الله يبارك فيك و عقبال الجزء المليون و تبقي حضرتك كده دايما منورة الرابطة
عرض للطباعة
الله يبارك فيك يا باشا و يا رجالة بسم الله ما شاء الله و الله الرابطة بتاعتنا كلنا دى من أنشط الروابط انتم من الساعة 02:25 pm لغاية دلوقتى عاملين 80 مشاركة و المشاهدات 350 مشاهدة ما شاء الله عاملين منتدى هنا هههههههههههههه الله أكبر و بجد عاوزين مواضيع حلوة علشان الناس الى بتشاهد مواضيعنا تلاقى جديد و معلومة فى كل صفحة و ماشى يا عم ياسر يا بتاع الة الزمن ههههههههههه
مساء الفل يا رجاله
مساء الفل يا استاذه نيفو
حدش نازل العزبه بكره عشان انا نازل اجيب موتور المساحات ان شاء الله
شوفو الموضوع ده يا شباب
معلش نسيت احط الموضوع
http://www.nilemotors.net/Nile/18997...post3873140251
محل الباز دة أسوأ محل ممكن تتعامل معاة و أحمد لانشيا لة معاة موقف لما جة يرجع لة حاجة خلو بالكم يا رجالة لما أحمد لانشيا حا يشوف الموضوع هو حا يحكية لكم فى الارتجاع مقرف بلاش المحل دة يا جماعة خالص[/quote]
ازيكو جميعا
بجد يا جماعه تبعدوا عن الباز بالذات فى الحاجات الميكانيكيه والكهربائيه يعنى الحاجه اللى على تجربه مثل كربراتير- طلمبه باور - حساسات الخ
لأن وانا عنده لاقيت واحد شارى من عنده دينامو ورجعه مرتين علشان بايظين وانا خدت منه رشاش بنزين 4 مرات وكلهم بايظين ولما قلتلوا خلاص مش عايز حاجه قلى مفيش مشكله خد حاجه مكانه بس انا كنت خلاص قرفت وكنت عايز امشى المهم قلى معلش بقى الحج مش موجود واما يجى تبقى تعالى خدهم
معلش طولت عليكم
الخلاصه كونوا حذرين فى التعامل معاهم
صباح الفل يا ابو حميد
طيب تمام - فين خرطوم الضغط ده بقى عشان اوريهوله - اصل الميكانيكى بتاعى ...... تقيله - لازم ابوس ايديه عشان يشتغل
للمعلوميه انا لما غيرت الطلمبه غيرت الزيت
ومش هنتقابل النهارده ولا ايه ؟
عندي حاجه غريبه يا شباب احيانا العربية الاقيها بتنتش على الغيار التاني والتالت لما تكون بارده الصبح اقصد هنا بارده يعني بعد اول شرطه يعني المفروض تبقى مظبوطه حد عنده تفسير انا شكلي هاكيب مشط واجربه عشان القنابل اللي احيانا بتضرب
خرطوم الباور من علبة الدريكسيون الى الطلمبه
o.k فى نفس المكان بس حاول تبدر شويه
يا جماعه الراجل ده محتاج مساعده فى عربيته التمبرا
http://www.nilemotors.net/Nile/190022-91.html
السلام عليكم
ازيكم يا تمبراويه
كلكم واحشنى جدا
مبروك الجزء الثالث وعقبال ال100
اولا احب ابارك لخالد على العربيه الجديده رغم تاخرى فى ذلك بس ملحوقه ربنا يبارك لك فيها ويكفيك شرها
ثانيا احب اعاتب جاليليو واقوله ما حدش بيسيب بيته عشان اخوة زعله
وكمان اعاتب حسنى واقوله ما تتقلش على جاليليو عشان انت محترم وهو محترم بس هو ما بيحبش الهزار هزر معايا انا يا حسنى وما تزعلش جاليليو وما تهزرش مع جاليليو لحسن اجيلك المنصورة
وكمان زاجو نفسى يمسك نفسه شويه واعصابه ما تفلتش منه عشان كده مش كويس ده كده رجليه هتوجعه من الوقف يا اخى المنتدى بيبقى ما لوش طعم من غيرك ما تحرمناش منك
وزلبانى عامل ايه واحشنى جدا وكمان احمد وشوماخر وياسر اللى ما شاء الله مستواة ارتفع بشكل ملحوظ ومايكل اللى الكتكوته مزعلاة وان شاء الله كله يبقى تمام ويبقى الباور زى الفل واخى كوهانا يارب تكون العربيه ماشيه معاك تمام والدكتور حبيب قلبى ربنا يوفقك فى المشروع اللى انت فيه ويتمهولك على خير واسامه اللى سابنا ومش هنسيبه واحشنى يا راجل وعاطف اللى مهندسنا كلنا ومحمد ومحمود وطبعا مش هنسى شيخ المصورين هشام بيه حبيب الكل
وسامحونى لو فى اسماء سقطت منى
المهم انا عاوز طلبين عشان تبقى المشاركه ليها لازمه
الاول حد فكر انه يحط للعربيه فرش جلد فى دواسه العربيه والشنطه لو سمحتوا لو حد عمل كده يدينا فكرة عن التكاليف ومين عمل ايه ومنين وبكام
الطلب التانى عاوز اشترى اكصدام امامى بالفوجات شوفلى يا هشام الموضوع ده ورد عليا الله يخليك
واخيرا هل فى استعدادات معينه الواحد يبتدى يعملها لما الشتا يدخل ولا لا ولو فى ايه هي الاستعدادات دى طبعا الكلام ده على العربيه احسن حد يقولى اشترى بطاطين ولا حاجه
وكل عام وانتم بخير بمناسبه العام الهجرى
ايه النوم ده ياجماعه
طيب حد يقولى العربيه كانت ماشيه مغاه ازاى فى الهوا بتاع اليومين اللى فاتو
انا بالنسبه لى كنت حاسس على 110 / 120 ان العربيه مش متزنه شويه بس بجد ثابته جدا بالنسبه للعربيات اللى ماشيه امامى
نفس الموضوع بردو هنا
عادل باشا ازيك يارب تكون بخيروصحة
بالنسبه لفرش الجلد انا كنت سألت عليه من فتره عند واحد بتاع كماليات في المعادي ورا مستشفي المعادي العسكري اسمه فرح كان شكله حلو جدا وعاجبنب وعملي جدا في التنظيف كان عنده موعين واحد ب 215 العربية كلها وواحد ب 250 مش فاكر من ضمنهم الشنطه ولا لا وواحد صاحبي عمله عند سروجي ب 100 بس اختار نوع نضيف اهم حاجه وعشان برده ما تبقاش شبه التاكس
بالنسبه للإكصدام الشباب كانوا بيقولو تمنه استيراد بالفوجات 450 بس خلي بالك من حاجه لازم يكون بلو العربية ودي مش مضمونه والا هاتتكلف رش كمان مش اقل من 150 عشان كده انا شكلي هافتح في الإكصدام اللي عندي واشتري الفوجات ب 200 والسلام ختام
يا رجاله انا نازل كمان شوبه العزبه حد جاى
لو حد عايز يسال على حاجه يقول
اذيكم كلكم
وحشنى جدا
انا جبت الدسك والاسطوانه زى ما قولت ياميكل التلاته فى نفس العلبه بس 450 من عفت الموردى وهجيب كبالن صينى
بس عايزه اجيب طرمبه ميه عشان عندى الطرمبه فيها حاجه غلط بزود المياه على فترات قريبه جدا مع انى بحط مياه خضرا وعايزه كمان اجيب طرمبه لمايه المساحه منين وبكام
هل يوجد حد من الاخوه
يعرف سعر جنوط الاسبور بتاع التمبرا
ومين الى ممكن القيها عنده
أزيك يا عدولةبص يا باشا أنا فى وسط البلد شوفت زى دواسة موكيت للشبطة بس كانت غالية ب 170 جنية تقريبا فية حاجة تانية فى التوفيقية شوفت موكيت ناعم شكلة كويس و الظهر بتاعة كاوتش العربية لما أنا قيست الشنطة تقريبا 110 سنتى و العرض بتاع الموكيت بيبقى 140 سنتى لو جبت متر و ربع و أتقص حا يغطى كويس جدا و حتى لو أتدلق علية زيت أو مية مش حا ينزل على الفرش الاصلى و سألت محل سروجى فى ميدان الجامع قالى برضو المتر ب 25 و بتركيبة ب 50 جنية و قصة و بالنسبة للأستعدادات الشتوية ظبط المساحات و بس كدة هههههههههههه
ريم شوماخر التمبرا مبروك أخيرا يا علشان تتبسطى مبروك على الاسطوانة بصى الكيلانى كان بيبيع الطقم ب 420 جنية بس كان مغير البلية الى مع الطقم عموما السعر متقارب و مبروك عليكى بالنسبة للموتور بتاع المساحة ممكن لما نروح العزبة أسأل علية لو بيتباع لوحدة ياسر كان جابة لوحدة ب 30 جنية لو جبنا القربة بالموتور ب 50 جنية تركيب الموتور أسهل من فك القربة و بالنسبة للكبالن أنا ما شوفتش عند فاروق حاجة شدتنى بس لو شوفتها حا أقولك
استاذ هشام ازيك حمد لله على السلامة
و الف شكر على الدعم الفني اللي عملتهولي النهردة الصبح ههههههههههههههههههه
و عملت ايه في العربية كله تمام
النهاردة كان بالنسبة ليا يوم ممل و طويل جدا وديت العربية للميكانيكى بتاعى علشان أشوف موضوع الزيت الى لقيتة فى القربة و طبعا دة بسبب الجوان فكينا نص الموتور العلوى بالهيد و تم تنظيف وش السلندر و تركيب جوان دوبل أيطالى و جوان شكمان و جوان تاكيهات و فرن و القصة كانت طويلة جدا جدا لغابة ما الخراط قشط الوش علشان ينظف و عملت كاوتش الصباب بالمرة و ظبط تاكيهات و دة طبعا شغل الخراط و التكلفة جوانات ب 60 جنية و 140 خراط و 100 جنية للميكانيكى و شكرا حاجة تغيظ بس الحمد لله و طبعا العربية فرقت جدا جدا جدا عن الاول و طبعا و أحنا فاكين قولت أشوف ترموستات الكوعة ما لقيتش فية ترموستات فى الكوع بتاع المية من الاساس ههههههههههههه
العفو يا باشا على أية و أديك قرأت أنا عملت أية من الساعة 11 صباحا الى حوالى 10 مساء يا باشا و دة لان الخراط الى الميكانيكى بتاعى بيتعامل معاة فى عرب الحصن ههههههههههه يعنى بعيد جدا بس الراجل الخراط بيجى لغاية الميكانيكى بموتسيكل ياخد الشغل و يعملة و بعدين يجيبة للميكانيكى مرة أخرى بس بجد خراط ممتاز و قابلت تيفا النهاردة و رحنا العزبة سوا هههههههههه أنا هلكت النهاردة بجد و قولنا عملت أية يا شقى مش حا أقول موضوعك اكتب عملت اية يا باشا ههههههههههه
سلامه العربيه يا استاذى
انا الردياتير عندي كان فيه مشاكل في العلب اللي في الجنب و طبعا المشكلة مش في العلب نفسها لأ في الشفة اللي بتركب عليها العلبة دي و الشفة دي من اللحام فيها كتير بيجي عليها وقت و مهما تتلحم بتفك انا في اخر ثلاث او اربع اشهر صارف 150 جنيه لحامات و اخر مرة لحمت مقعدش يومين و بقا بيسرب تاني
و طبعا قررت اني اغيره و حبت ردياتير زي اللي الاستاذ هشام جابه بالظبط و ده طبعا بعد ما شاورته في الموضوع و هو كان مشكورا متابع معايا القصة لحد ما خلصت
التكاليف بقا 500 جنيه شاملة الردياتير و مصنعيات و مية خضرة اسباني و كمان 10 جنيه اكراميات يعني المجموع 510
طبعا بعد ما خلصت الراجل بتاع الردياتيرات كان فاكرني هنسى الردياتير القديم بتاعي و انا بعد ما خلص دخلت اخدتو من جوه المحل هو طبعا شافني و اتجنن قالي انت واخدو ليه و هتعمل بيه ايه طبعا انا استغربت و قلتله حاجتي ايه مشكلتك و هو طبعا عرض عليا انه يديني 20 جنيه و اسيبهوله و انا رفضت و قولتله هات خمسين و هو مرضيش و اخدت الردياتير و مشيت
و دي صورته بس ده بتاع الاستاذ هشام اللي انا جبته هو نفس ده بالميلي
http://img137.imageshack.us/img137/4...1020102067.jpg
بقولك ايه يا هشام باشا هو الكابتن فاروق ههههههههههه مجابش باقي البضاعة
أحمد أنا أقولك بتاع الارادياتيرات متجنن لية بص يا باشا هو حا يعملة قطع غيار لآنة بيبيع العلبة الى فى الجنب ب 70 جنية و أكثر يعنى بالميت يعمل بية مصلحة ب 150 جنية فهمت هههههههههههههههه علشان كدة قولتك لا ما تدهلوش و خلية أحتياطى عندك ممكن لا قدر الله تحتاج علبة منة بعد كدة
ههههههههههههه يا باشا انا استغربت جدا
انا اصلا كنت فعلا ركبت العربية و همشي و كنت ناسي و بعدين افتكرت اني ما اخدتوش و نزلت اخدت الردياتير من جوه المحل و رايح احطه في شنطة العربية هو شافني قام جاري عليا هههههههههه
طبعا انا لما شفته بيجري عليا كده افتكرت اني اخدت ردياتير مش بتاعي و لا حاجه او ان هو افتكرني سرقته ههههههههههههههههههههههههه هههههه