معروض عليا نيو اكسنت 2008

**salsapopo** · 12-12-2010 02:26 PM

السلام عليكم يا جماعة دي اول مرة اعمل فيها موضوع مع اني بقالي مدة كبيرة في المنتدي

فحبيت اعرف رايكوا معروض عليا عربية نيو اكسنت اخر 2008 عاملة 30 الف كيلو و رخصة سنة و نص
حالتها كويسة جدا و انا عارف عشان هي قدامي علي طول و عايز فيها 68 الف و دي اول عربية ليا فهل هي كويسة
ولا غالية و هل في عيب مشهور في العربية اخد بالي منه و انا بشوفها
و شكرا

**ezzatfox** · 12-12-2010 02:50 PM

بيتهيألى انها عاملة 83.5 تقريبا فى المانيوال يعنى فرق حوالى 15 الف جنية .. يعتبر معقول بس حاول تنزل كمان الف و لا اتنين تبقى تمام قوى .
بالنسبة للعربية نفسها هات سمكرى فاهم يبص عليها و ينزل تحت العربية لو قالك تمام يبقى مش فاضل غير انك جربها بنفسك لو لقيتها مظبوطة و مفيهاش مشاكل اتوكل على الله .

**salsapopo** · 12-12-2010 02:53 PM

شكرا يا استاذ عزت علي ردك السريع و ربنا يسهل و يرضي يتنزل بيهم شوية

**ahmedteam** · 13-12-2010 05:02 PM

حضرتك لازم تروح ترفعها فى بنزينه و تكشف عليها كويس و تعرف رشت اى جزء قبل كده و لا

تخلى المحطه يدولك تقرير مكتوب عن حاله العربيه و العفشه و كبس الموتور و كمان سعر تقريبى لو معندكش خبره

و ربنا يوفقك و يديلك خيرها و يكفيك شرها ان شاء الله

**shadinasr** · 14-12-2010 02:25 AM

الموديل ده علبة الدركسيون باور كهربا سمعت انه فيه مشاكل مع انها معايا ومفيش اي مشاكل بس خد بالك بردو علشان فيه بعض العربيات كان فيها مشاكل وبالنسبه للسعر كويس بس لو حالتها نضيفه ومش راشه ولا جزء