انا قربت اتجنن

**mero5005** · 25-03-2008 02:06 AM

يا جماعه الله يخربيت العربيات جه الزمن اللى معاه 70 الف مش عارف يجيب عربيه نضيفه
انا خلاص قربت اتجنن هو ايه مشكله رشاشات الدايو دى رخرا وهى موجوده فى كل الموديلات ولا؟؟؟؟؟؟ اصلى ناوى اجيبها جديده ومش طالبه معايا اجيبها واقعد الف بيها على التوكيلات واروح الحرفيين وادورلها هناك على طقم رشاشات اكسيل 1500
انا هتجنن ريحونى انا ناوى ادفع كل فلوسى فيها ومش هستحمل يطلع فيها حاجه ولا اكبر دماغى واجيب الفيرنا ولا اقضيها مواصلات واريح دمااااغى؟؟؟؟؟؟؟؟

**ows212** · 25-03-2008 02:25 AM

بص يا ميرو نصيحتى ليك زود 7000 الاف جنيه وهات الديهاتسو سيريون مش هاتندم انا كنت زيك باقارن بين فيرنا وفيفا ولانوس وساعات افكر فى السبارك بس لحسن الحظ دخلت مرة منتدى ديهاتسو قريت كلام شعر عن السيريون من اللى معاهم العربية واللى مش معاهم كمان ..... يابانى يابانى يابانى وما ادراك مايعنيه كلمة يابانى على فكرة العربية اوسع من اللانوس من قدام و ورا .... انا شايف ان العيب الوحيد فيها الشنطة الصغيرة ... خللى بالك لو رحت توكيل ديهاتسو واتفرجت عليها هاتشتريها هاتشتريها يا راجل دا انا نسيت الهوندا سيتى اللى كانت حلمى هذه الأيام .... سيريون عربية ممتازة وكمالياتها اكتر من اللانوس كمان

**SEATLOVER** · 25-03-2008 02:39 AM

يا mero رووق بس كدة وستهدى بالله ..كل عربية و لها مشاكلها ..رشاشات الدايوو مش عيب مزمن فى اللانوس ..كل عربية و لها نمط معين من المتابعة و الصيانة و الحفاظ عليها ..و متقراش موضوع لنصة و تسيبة ...هتلاقى فى مواضيع تانية فى قسم الداييو كملت للآخر و المشكلة اتحلت و هى لها ميت حل يعنى

فى ناس معاهم العربية من الزيرو و متابعين الصيانة الدورية لها و مظهرش فيها اى مشاكل

وخصوصاً انك عايز تجيب العربية زيرو ..يعنى ..توكيل و ضمان و متابعة وشغل نضيف

متزعلش بس نفسك هو فعلاً الزمن صعب شوية ..بس مايمنعش بردو من حبة مرونة كدة

الناس هنا بتفهم اوى فى العربيات ..ودة عيب على فكرة علشان هتلاقيهم محسوكين و محبكينها على اقل حاجة :D

روووق كدة و العربية اللانوس مفيش ذيها ..بس على تفضل

**noni67** · 25-03-2008 07:30 AM

رشاشات الدايو اللى بتتكلموا عليها دى فى الموديلات القديمة مش الجديدة لأن الرشاشات اتغير طرازها من 5 سنين فاتوا مش تقلق واتكل على الله

**amrokhafagy** · 25-03-2008 10:35 AM

بص يا ميرو ياخويا اللانوس هى 128 بتاعة الايام دى من ناحية الصيانة وقطع الغيار بالعكس انا كان معايا 128 كان المساعدين بتوعها اغلى من مساعدين اللانوس يس انت لو عايز منظر وكماليات فاسمع كلام اخوك Ows212 بس قطع غيار نار وصيانة فى التوكيل وبس ومافيش شنطة كمان
انت قرر ايه امكانياتك دلوقث وبعد الشراء

**SEATLOVER** · 25-03-2008 11:08 AM

اية يا اخوانا ..فين الرجالة بتوع الداييو ..حد يجى يطمن الراجل
دى اللانوس هى اللى انقذت الشعب من المواصلات ..وعربية محترمة بسعرها جداً

هو فين معلم الداييو هنا يا جدعان.. هة :d

**shady_elkady** · 25-03-2008 11:40 AM

خليك فى الافيوا لانها احسن الوحشين و بعدين انت بتقول سبعين الف ارهنك ان السنة الى جاية الى معاة 100000مش هيعرف يجيب عربية زيروا محترمة لان معظم العربيات الى السوق المصرى شغال عليها السنة دة نزلة فوق 100000

**emadno1** · 25-03-2008 12:25 PM

دايوووووووووووووووو و سيبك من الهيونداى خالص مشكله الرشاشات انا عربيتى مو 99 و جايبها مستعمله و مفيهاش اى مشاكل و قطع غيار رخيصة حتى التوكيل اسعاره برضه معقوله جدا

اما لو متفرقش معاك اسعار الصيانات و قطع الغيار ممكن تجيب الدايهاتسو لكن هيونداى دى متفكرش فيها لان الوكيل سيى للغايه

بالنسبه للافيو هى اللانوس و مفيش فروق تذكر غير فى الشكل و قطع الغيار اغلى بكتير