقتى بقت علنى والله فى مرة هخش مصلحه حكوميه هلاقى ضريبه مبيعات ورسوم طوابع بريد ورسم رشوة
او بدل رشوة للموظف
بنترخص برشوة
بنشيل مخالفاتنا برشوة
بنجيب الرخص اللى اتسحب برشوة
ياجدعان دة احنا بندفع رشوة علشان ندفع الفلوس فى المصالح الحكومه يعنى بدفع رشوة علشان ادفع فلوس منطق غير طبيعى
دكتور جامعه مرتبه فى الشهر 300 جنيه وبيقله تعمل ابحاث ومراجع
الدكتور رايح الجاعه بالاتوبيس ونص الطلبه بتوعه رايحين بعربيات والدكتور مطلوب منه يلبس كويس ويطور المناهج ويطلع جيل جديد للمجتمع ب 300 جنيه انا لو منه يبقى $%^%$^%$ المجتمع على اللى فيه وهيدى دروس ويبيع الامتحانات او يموت مقهور
والامثله كتييييييييييييييييييييييي ييير
يعنى مش مرور بس
الدكاترة كذك
متخلوناش نتفتح بقى فى كلام ولا هيودى ولا هيجيب

ربنا يكرمك يا عم انا المفروض اروح اغير النمر فى اخر شهر 5 فا انت طمنتنى بصرااااااااااااااااحه :d

بجد والله الرشوه بقيت لغه العصر

بس مقولتش المبلغ المطلوب كام يعنى كتير ولا قليل ؟؟؟؟

الهيروح يركب نمر جديدة فى المرور يعمل حسابه انه يكون ملحلح ويخلص نفسه من 300 إلى 500 جنيه لأمين شرطة (ده حصل مع كام واحد من اصحابى)

يبقى انتى اكيد فى مصر

اقتباس:

---

المشاركة الأصلية كتبت بواسطة دموع الثلج

مش عارفه اقووول ايه غير حسبى الله ونعمه الوكيل فى كل مسئولين المرور وووومديرى الوحدات وكل الوسطه وكل الرشاوى باختصار منهم لله

قمه السخافه والاستهزاء بالناس

اللى يروح يرخص عربيته نصيحه لو مش معاه وووووواسطه جامده وداااافع كويس ميتعبش نفسه ولا يشترى عربيه ولا يروح يدور على نمر قبل شهر اغسطس

من تجربتى مدير الوحده اللى انا برخص فيها بيبيع النمر بالجمله لناس يعرفهم واللى بيشتريهم بيبعهم قطاعى وكله بثمنه يعنى كل ما نحاول نقول لسا فيه خير فى البلد يكرهونا فيها بالغصب

مش مصدقه ان الحياه وصلت لحد كده والفساد بئه بالشكل ده ناس مخلصين فحص سياراتهم من شهر يناير لسا مستلموش لوحات ..........

---

لو متأكدة 100% ابعتى شكوى لمكتب لرئيسه و لرئيس رئيسه حتى لو وصلتى لمكتب الوزير، ما ينفعش نسكت عن حقنا و نشتكى. و صدقينى مش كلام و خلاص، انا رخصت فى حياتى 4 عربيات و نقلت ملكية 2 منهم اخرها الشهر اللى فات و اتعاملت مع كذا مرور و مشيت كل حاجتى من غير واسطة و من غير رشاوى، اللى كان بيفرق معايا انى ما باسكتش و مابزهقش و ما باستسهلش و مرة فعلا رحت وزارة الداخلية و اشتكيت و خدت حقى

اقتباس:

---

المشاركة الأصلية كتبت بواسطة دموع الثلج

مش عارفه اقووول ايه غير حسبى الله ونعمه الوكيل فى كل مسئولين المرور وووومديرى الوحدات وكل الوسطه وكل الرشاوى باختصار منهم لله

قمه السخافه والاستهزاء بالناس

اللى يروح يرخص عربيته نصيحه لو مش معاه وووووواسطه جامده وداااافع كويس ميتعبش نفسه ولا يشترى عربيه ولا يروح يدور على نمر قبل شهر اغسطس

من تجربتى مدير الوحده اللى انا برخص فيها بيبيع النمر بالجمله لناس يعرفهم واللى بيشتريهم بيبعهم قطاعى وكله بثمنه يعنى كل ما نحاول نقول لسا فيه خير فى البلد يكرهونا فيها بالغصب

مش مصدقه ان الحياه وصلت لحد كده والفساد بئه بالشكل ده ناس مخلصين فحص سياراتهم من شهر يناير لسا مستلموش لوحات ..........

---

معذرة لصاحبة الموضوع
ولكن لا يجوز التعميم بهذا الشكل وإطلاق كلام مُرسل، إذا كانت لديك حقائق ومعلومات مؤكده فاتخذي مايُمليه عليكي ضميرك بالإبلاغ عن هؤلاء !!!

اقتباس:

---

المشاركة الأصلية كتبت بواسطة وائل عطية

معذرة لصاحبة الموضوع
ولكن لا يجوز التعميم بهذا الشكل وإطلاق كلام مُرسل، إذا كانت لديك حقائق ومعلومات مؤكده فاتخذي مايُمليه عليكي ضميرك بالإبلاغ عن هؤلاء !!!

---

يا وائل بيه انا مش محتاجه افترى على الناس دى دول مفتريين لوحدهم ربنا ياخدهم ده اولالا

وثانيا بئه انا الكلام ده من تجربه شخصيه طبعا ولسا كنت انهارده فى المرور برخص لعربيتى وطبعا شفت العجب العجاب ووو سمعت العجب برضوه

والكلام بتاع مسؤلين الوحدات والظباط ده عن تجربتى ومش عاوزه اتكلم اكثر لانى مش حابه احكى تفصيل اللى حصل ولا اقول رتب الناس اللى شغاله فى كده وعندى سمائهم وارقامهم كمان

باختصار بئه مصر دى خلاص انتهت ومحدش يقولى انى مش بحبها بالعكس لكن بالشكل ده لازم اكرهه

ربنا يطمنك يا دموع :(

انا بقول اروح اجيب هدية لخالى و ادعي ربنا يطول ايامه فى الشرطة و يمدوله الحركة

الجاية p:

نيييييييييييييييههههههههه

باختصار بئه مصر دى خلاص انتهت ومحدش يقولى انى مش بحبها بالعكس لكن بالشكل ده لازم اكرهه
( اقتباس )

بصراحة يا اختنا العزيزة اكرر كلماتى بأن مصر ليست هؤلاء الاشخاص المرتشين فمصر الدولة غير مصر الافراد والحكومات ، والمرتشين ليسوا فى مصر وحدها بل فى كل بلاد العالم
واتفق فيما قالة الاخ وائل عطية بأنة يجب عليكى ابلاغ المسئولين بما حدث لكى اذا كان لديكى الدليل الكافى لهذا الامر وارجوكى عدم السكوت على امثال هؤلاء المرتشين هداهم الله
وهدى من روعك لانه من الواضح انهم فعلا اجبروكى على هذه العصبية ومعكى كل الحق بأن هناك مرتشين يتواجدوا فى كل مكان ولطيبة قلوبنا نغض النظر عنهم حتى لا نؤذى ابناءهم معهم 0
ولى قصة طريفة وبسيطة وهذه تؤيد وجهة نظرك واحكيها وانا خجلان من نفسى لسردها ، وهى اننى عندما قمت بأصدار رخصة السيارة طلبت منى موظفة بالشباك ان اعطيها لكى تنهى معاملتى وسبب خجلى اننى ولاول مرة ارى امراة مرتشية ! صحيح لم تطلب غير 20 جنية ولكنة المبدأ وهذا ما احزننى ان تطال الرشوة السيدات ايضاً