الموضوع: الدنيا برد

المشاركة الأصلية كتبت بواسطة most_h

الموضوع وما فيه ان الفكرة العامة عن المحاسبين والادريين انهم طبيعة عملهم بتكون فى اماكن مغلقة على عكس مهن تانية

بس مش اكتر :ob_mak1[1]:

لا يا باشا الحكاية مش تكييف و مكتب خالص

الباشا المحاسب لما تروح تاخد منه عهدة يقعد يفاصل معاك زي ما تكون هتاخد عيل من عياله مع ان مدير الشركة ادله امر واضح و صريح انك تسحب العهدة اللي محتاجها موقعك ....
حاجة كمان لما تبعتله ميل باسماء الفنيين و العمال آخر الشهر عشان قبض الناس يصوت من ان بعض الفنيين يومياتهم 100 جنيه أو اكتر و بكل غلاسة و عدم فهم يقولك " يا هندسة ده كهربائي 100 جنيه ليه يعني .... هوه بيعمل ايه ؟"
تقوله ده فني كنترول و شغله حساس يقولك ما انت موجود يا هندسة و بتستلم منه لو غلط اعمله جزا .... قال يعني انا هقعد اراجع و استلم من 40 فني .....
كمان يقولك انتوا يا مهندسين متدلعين على الآخر عربية و سكن و موبيل على حساب الشركة , و تحت ايدك 150 فرد تشغلهم بدماغك ......
تعالى بقى صفي عهدة يا باشا .... تلاقيه مش فاضي ... و لما يفضى يمسك العهدة و يحاول بأقصى طاقته و جهده يلبسك اي حاجة فيها .... الاكراميات دي كتير , ده بيان مش فاتورة , ........ أي فيلم و خلاص

و ده حصل معايا من محاسبين كتير في 6 شركات اشتغلت معاها .. يعني مش حالة فردية لا همه طبيعتهم كده ..