رابطة مالكي وعشاق التمبرا (الجزء الثالث)

**Tamerelbasry** · 28-12-2010 01:39 PM

المشاركة الأصلية كتبت بواسطة heshamzaky

الف سلامة و الحمد لله أنها جت على قد كدة و طبعا عارفين كلنا محل عبد السلام و ساعات بنشترى من عندة حاجات بص أحنا للمعلومية بنشترى كلنا من محلين معينين فى العزبة تقريبا و ارقام تيلفوناتهم فى اول الرابطة الجزء الثالث انصحك شوف عند أولاد الشحات او فاروق دول أحنا عاملين معاهم أبونية و عارفينا ب الاسم كويس جدا جدا جدا و مفيش مشكلة نهائيا حصلت معاهم على العكس دا احنا بنتدلع عندهم جامد اوى و لينا دلال عليهم و اى حاجة بيغيرو من غير نص كلمة و محترمين و السعر أعتقد الاكصدام الامامى لو ب الفوج لايت 350 جنية من غير الفوجات ممكن 200 جنية و الخلفى يمكن 200 و احتمال السعر أقل من كدة كمان اسألهم بالتيلفون و أسأل جوة العزبة عند كذا محل و الى أقل سعرا و حاجتة كويسة جيب من عندة

**Tamerelbasry** · 28-12-2010 01:45 PM

المشاركة الأصلية كتبت بواسطة heshamzaky

الف سلامة و الحمد لله أنها جت على قد كدة و طبعا عارفين كلنا محل عبد السلام و ساعات بنشترى من عندة حاجات بص أحنا للمعلومية بنشترى كلنا من محلين معينين فى العزبة تقريبا و ارقام تيلفوناتهم فى اول الرابطة الجزء الثالث انصحك شوف عند أولاد الشحات او فاروق دول أحنا عاملين معاهم أبونية و عارفينا ب الاسم كويس جدا جدا جدا و مفيش مشكلة نهائيا حصلت معاهم على العكس دا احنا بنتدلع عندهم جامد اوى و لينا دلال عليهم و اى حاجة بيغيرو من غير نص كلمة و محترمين و السعر أعتقد الاكصدام الامامى لو ب الفوج لايت 350 جنية من غير الفوجات ممكن 200 جنية و الخلفى يمكن 200 و احتمال السعر أقل من كدة كمان اسألهم بالتيلفون و أسأل جوة العزبة عند كذا محل و الى أقل سعرا و حاجتة كويسة جيب من عندة

الله يسلمك ومتشكر جدا جدا على الرد بس دى حاجة مش جديدة عليك
جزاك الله خيرا

**ZALABANY** · 28-12-2010 02:22 PM

مبروك المرايات هشام باشا احكيلي بأه هي المرايات الكهربا دي يمين وشمال والسخان شغال في الإتنين قلي كلفوك كام والراجل عنده تاني ولا ايه والتركيب كمان اتكلف كام

**heshamzaky** · 28-12-2010 03:05 PM

المشاركة الأصلية كتبت بواسطة zalabany

مبروك المرايات هشام باشا احكيلي بأه هي المرايات الكهربا دي يمين وشمال والسخان شغال في الإتنين قلي كلفوك كام والراجل عنده تاني ولا ايه والتركيب كمان اتكلف كام

زلبانى ازيك ما انا قولت لك انت ما اخدتش بالك عايا اتنين زيادة فى شنطة العربية بس للأسف ملونين مش اسود واحدة نبتى ميتالك و التانية جراى كدة هههههههه بس شغالين تمام و دة الهم لانى جربتهم طبعا و دة مهم جدا لازم تتأكد ان السخان شغال بس أنا أفضل أنك تلاقى 2 لونهم أسود و التكلفة كالاتى المرايا الواحدة ب 80 جنية و المفتاح الى بيحركهم ب 50 جنية و 30 جنية 20 متر سلك محمل 1 ميلى و 50 جنية تركيب .
بالمناسبة المفتاح انا كنت جايبة من فاروق ب 40 جنية بس مش شغال و أحمد يوفنتس و تيفا داخو عند فاروق بيدور كالعادة على المفتاح ما لقاش بس قال عندة ههههههههه أحمد يوفنتس و تيفا جابوة من العزبة من واحد محل جديد كدة ب 50 بعد الفصال و طلعان الروح بس برضو ممكن ابقى اغيرة أو مجرد فية زى لمبة صغيرة بتاعت الكاسيت بتتلحم بمكوة قصدير و تشتغل الكهربائى قالى اعملهالك و انا حا اشوف الاسهل و زمن التركيب مش أقل من ساعتين و نص بالميت الشغلانة مش سهلة و طبعا السلك لازم يكون ألوان متعددة أزرق و برتقالى و اصفر و أى لون كمان أنا عملت كدة دة حا يسهل للراجل الى بيركب بصورة رهيبة و بجد يا زلبانى ركبة عند نفس الكهربائى الى عند بيت يوفنتوس الراجل دة بيفهم و ابن حلال و كويس أنت عارف كان بيجيب بكرة القصدير و يسخن بولاعة سخان و يغطى بعض السلوك بقصدير بعض الحاجات المهمة طبعا مش كلها و تقيمى لة بالنسبة للصنايعية امتياز و سعرة ممتاز

**heshamzaky** · 28-12-2010 03:32 PM

دة الوان السلوك الى فى السويتش

**heshamzaky** · 28-12-2010 03:40 PM

المشاركة الأصلية كتبت بواسطة tamerelbasry

الله يسلمك ومتشكر جدا جدا على الرد بس دى حاجة مش جديدة عليك
جزاك الله خيرا

العفو يا باشا و و الله كل الرجالة بتوع التمبرا زى ما انت بتقرأ المشاركات كدة جدعان بصورة غير طبيعية بجد و بالنسبة للأسعار انت لازم تسال و فاصل مع الراجل ممكن السعر يقل أنا أديتك سعر تقريبى

**MOTORULE** · 28-12-2010 03:56 PM

أزيكم ياشباب
في حاجة عايز أعرفها
عدادات السرعة عندكم أيه أخبارها
العداد الأصلي بتاع العربية كان مزود
بالذات بعد ال100
يعني بقولك 120 و أنت ماشي 105
و أنا في بورسعيد كنت بجيب تابلوه عشان التابلوه عندي كان متاكل و متبهدل و الراجل قاللي التابلوة بالعداد بنفس التمن من غيره
فأخدته و ركبته
دلوقتي العداد بالظبط زي الجي بي أس
بس الكلام ده لحد 140
بعد كده مبيزودش عن كده مهما زودت السرعة
حد عنده الموضوع ده

**heshamzaky** · 28-12-2010 04:14 PM

الحقيقة لا العداد شغال عادى جدا و بيقرأ صح

**zago** · 28-12-2010 04:15 PM

ايوه انا عندي العكس
اول ما جبت العربيه كان العداد زي الفل
بس لما طقت في دماغي اشوف اخر العربيه كام وصلت بالظبط ل 174 ولما هديت العداد كان بيرجع ببطء شديد
ودلوقتي لو انا ماشي 100 على قرايه العداد يبقى في الحقيقه ماشي 112 وكل شويه يتقل يعني ال 120 عالعداد 140 في الحقيقه
وال 140 في العداد الله اعلم كام بس المفروض تكون 174 علشان العداد مش بيعدي ال140 نهائي انشالله اكون على مزلقان والموتور كالأسد يزأر زئيرا قبل افتراس ....

علبه الكشري

**heshamzaky** · 28-12-2010 04:18 PM

أنتو شوفتو الموضوع الى فى قسم فيات التعليمى يعنى كل واحد عندة موضوع يكتبة و بيتم وضع عنوان الموضوع فى فهرس مثبت بالمواضيع دى http://www.nilemotors.net/Nile/192734-a.html