بص ياباشا الحركه الندله اللي العربيه عملتها معايا امبارح هي الاتي:-
من يومين غيرت الابلاتين علشان السحب كان مش ولا بد
راح الراجل خلى العربيه عاليه شويه وبتكركر قلت مش مهم ومشيت بيها كده
امبارح رحت مشوار للعبور ورجعت للهرم وبعدين رجعت المعادي عند الميكانيكي قلتله وطي البنزين شويه واظبط الكهربا علشان العربيه بتكركر
فضل يوطي العربيه تبطل يعلي العربيه تعلى قوي وهكذا لحاد ما وطى العربيه وفك الخرطوم الرفيع اللي داخل في العمه لقاه بيطلع دخان راح قاللي العربيه محتاجه طقم شنبر
فانا طبعا احتراما للسن مردتش اقوله كلمه اسكندراني وقلت اقنعه بالمنطق....
انا - يا اسطى العربيه بتجيب 160 عادي خالص يبقى طقم شنبر ايه ؟؟
الباشمهندس الميكانيكي - ايوه عادي بس الدخان ده طقم شنبر
انا - يابيه ده الشكمان بيعرق قدامك اهو طقم شنبر ايه بس!!!!
الباشمهندس الميكانيكي - ايوه ملهاش علاقه حتجري عادي والشكمان يعرق بس برضو عايزه طقم شنبر
انا - يا عم انت كرهتني في حاجه اسمها عربيات وطقم الشنبر ده يعمله كام؟
الباشمهندس الميكانيكي - حفكلك كارتيره الزيت واعملك من تحت العربيه ومش حيوصل 250 جنيه
انا - ولو فضل الدخان ده وطلعت في الاخر كانت عايزه ظبط كهربا ؟؟؟؟( وانا في سري بقول نهارك مش باينله نهار )
الباشمهندس الميكانيكي - ملكش دعوه انت سيبها يوم وتعالى استلمها
فطبعا انا اخدت العربيه وركنتها وطلعت قلت لبابا الكلام ده ( بما ان الأب والد برضو ههههههههه) فقالي اروح لميكانيكي تاني اقوله يظبطلي الكهربا واغيرلها زيت
علشان كده مروحتش العزبه ولا غيرت زيت ولا ظبطت الكهربا
انا عايز موتوسيكل :S_thum1[1]: