الموضوع: الرّحْمَنُ عَلَّمَ القُرْءَانَ - دروس مبسطة في التجويد

المشاركة الأصلية كتبت بواسطة shikh_khaled

بسم الله والحمد لله والصلاة والسلام على رسول الله

الأخت الفاضلة الأستاذة / نور

مرحبا بحضرتك في نايل موتورز , حضرتك شرفتي المنتدى ,

ونتمنى أن تجدي حضرتك في المنتدى الموضوعات الهادفة القيمة المفيدة

و بالنسبة لأسئلة حضرتك

1 - المثال المذكور يوجد بالمشاركة رقم 162 من الموضوع وهي عبارة عن إجابات أسئلة التجويد في أحد الإختبارت

ولو عدت حضرتك لدرس المد المنفصل ( مشاركة رقم 144 ) لوجدتِ بيان للحكم كما يلي :

وبالنسبة لإستفسار حضرتك عن المد المتصل الواجب

لو عدنا لدرس المد المتصل ( المشاركة رقم 143 ) لوجدنا بيان الحكم كما يلي :

وبالنسبة لكلام حضرتك التالي :

المنفصل مش زي المتصل

المنفصل مد فرعي جائز 2 أو 4 أو 5 حركات

المتصل مد فرعي واجب 4 أو 5 أو 6 حركات

وبالنسبة لإقتراح حضرتك الأخير , اقتراح جميل وإن شاء الله نحاول تطبيقه

جزاك الله خيرا على هذه المشاركة المفيدة

وأتمنى إن حضرتك تتابعي معنا

وأي استفسار من حضرتك تحت أمر حضرتك وجميع الزملاء

خادم القرءان الكريم وأهله

الفقير إلى الله , راجي رحمة ربه الغفور

خالد سيف

وصل اللهم وسلم على من نزل على قليه القرءان بشيرا ونذيرا

كفيت ووفيت ياشيخنا ربنا يبارك فيكم ويرفع قدركم يارب
انا سألت الشيخ عندنا اليوم قالى بالنسبه للمد الجائز المنفصل
حركتين فى حاله القصر لو هنقصر يبقى حركتين
لكن بنقولها اربع او خمس حركات ساعه القصر اتنين
بصراحه شديده هو شرح لنا المدود كلها حصه واحده
فى ساعه ونصف سريعا يعنى حصل لبس الحمدلله
ولما دخلت هنا وشوفت المدود بالتفصيل الممل فرحت بجد
وحسيت ان ربنا بيساعدنى علشان بنحرج نكلمه كتير هناك
المهم بحمد الله زاكرتهم كويس وراجعت وطبقت من المصحف
لو مطبقتش كانى بضحك على نفسى بصراحه



السبب ال خلانى اقول الاقتراح ده
لانى مستخسرة كلام قيم لا يقدر بثمن كده يتقرا وخلاص
النظر فى المصحف والتطبيق بيشجع الناس اكتر
يعنى مثلا المعلم او الشيخ معتاد يشرح نظرى بكام مثال وبس
ويشرح شرح وافى وجميل جداااااااااااااا
بس لو تانى حصه مطبقناش فى المصحف مرة فى مرة
هنجيد كويس لو معملناش كده كاننا بنضحك على نفسنا او كاننا بتلقن ونحفظ من غير فهم وتطبيق
يعنى اقتراحى يكون يوم الخميس شرح نظرى بمثال
ويوم تانى يكون شرح عملى فى المصحف نطلع احنا
جزء عم طلعت منه المدود اكتريتهم مد جائز منفصل
ومد اصلى طبيعى الخ مرة فى مرة بالتطبيق بتبقى العمليه سهله جدااااااااااااااااااااااا ااا الناس لو قرأت كده الدروس هتحس
ممكن بصعوبه او هيقولوا مش فاهمين حاجه وميدخلوش تانى
او يكبروا دماغهم البعض كتير كده
عاوزين تشجيع للكل يدخل ويسأل ويشارك
ويكون فى منافسه شريفه وجوايز وتطبيق عملى من المصحف
بس عموما ده مجرد اقتراح مش عاوزة اتقل على حضرتك
فالامر فى الاول والاخر يرجع لحضرتك بس نفسى الكل يستفاد
ربنا يبارك فيكم ويرزقكم الاخلاص يارب دائما وابداااااااا

الله يكرمك ياشيخنا ....تجاوب لى على السؤال ده
النهارده الشيخ عندنا صاحب الدار بيشرح لنا
درس التفخيم والترقيق
قال بينقسم الى تلات تفخيم تجتمع فى خص ضغط قظ وحروف ترقيق ..وحروف تارة مفخمه وتارة مرققه ..تمام
وتوقف عند الحروف المفخمه تارة ومرققه تارة
توقف عند اللام لفظ الجلاله الله...بتكون تابعه لما قبلها
يعنى لو قبلها مفتوح او مضموح يبقى لام فى لفظ الجلاله تفخيم

مثال ...لك الله الكاف مفتوحه يبقى اللام هنا تفخيم
وكان الله... النون مفتوحه يبقى اللام تفخيم

لوجاء قبلها مكسور تبقى لام فى لفظ الجلاله ترقيق
مثل بأيات الله التاء هنا مكسورة...تمام يبقى اللام ترقيق


السؤال بقه ال سألنا فيه اليوم وقال ال هيجاوبه الحصه الجايه له جايزة حلوة بجد
وابحثوا من اى مكان بس عاوز اجابه صحيحه
يقولك ايه...كما فى سورة الاخلاص
قل هو الله احد...الله الصمد
طبعا فى قلقله وبقف عند كل ايه
قال لا انا عاوزكم توصلوا الايتين ببعض متقفوش
طبعا الدال تنوين بالضم لما اوصلها بلفظ الجلاله لله
هقول ايه احد الله الصمد قال كل الناس تقول
لام لفظ الجلاله هنا مفخمه ويضموها
بس الصح فى القراءة بقولها احد الله كسرها
قال هى ترقيق عاوز اعرف ليه؟؟؟؟؟؟؟؟؟؟؟؟؟؟؟؟؟؟؟؟؟
ابحثوا وعرفونى ...قولت طبعا الشيخ خالد ربنا يكرمه
اكيد هيفيدنا سبحان الله الصفحه دى جيالى والله
من عند ربنا
ربنا يبارك فى ال كانوا سبب انى دخلت هنا عموما
فى القسم الاجتماعى بس صفحه زى دى محدش يضيعها اكيد ههههههه
ربنا يبارك فيكم وينفع بكم