يا وسام شغل الكهربة و العفشة بتاع التمبرا اصعب من معظم عربيات موديل 2011 اللي في مصر
و الكلام ده سمعتو من صنايعية كتير جدا جدا
دي حاجة
الحاجة التانية هي الاوبل الفكترا سعرها في حدود كام لو حالتها حلوة
عرض للطباعة
لو بحالتها واوتوماتيك موديل 94 او 95 ومحصلتش ومش حتحصل تعملها 45 باكو ( 2000 cc)
ال 1600 ارخص من كده
يعني ممكن 1600 مانيوال نضيفه ومتروقه تعمل 35 الف
ياباشا فرق السما من الارض بين ركوبه دي ودي
انا لو فضلت الاوبل بتاعت ابويا معايا اسبوع بفضل بعدها بشهر مش عارف اسوق التمبرا
كمان الاوبل رخيصه بسبب ان قطع غيارها مولعه
يعني طرمبه البنزين مثلا ب 400 جنيه
الكبالن بتوعها ب 480 جنيه
الكلبسه البلاستيك اللي بتخلي تنك البنزين يقفل تمنها استيراد 60 جنيه ( سرقه علني )
ده غير ان الاوبل بتقطع بنزين ...ولا انت نسيت ؟
حيث كده بقى تحيا جمهوريه التمبرا الاتحاديه
وسام انا معاك ان الالمانى ملوش حل والابل عربيه جيده بس قطع الغيار بتعتها مولعه التمبرا بانسبه للفيت عربيه جيده جدن الابشن بتعها كويس مرريحه فى السفر بس مش زى الاوبل قطع غيرها متوفره بس مشكلتها مش اى حد يعرف يظبط الماتور ولا العفشه انا عندى بدل الميكانيكى 3 والعشجى 2 كل واحد بروح له عشان حاجه معينه ممكن تكون المشكله عندك ان مفيش واحد عنده ضمير عارف تتعامل معاه
لا ياباشا المشكله عندي اني مبعرفش اسوق كويس والعربيه بتطلع في الروح معايا
[IMG]http://www.nileup.com//uploads/image...394658740c.jpg[/IMG]االسلام عليكم --ازيك يا وسام وحشنا والله ايه الغيبه دي ياعم بلاش موضوع الايقافات ده وتحرمنا منك --- كنت عايز اعرف ممكن الواحد يعمل الفوانيس الي ورا زي الي في الصوره دي ازاي وعند مين ؟؟؟وفيه فوانيس متعدله جاهزه ؟؟؟ وتكلف كام وشكرا:S_thum1[1]:
وعليكم السلام ورحمه الله وبركاته
انشاء الله ححاول ابطل اتوقف هههههههههههههه
الفوانيس دي بتتعمل عند بتوع الفوانيس
واعرف واحد مشهور جدا اسمه الأسطى تيفا ممكن يعملك الفانوسين ب 300 جنيه وواحد بيبسي _(اي خدمه يا معلم تيفا بجيبلك زباين اهو )
لو مش فاضي يبقى تروح الحرفيين
وفيه واحد في صقر قريش بيعملها بس معرفش بكام