-
تجربة قيادة نيسان صني
السلام عليكم يا شباب
انا ناوي اشتري الصني قريب بس يعني في مشككين كتير طبعا فيها زي ما انتم عارفين.
فسؤالي هل في و كيل من وكلاء نيسان ممكن اعمل عندة (Test Drive) للعربيه زي ما عملوا زمان.
عشان الواحد بس يحسم قراره عشان دول 86 الف جوند برضو
و شكراا للردود مقدما
م/أسامة
-
مش عارف يا باشا هل في الموضوع ده ولا لأ
انتظر و شوف باقي الاعضاء حيقولوا ايه
-
هى عربيه ممتازه مع زميلى موديل 2007 السياره فوق الممتازه جميله جدا من جوا و سرعه و ثبات على الطريق هوا عامل بيها 37000 كيلو و محصلش فيها اى مشكله هوا ملتزم جدا فى الصيانات الدوريه بتاعتها علطول بيسافر بيها بمتوسط سرعات 160 كيلو و ثباتها عالى جدا و بتجيب لغايه 210 كيلو بسهوله
-
العربية دى وهميـــــــــــــــــــــ ـــــــــة
سافرت بيها مع ابن خالتى مارينا على طريق العلمين و بجد العربية Stable جدا و
الطريق محستش بيه و كان بيجيب بيها لحد 160 و بجد من كتر ثباتها تحسها 120
مثلا او حاجة مع ان انا قلبي خفيف فى موضوع السرعات بس مخدتش بالى انه ماشي
على 160 غير لما بصيت على العداد و كنا فاتحين التكييف الطريق كله و هو حتى
سألته عمله ايه معاك العربية قال مبسوووووووط جدااااااا منها
فعلا عربية اكتر من ممتازة
-
الوكيل ما بيعملش تست درايف للصني .. بيعمل للتيدا بس .. و هي عربية واحدة بتلف علي المعارض كلها .. و بتبقي مواسم كمان مش طول السنة
..عليك و علي احد المعارف لو كنت عايز تجربها .
-
شكرا يا رجالة ع الردود المطمئنة دي و انا إن شاء الله ناوي اجيبها قريب ادعولي
Content Relevant URLs by
vBSEO 3.6.0 PL2