تركيب مثبت سرعة

**diabloegypt1** · 12-12-2010 12:39 PM

السلام عليكم

ياريت حد يدلينى على تكلفة تركيب مثبت سرعة للرينة سينيك 2006 وهل ممكن ولا لأ

**ecybrarian** · 12-12-2010 01:32 PM

انا ماعرفش السينيك نظامها ايه..انما في الميجان التكلفة كما يلي (اقل او اكثر) دا طبعا في حالة تواجد ضفيرة المثبت
طارة بزراير المثبت والايرباج = 2200 استيراد جلد اسود
شريط ايرباج = استيراد 800 وجديد 1550
زرار تشغيل مثبت+طبة + وش = حوالي 500 جنيه جديد
تشغيل المثبت من على كمبيوتر العربية = ماتتعبش نفسك وروح للتوكيل او فرنش موتورز..غير كدا كل إللي عندهم كمبيوتر ميجان حافظين ومش فاهمين حاجة اصلا..لأ وعاملين مهندسين وبيتنططوا كمان..عموما المثبت في الكمبيوتر اسمها cf-150 او clip function 150

**osamasindbad1** · 12-12-2010 03:39 PM

الله ينور عليك والله احنا تعبنا من السؤال ازاي نركب المثبت ده واخيرا حد جاوب علينا. بس تعرف لما تحسبها كده يبقى الواحد لما يشتري مستعمل يبقى يشتري الهاي لاين فرش جلد ومثبت سرعه لانها مش بتفرق كل ده عن فتحة السقف وفرش عادي عشان كده انا حاسس اني غلطت اني ما اشتربتش العربيه كامله من الاول وحاسس بالندم لكن بعد ايه بقى انا اشتريتها موديل 2006 فتحة سقف فرش عادي ومفيهاش مثبت بس حالتها كويسه ب 70000 لو انا اشتريتها كامله ما كانتش ها تفرق اكتر من 5000 وفيها الفرش كمان دي نصيحه للي عايز يشتري بعد كده يبقى ياخد باله وشكرا لردك مره تانيه

**diabloegypt1** · 12-12-2010 03:48 PM

مشكور على الرد السريع ...

على فكرة أنا سألت على شريط الأرباج بتاع السينيك لأن زرار المثبت في الدراع مش فى التابلوه زيى الميجان وكان ب 1000 جنيه بس أنا متردد فى تركيبه لأن مجمل التكلفة عل حساب الطارة بزراير المثبت والايرباج هيكون ب 3200 وعلى م أعتقد التركيب فى التوكيل هيكلف أكتر من كده بكتيييير

**ecybrarian** · 12-12-2010 03:56 PM

osamasindbad1
والله عندك حق..ميجان موديل 2007 بالمثبت وphase 2 وخلص
diabloegypt1
حضرتك ممكن تكلم المهندس خالد الزيني (فرنش موتورز الرحاب) هايجيب لك من الآخر في موضوع السينيك دا

**diabloegypt1** · 12-12-2010 04:03 PM

المشاركة الأصلية كتبت بواسطة ecybrarian

osamasindbad1
والله عندك حق..ميجان موديل 2007 بالمثبت وphase 2 وخلص
diabloegypt1
حضرتك ممكن تكلم المهندس خالد الزيني (فرنش موتورز الرحاب) هايجيب لك من الآخر في موضوع السينيك دا

تمام بس أوصل لنمرته منين

**diabloegypt1** · 12-12-2010 04:48 PM

شكرا ecybrarian على مساعدتك أنا كلمت خالد وقالى حوالى 5000 مع العلم أن شريط الأيرباج جديد بس قالى على نفس حاجات الميجان ومعرفش موضوع المثبت الى فى الشريط الخاص ب السينيك ... عموما لما أوصل لتركيبه هأبعتلكم الصور