تقرير صغير بعد اول 500 كيلو للريو 1600cc 2011
السلام عليكم و رحمة الله و بركاتة
انا حبيت بس اشارك بتقرير صغير عن سيارتى الكيا ريو بعد استخدامها
انا مش هضيف كتير زياده عن التقرير الرائع بتاع الاخت دونزى
بس فعلا العربية تستاهل كل كلمة تتقال عنها
يعنى مساحة العربية داخليا فعلا كويسه جدااا
استهلاك البنزين جيد جدا لحد دلوقتى يعنى انا رحت اسكندرية بيها و رجعت شامل طبعا المشاوير جوه اسكندرية تقريبا بصفيحة و نص
السحب ماشاء الله كويس اوى مع انى مبفتحش في السرعة علشان لسه في اول 1000 كيلو بس لما بتحتاج تشد بتساعدك
و طبعا ثبات العربية علي الطريق انا شايفه ممتاز جدا مع الاخد في الاعتبار سوء حالة الطرق عندنا بس فعلا الثبات حلو اوى و العزل كمان حلو اوى
الحاجه الوحيده الي معكننه عليا لحد دلوقتى موضوع الريموت الي مش موجود ده انا ساعات كنت بنساها مفتوحه و ارجع اتاكد قفلتها ولا لا
انا مش فاهم ازاى عربية مودل 2011 تنزل من غير ريموت ؟؟؟؟
انا تحت امر حضراتكم في اى استفسار و يارب اكون افدت حضراتكم
وشكرا