عملت حدثة

**Bishoy.Girgis** · 12-12-2010 07:46 PM

المشاركة الأصلية كتبت بواسطة mok3336

يا رجالة عاملين إية
أنا كنت نازل من البت متأخر أنهردة و عملت حادثة جامدة
1- الفانوس أتكسر
2- الإكصدام أتكسر مبقاش ينفع
3- قربة المية أتكسرت
4 - الرفرف أتعوج
5- خبطة في الكبوت

فأنا كنت عايز منك لو سمحتوا سعر الحجات دي
الفانوس الأمامى كامل
الإكصدام أمامى
قربة المية
لو سمحتوا عشان انا نفسيتي زى الزفت

بس سؤال : دلوقت قربة المية أتكسرت خالص و مفيش أى ميه هل أمشي بالعربية عادي ولا أعمل إية ؟؟؟

معلش يا mok المهم ان انت بخير و انا عارف ان الموضوع صعب عليك خصوصا ان انت بتقسط لكن متزعلش ان شاء الله الموضوع هيتلم و كله هيبقي تمام.
بص انت كده لو هتشتري القطع ديه من التوكيل يبقي كده بنتكلم في :
فانوس امامى كامل=900
اكصدام امامى = 1000
رفرف امامى =800
قربة مياه = 250
يبقي كده المجموع 2950 غير 10% ضريبة مبيعات
و طبعا في سمكرة و دوكو و فك و تركيب يعني ممكن كله يقفل علي = 3700 جنيه
طيب لو هنتكلم في التايواني و برده هيبقي مش وحش :
الفانوس الديبو = 270
اكصدام = 320
الرفرف حاول انك تسمكره لو ينفع
قربة مياه من التوكيل = 250
فك و تركيب الحاجات = 100
سمكرة = 50
بوية الدوكو = 100 جنيه و الرش = 100
يبقي كده بنتكلم كله حوالي = 1200 جنيه و يمكن اقل حاجه بسيطة

طبعا الي كتبته ده في حالة ان العربية زي ما انت قولت كده في حالة ان مفيش اي حاجة تانية

علي العموم قدامك الرأيي و خد قرارك و طمنا اول بأول و ربنا معاك

**MOK3336** · 12-12-2010 08:40 PM

طيب أنا لو ركت الحجات دي تيواني هل العربية كده تطلع من الضمان ..؟

**egypt0777** · 12-12-2010 08:42 PM

متخفش يا عم لا حتطلع من ضمان ولا حاجة

**MOK3336** · 12-12-2010 08:50 PM

طيب يا رجالة دلوقت أمشي بالعربية أزاى و قربة الميه مكسورة ؟؟؟
وبعد ما أعمل التصليحات دي أتأكد أزاى أن الخبطة ملهاش تأثير علي حاجة ثانية
معلش تعبكم معايا

**Bishoy.Girgis** · 12-12-2010 09:23 PM

انت الاول خبطت في ايه و الخبطة نفسها كانت من اي ناحية من الجنب ولا من الامام
ثانيا هو الخوف بس ان الخبطة تكون اثرت علي الشاسية لو الخبطة جامدة
علي العموم انا ممكن اقولك علي حاجه امشي بالعربية عادي لغاية اي سمكري محترم يشوف هل الشاسية اتأثر ولا لأ
و لو انت ماشي بالعربية و مؤشر الحرارة اترفع عن الطبيعي يبقي متكملش احسن

**MOK3336** · 12-12-2010 09:49 PM

المشاركة الأصلية كتبت بواسطة peaceman

انت الاول خبطت في ايه

في عربية كانت قدامي
أنا كنت ماشي في حارتي عادي وهو كان يمين و أنا شمال فجأه لقيته نط قدامى

المشاركة الأصلية كتبت بواسطة peaceman

و الخبطة نفسها كانت من اي ناحية من الجنب ولا من الامام

هي الخبطة بالظبط جات في بوذ الشنطة عند و دخلت عندي في الرفرف و الفانوس و قربه الميه

المشاركة الأصلية كتبت بواسطة peaceman

ثانيا هو الخوف بس ان الخبطة تكون اثرت علي الشاسية لو الخبطة جامدة

هي تقريبا ايلي أتأثر من الخبطة
الإكصدام
الرفرف
شنب الشاسية ايلي شايل الرفرف

المشاركة الأصلية كتبت بواسطة peaceman

و لو انت ماشي بالعربية و مؤشر الحرارة اترفع عن الطبيعي يبقي متكملش احسن

واحد صحبي قالي أنت سد الخرطوم بتاع القربة ايلي موصل للردياتير و أملي الردياتير قبل ما تمشي

**aiman0173** · 12-12-2010 10:35 PM

قدر الله وما شاء فعل وربنا ييسر لك الحال والموضوع يتلم بأحسن شيء وفي أضيق الحدود
انا رأي بلاش تمشي بالعربية من غير القربة لأن محدش عارف ممكن تأثر على أيه وحاول تشتري القربة الأول وركبها وبعد كدا ممكن تتحرك بالعربية ورأي زي ما قال الزملاء انك تيجيب القطع التانية تايواني لأنها مش هتفرق كتير ومش هتأثر على كفاءة العربية في شئ دا فضلا عن ان تكلفتها اقل بكتير من التكلفة اللي في التوكيل وربنا ييسر لك الحال وابقى طمنا

**MOK3336** · 13-12-2010 11:22 AM

يا رجالة أيه رأيكم لو أشتريت الحاجة من التوكيل و عملت سمكرة و دوكو برة ؟؟؟
ولا أشتري الحاجة من برة و أعمل الشغل بره برضة ؟؟؟
ولا أعمل كل حاجة في التوكيل و أمري لله
و أنهي أفضل في كل الحالات دي
ملاحظة : أنا مأمن علي العربية

**MOK3336** · 13-12-2010 01:15 PM

يا جماعة معلش خليكم معايا عشان انا تعبان جدا بجد
دلوقت أخونا حسام smsm سئلي في الاسكندرية ملقاش اى قطع غيار للعربية
لاقربة و لا اكصدام و لا فانوس ؟؟؟ اعمل ايه بقي
و معلش سؤالي تانى
في حالة لو ملقيتش القطع دى غير في التوكيل اشتري الحجات دى من التوكيل و أودى العربية لسمكري بره
ولا اخليها كلها في التوكيل و خلاص
عشان تعبت جدا

اه اه نسيت اقولكم حاجة و أنا نازل أنهرده الصبح لقيت الغطا بتاع العربية مسروووووق

**Magdy_press** · 13-12-2010 02:13 PM

المشاركة الأصلية كتبت بواسطة MOK3336

يا رجالة أيه رأيكم لو أشتريت الحاجة من التوكيل و عملت سمكرة و دوكو برة ؟؟؟
ولا أشتري الحاجة من برة و أعمل الشغل بره برضة ؟؟؟
ولا أعمل كل حاجة في التوكيل و أمري لله
و أنهي أفضل في كل ال[OVERLINE]
حالات دي
[OVERLINE]ملاحظة : أنا مأمن علي العربية

يا أخي الحبيب إيه إللي انت عامله ده !!؟؟
لما انت مأمن على العربية إيه لزوم الكلام ده كله
ما تروح تصلح في التوكيل على حساب التأمين بدل القلق ده كله
انا مش شايف مشكلة والموضوع سهل طالما انك مأمن
يبقي ليه توتر نفسك وتبحث عن التقليد والسمكرية وبره التوكيل وقلق من غير داعي
هو انت عاوز توفر لشركة التأمين ولا إيه ؟؟

الموضوع: عملت حدثة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عملت حدثة بالعربيةوربنا نجانى وعاوزمساعدتك

عملت حدثة

يا جماعة عملت حدثة ومشكلة كبيرة جدا - ساعدوني في الحل

الحمد لله عملت حدثة - الله يخرب بيت فرامل اللانوس

عملت حدثة انهردة

الكلمات الدلالية لهذا الموضوع

المفضلات

المفضلات

ضوابط المشاركة