الموضوع: رابطة مالكي وعشاق التمبرا (الجزء الثالث)

المشاركة الأصلية كتبت بواسطة yoyomano

صباح الفل على الكل
اليكم البيان التالى
انه فى يوم الاربعاء الموافق 9/3/2011 قمنا نحن فلان الفلانى يشراء وتغير الاتى
2 جلبة مقص يمين سعر الشراء 70 جنيه وعدد 1 مساعد مايلى بسعر 240 جنيه ومصنعيات 40 جنيه
ملحوظة تم الشراء من احمد محرم
وفى يوم الخميس 10/3/2011 تم شراء وتغير عدد 2 فردة كاوتش جديدة ماركة gt acselera سعر الفردة 290 شامل الترصيص والتغيير مقاس 14/65/175 وهذا هو المقاس الاصلى للسيارة
اما فى يوم الجمعة الموافق 11/3/2011 قمت بطلعة جوية 000000000عفوا برية الى عزبة شلبى وتم شراء الاتى علبة ( دريكسيون باور + طلمبة باور + كربراتير انجكشن ) بسعر اجمالى 700 جنيه وذلك من محل اولاد الشحات (محمد زيدان ) وهو شاب زوق واول ما عرفته انى من طرف الاستاذ هشام رحب بي هههههههههههههههههه لا بصراحة هو قالى انه هشام والدكتور ضياء من الناس المحترمة واثناء فك القطع المذكورة سابفا اذ فجأتا يدخل علينا شيخ الحارة تقريبا كدة كان بيلم الايراد ههههههههههههه
وللعلم الاخ محمد زيدان اعطانى طلمبة باور البرافا لانها اشد على حد كلامه
اما يوم السبت الموافق 12/3/2011 تم تغير القطع السابقة فى الحرفيين للاسف
مصنعية تغيرالعلبة 150 جنيه عند عفشجى فى زمن لا يتعدى الساعة
مصنعية تغير الطلمبة والانجكشن 50 ج عند ميكانيكى طبعا

ويا رتنى ما غيرت حاجة وكنت سبتها

















فى يوم الاحد الموافق 13/3/2011 ذهبت الى الشغل فى وسط البلد زى ما انت عارف يا اتش وركنت العربية زى الفل وفى الساعة الواحدة ظهرا قلت اعمل اذن وأروح البيت اريح من تعب الكام يوم اللى فاتوا
وكانت الفاجعة وجدت البربريز الامامى مهشم تماما وسقف العربية مطبق قلت يمكن المظاهرات رجعت تانى
سألت الناس والسايس قلولى لوح ازاز وقع عليها طبعا لم اصدق ولكن نظرت لأعلى لأجد باقى اللوح مسرطن ومتعلق وطلعت لأجد معرض ملابس فى الدور الثانى يتم توضيبه او تجديده والواجهة كلها زجاج طول الضلفة 2متر تقريبا وسمكه 16 مللى نزل على سقف العربية والزجاج الامامى وكان اللى كان
سلمت بقضاء الله وقدره وتم تغير الزجاج بمبلغ 320 ج بشارع محمد فريد بوسط البلد وروحت على البيت وركنت وطلعت ونمت وتانى يوم الصبح لقيت المدام بتقولى انت غيرت انه ازاز قلتلها الامامى قالت ازاى وهو مكسور طبعا جن جنونى ونزلت بسرعة لأجد الزجاج مشروخ 3 شروخ من تحت جهة اليمين تحت المساحة بطول 10 سم تقريبا ولما روحت الشغل بالليل ذهبت الى بتاع الزجاج وكتر خيره استغرب جدا من اللى حصل ودا اقصى شىء عمله لأ نسيت انه وصفلى د/خالد اللى فى شارع مجلس الامه ورحتله وعالج الشروخ بمبلغ 60 ج بس طبعا باينة وقالى اروحله استشارة يوم الجمعة
ودى كانت حكايتى وتوتة توتة ما انتهتش الحدوتة :i_angr1[1]::i_angr1[1]:

ربنا يعوض عليك
و الله الواحد بيصعب عليه التعب و مش الفلوس
المهم انك انت و اسرتك بخير و الحمد لله
و ابقى شغل سورة البقرة فى العربية و ربنا هو الحافظ

المشاركة الأصلية كتبت بواسطة doctormahmoud

اللى تلاقيه
هو انت تقصد ايه بنور التابلوه؟؟؟؟
انا عندى العدادات منورة و الكاسيت
هو المفروض يبقى فين تانى؟؟؟
و كمان عندى النور اللى فى السقف قريب من المرايا
عارفه؟؟
بس مش بينور غير لما اى باب يكون مفتوح
اعمله ايه عشان ينور لما اكون عاوزه من غير ما افتح الباب؟؟؟

نور التابلوه اللي هو درج التابلوه اللي عند كرسي الراكب ( مش كرسي السواق يعني ) اللي بتفتحه وتحط فيه الحاجات ده
المفروض لما تفتحه بيكون فيه لمبه صغيره بتنور
ودي عندي مش موجوده ( تمبرا 97) لكن موجوده عند ناس تانيه
والمفروض كمان فيه لمبه بتنور مع فتح شنطه العربيه ( لمبه جوه الشنطه )
والنور بتاع السقف ليه زرار ...ازاي مش عندك ؟