مساء الخير علي كل اعضاء الرابطه وكل سنه وانتم طيبين[/quote]
و أنت طيب يا باشا و أهلا بيك وسط الرابطة و عام سعيد علينا جميعا
عرض للطباعة
ازيك يا استاذ هشام انشاء الله تكون بخير
ربنا يخليك يا استاذ احمد وعام سعيد عليك وعلي كل اعضاء الرابطه
النهاردة لما قابلت الاستاذ كيت و رحنا شارع دمشق كنت عاوز أشترى كاوتش البيانو بتاع علبة الدريكسيون لان الكاوتشتين عندى أتقطعو و طبعا لاول مرة فى حياتى بصراحة اشوف دقة زى دى من حد و الاستاذ كيت أول ما شاف الكاوتش فى شارع دمشق لقيتة بيقولى و بيقول ل بتوع المحلات دة مش بتاع التمبرا و دة بتاع السينا و طبعا كلهم بيقولو لا طبعا دة بتاع التمبرا و بيباع على هذا الاساس و هنا ظهرت قصة غريبة جدا و هى (((( لماذا يتم قطع كاوتش المنفاخ أو البيانو بعد فترة من تركيبة ))))) دة لغر غريب حا نقول السبب ان نوع الكاوتش مثلا وحش لآ الكاوتش أيطالى و نوعيتة جيدة السبب بقى و الى لاحظة و قالة الاستاذ كيت بالرغم من أننا لفينا حوالى 8 محلات فى شارع دمش نفس شكل الكاوتش و الماركة واحد بالظبط بس السر هو لو عديت عدد لفات الكاوتش حا تلاقيهم 17 لفة العدد كامل و 15 لفة من غير حساب الاطراف الى فى السوق كلة يا جماعة أقصر حاجة صغيرة ناقص منة لفة و طبعا الميكانيكى حا يركب و مش حا ياخد بالة بالتالى الكاوتشة بتشدد شوية و بعد فترة بتتقطع و من بعد لف على 8 محلات محل واحد الى لقينا عندة الكاوتش الاكبر دة و أنا كنت أشتريت بالفعل و الاستاذ كيت قالى أسمع الكلام و فتح كبوت العربية عندى و عدينا موضع لفات الكاوتش و بصراحة كانت مفاجأة أن الكاوتش فية عدد لفات أكبر و حصوصا ان الكاوتش الى عندى بتاع الفابريكا فعرفنا العدد الصحيح و الصورة اهية http://img267.imageshack.us/img267/8...0120113828.jpghttp://img228.imageshack.us/img228/6...0120113830.jpg
الكاوتشتين دول انا كنت جايبهم من الحي السابع و سعرهم كان 50 جنيه بس معرفش موضوع اللفات ده
أحمد دول فى شارع دمشق ب 35 جنية و المحل دة الوحيد الى الاستاذ كيت لما شافهم قالى دول بتوع التمبرا الصح مع ان الكيس و الماركة واحد بالملى و الراجل بيبيعهم ب 45 جنية و أخدناهم ب 40 جنية ة الاستاذ كيت هو الى فاصل و أنا مجرد دفعت و الاستاذ كيت بصراحة رجل ذو خبرة لا يستهان بها و كتر ألف ألف ألف خيرة على مجهودة و ربنا يديلة الصحة و هو أكبر منى سنا بكثير و علما و ربنا يبارك لة يا رب